- Къулакъдан эсе, кёзге ышан.
- Кюн кёрмеген, кюн кёрсе, кюндюз чыракъ джандырыр.
- Тешигини къатында, чычхан да батыр болур.
- Эки элинги тыйсанг, джети элде махталырса.
- Аллахдан тилесенг, кёб тиле.
- Ёзденликни кёбю ётюрюк.
- Эл ауузу – элия.
- Ёлген эшек бёрюден къоркъмайды.
- Къалгъан ишге къар джауар.
- Мени джылытмагъан кюн, меннге тиймесин!
- Кесине оноу эте билмеген, халкъына да эте билмез.
- Джол бла сёзню къыйыры джокъ.
- Тас болгъан бычакъны сабы – алтын.
- Эринчекни эр алмаз, эр алса да, кёл салмаз, кёл салса да, кёб бармаз!
- Ачылгъан эт джабылыр, кёрген кёз унутмаз.
- Накъырданы арты керти болур.
- Адамны аты башхача, акъылы да башхады.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джумушакъ терекни къурт ашар.
- Ишлегенден, къарагъан уста.
- Адамны джюреги нени кёрюрге сюйсе, кёзю да аны кёрюрге ёч болады.
- Мураты болгъанны джюрек тебюую башхады.
- Уллу сёлешме да, уллу къаб.
- Кёбге таш атма.
- Ариу сёз джыланны орнундан чыгъарыр.
- Билгенни къолу къарны джандырыр.
- Джан саулукъ бермей, сан саулукъ бермезсе.
- Эм уллу байлыкъ – джан саулукъ.
- Аман адамны тепсинге олтуртсанг, къызынгы тилер.
- Аджал соруб келмез, келсе, къайтыб кетмез.
- Ашыкъгъанны этеги бутуна чырмалыр.
- Уллу айтханны этмеген – уллаймаз.
- Душманны тышы – акъ, ичи – къара.
- Чабакъсыз кёлге къармакъ салгъанлыкъгъа, чабакъ тутмазса.
- Джылар джаш, атасыны сакъалы бла ойнар.
- Кёб къычыргъандан – къоркъма, тынч олтургъандан – къоркъ.
- Окъуу – билимни ачхычы, окъуу – дунияны бачхычы.
- Кёбден умут этиб, аздан къуру къалма.
- Юйлю уругъа ит чабмаз.
- Билим насыб берир, билим джолну керир.
- Къонакъны къачан кетерин сорма, къачан келлигин сор.
- Садакъачыны джаны – къапчыгъында.
- Ауузу аманнга «иги», деме.
- Айран ичген – къутулду, джугъусун джалагъан – тутулду.
- Тай асырагъан, атха минер.
- Сормай – алма, чакъырылмай – барма.
- Тилчиден кери бол.
- Эл элде бирер малынг болгъандан эсе, бирер тенгинг болсун.
- Иги джашны ышаны – аз сёлешиб, кёб тынгылар.
- Тилсиз миллет джокъ болур.
