- Аманнга игилик этсенг, юйюнге сау бармазса.
- Юйюнг бла джау болгъандан эсе, элинг бла джау бол.
- Иги адамны бир сёзю эки болмаз.
- Башсыз урчукъ тюзюне айланмаз.
- Ургъан суудан башынгы сакъла.
- Алма терегинден кери кетмез.
- Къоркъакъны кёзю экили кёрюр.
- Айранны сюйген, ийнек тутар.
- Атадан ёксюз – бир ёксюз, анадан ёксюз – эки ёксюз.
- Юре билмеген ит, къонакъ келтирир.
- Къонагъынгы артмагъын алма да, алгъышын ал.
- Ачылгъан эт джабылыр, кёрген кёз унутмаз.
- Тамбла алтындан бюгюн багъыр ашхы.
- Башынга джетмегенни сорма.
- Этим кетсе да, сюегим къалыр.
- Эл элде бирер малынг болгъандан эсе, бирер тенгинг болсун.
- Аш хазыр болса, иш харам болур.
- Джол бла сёзню къыйыры джокъ.
- Азыгъы аз, алгъа къабар, аты аман, алгъа чабар.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Сабий болмагъан джерде, мёлек болмаз.
- Къазанчы аман болса, къазаны къайнамаз.
- Бал чибинни ургъаны – ачы, балы – татлы.
- Уясында не кёрсе, учханында аны этер.
- Ишлемеген – тишлемез.
- Ойнаб айтсанг да, эслеб айт.
- Оюмсуз атлагъан, аджалсыз ёлюр.
- Эм уллу байлыкъ – джан саулукъ.
- Акъдан къара болмаз.
- Арыгъан къош чамчы болур.
- Ач уят къоймаз.
- Сёз садакъдан кючлюдю.
- Тешигини къатында, чычхан да батыр болур.
- Эринчекге кюн узун.
- Ашына кёре табагъы, балына кёре къалагъы.
- Акъыллы – эл иеси, тели – эл баласы.
- Джырына кёре эжиую.
- Зар адам ашынгы ашар, кесинги сатар.
- Тюзню ётмеги тюзде къалса да, тас болмаз.
- Итли къонакъ джарашмаз.
- Этни бети бла шорпасы.
- Нёгерсизни джолу узун.
- Тойгъа барсанг, тоюб бар, эски тонунгу къоюб бар.
- Окъугъанны бети джарыкъ.
- Аш берме да, къаш бер.
- Аз сёлешген, къайгъысыз турур.
- Сакъалы текени да бар, мыйыгъы киштикни да бар.
- Ата джурт – алтын бешик.
- Адебсиз адам – джюгенсиз ат.
- Арпа, будай – ащды, алтын, кюмюш а – ташды.
