- Ойнай билмеген, уруб къачар.
- Кимни – тили, тиши онглу, кимни – къолу, иши онглу.
- Билимден уллу байлыкъ джокъду.
- Ачлыкъда тары гырджын халыуадан татлы.
- Тойгъан антын унутур.
- Эки элинги тыйсанг, джети элде махталырса.
- Ётюрюкню къуйругъу – бир тутум.
- Байлыкъ адамны сокъур этер.
- Адамны аты башхача, акъылы да башхады.
- Окъуусуз билим – джокъ, билимсиз кюнюнг – джокъ.
- Кёзюнде тереги болгъан, чёбю болгъаннга кюле эди.
- Къайгъыны сюйген, къайгъы табар.
- Ата Джуртча джер болмаз, туугъан элча эл болмаз.
- Кёрмегеннге кебек – танг, битмегеннге сакъал – танг.
- Къаллай салам берсенг, аллай джууаб алырса.
- Ёксюзню тилеги къабыл болур.
- Арба аугъандан сора, джол кёргюзтюучю кёб болур.
- Хар адамгъа кеси миннген тау кибик.
- Бек ашыкъгъан меннге джетсин, дегенди аракъы.
- Уллу къашыкъ эрин джыртар.
- Босагъагъа джууукъ орун болса, ашыгъыб тёрге озма.
- Ургъан суудан башынгы сакъла.
- Накъырда – кертини келечиси.
- Тойгъан джерге джети къайт.
- Джауумдан сора, кюн кюйдюрюр, ётюрюкден сора, айыб кюйдюрюр.
- Джырчы джырчыгъа – къарнаш.
- Башы джабылгъан челекге, кир тюшмез.
- Ашыкъгъан cуу, тенгизге джетмез.
- Джаш къарыу бла кючлю, къарт акъыл бла кючлю.
- Ишни ахырын ойламай, аллын башлама.
- Ауурну тюбю бла, дженгилни башы бла джюрюген.
- Тюзню ётмеги тюзде къалса да, тас болмаз.
- Зарда марда джокъ.
- Къарны аманнга къазан такъдырма, къолу аманнга от джакъдырма.
- Айран тёгюлсе, джугъусу къалыр.
- Чёбню кёлтюрсенг, тюбюнден сёз чыгъар.
- Рысхы джалгъанды: келген да этер, кетген да этер.
- Экиндини кеч къылсанг, чабыб джетер ашхам.
- Мухардан ач ычхынмаз.
- Къанны къан бла джуума, аманны аман бла къуума.
- Акъыл неден да кючлюдю.
- Этни да ашады, бетни да ашады.
- Къатын байлыкъны сюер, эр саулукъну сюер.
- Дженгил джетерикме деб, узун джолну къоюб, къысхасын барма.
- Халкъны юйю – туугъан джери.
- Бети къызарыучу адамны, джюреги харам болмаз.
- Ётген ёмюр – акъгъан суу.
- Орундукъ тюбюнде атылсам да, орта джиликме, де да айлан.
- Намыс болмагъан джерде, насыб болмаз.
- Ариу сёз аурууунгу алыр.
"Барс Эль". Обращение к карачаево-балкарскому народу.
Читают тему (гостей: 1)