- Джюрекге ариу – кёзге да ариу.
- Чабакъ башындан чирийди.
- Джюрек кёзден алгъа кёрюр.
- Джогъун бар этген, барын бал этген.
- Ата – билек, ана – джюрек!
- Аз айтсам, кёб ангылагъыз.
- Сабий кёргенин унутмаз.
- Атлыны кёрсе, джаяуну буту талыр.
- Билим насыб берир, билим джолну керир.
- Ачылгъан эт джабылыр, кёрген кёз унутмаз.
- Адамны аты башхача, акъылы да башхады.
- Джылар джаш, атасыны сакъалы бла ойнар.
- Керек ташны ауурлугъу джокъ.
- Къазанчы аман болса, къазаны къайнамаз.
- Билим ат болуб да чабар, къуш болуб да учар.
- Таш бла ургъанны, аш бла ур.
- Борчунг бар эсе, хурджунунга ойлаб узал.
- Элиб деген, элге болушур.
- Айырылгъанланы айю ашар, бёлюннгенлени бёрю ашар.
- Ханы къызы буюгъа-буюгъа киштик болду.
- Ёзденликни кёбю ётюрюк.
- Тыш элде солтан болгъандан эсе, кесинги элде олтан болгъан игиди!
- Джолунга кёре – джюрюшюнг, джагъанга кёре – юлюшюнг.
- Телиге от эт десенг, юйюнге от салыр.
- Адамны джюреги нени кёрюрге сюйсе, кёзю да аны кёрюрге ёч болады.
- Чомартны къолун джокълукъ байлар.
- Бети къызарыучу адамны, джюреги харам болмаз.
- Тойгъандан сора, ашны сёкме.
- Ашлыкъ – бюртюкден, джюн – тюкден.
- Аманны къуугъан, аманлыкъ табар.
- Баргъанынга кёре болур келгенинг.
- Ётюрюкден тюбю джокъ, кёлтюрюрге джиби джокъ.
- Къыйынлы джети элни къайгъысын этер.
- Алтыннга тот къонмаз.
- Мал ёлсе, сюек къалыр, адам ёлсе, иши къалыр.
- Кёкдеги болмаса, джердегин кёрмейди.
- Ашхы сёз таш тешер.
- Кёпюр салгъан кеси ётер, уру къазгъан кеси кетер.
- Кёзюнде тереги болгъан, чёбю болгъаннга кюле эди.
- Эли джокъну – кёлю джокъ.
- Сабийни джумушха джибер да, ызындан бар.
- Кёл – къызбай, къол – батыр.
- Ана – юйню кюн джарыгъы.
- Сабий болмагъан джерде, мёлек болмаз.
- Айтханы чапыракъдан ётмеген.
- Эринчекге кюн узун.
- Къызны минг тилер, бир алыр.
- Чомартха хар кюн да байрамды.
- Кенгеш болса, уруш болмаз.
- Адам къаллай бир ишленмесе, аллай бир кесин уллу кёреди.
СРОЧНО!!! ТРЕБУЕТСЯ НЯНЯ!
13.10.2011 21:26:47
за дополнительной информацией и с предложениями обращаться по телефону 89091620443 - Марина
электронный адрес elbrysska@mail.ru
|
||||
|
|
|||
Читают тему (гостей: 1)