- Кенгеш болса, уруш болмаз.
- Миллетни бойну – базыкъ, аны бла кюрешген – джазыкъ.
- Аманны тукъумуна къарама, игини тукъумун сорма.
- Дуния аламаты сен эсенг да, игиме деб айтма.
- Джюз элде джюз ёгюзюм болгъандан эсе, джюз джууугъум болсун.
- Бети къызарыучу адамны, джюреги харам болмаз.
- Окъ къызбайны джокълайды.
- Ач – эснер, ат – кишнер.
- Хар адамгъа кеси миннген тау кибик.
- Ачыкъ джюрекге джол – ачыкъ.
- Ишлемеген – тишлемез.
- Халкъгъа джарагъан, джарлы къалмаз.
- Къонагъы джокъну – шоху джокъ.
- Ойнай билмеген, оюн бузар.
- Тойгъан джерден туугъан джер игиди.
- Джерни букъусу кёкге къонмаз.
- Билим – акъылны чырагъы.
- Айранын берсенг, челегин да къызгъанма.
- Таякъ этден ётер, тил сюекден ётер.
- Джахил болса анасы, не билликди баласы?
- Киштикге къанат битсе, чыпчыкъ къалмаз эди.
- Джашда акъыл джокъ, къартда къарыу джокъ.
- Аз сёлешген, къайгъысыз турур.
- Айраннга суу къош, телиге джол бош.
- Къазанны башы ачыкъ болса, итге уят керекди.
- Билмегенинги, билгеннге сор.
- Ачлыкъ отха секиртир.
- Эте билген, этген этеди, эте билмеген, юретген этеди!
- Ариу сёз джыланны орнундан чыгъарыр.
- Кёбге таш атма.
- Къартны сыйын кёрмеген, къартлыгъында сыйлы болмаз.
- Сёз садакъдан кючлюдю.
- Aдам боллукъ, сыфатындан белгили.
- Алма терегинден кери кетмез.
- Къуру гыбыт бек дыгъырдар.
- Къызны минг тилер, бир алыр.
- Иши джокъну, сыйы джокъ.
- Сакъ юйюне сау барыр.
- Эшекге миннген – биринчи айыб, андан джыгъылгъан – экинчи айыб.
- Къартха ушагъан джаш – акъыллы, джашха ушагъан къарт – тели.
- Ёгюзню мюйюзлери ауурлукъ этмейдиле.
- Биреуню эскиси биреуге джангы болмайды.
- Мен да «сен», дейме, сен да «кесим», дейсе.
- Къанны къан бла джуума, аманны аман бла къуума.
- Хантына кёре тузу, юйюне кёре къызы.
- Суу ичген шауданынга тюкюрме.
- Оюмсуз атлагъан, аджалсыз ёлюр.
- Элге къуллукъ этмеген, элге ие болмаз.
- Акъыллы – эл иеси, тели – эл баласы.
- Сабийни джумушха джибер да, ызындан бар.
Срочная помощь больному лейкозом
Читают тему (гостей: 1)