- Ашда уялгъан – мухар, ишде уялгъан – хомух.
- Халкъны юйю – туугъан джери.
- Къаллай салам берсенг, аллай джууаб алырса.
- Сабыр джетер муратха, сабырсыз къалыр уятха.
- Бети къызарыучу адамны, джюреги харам болмаз.
- Сютден ауузу кюйген, суугъа юфгюре эди.
- Окъугъанны бети джарыкъ.
- Дженгил джетерикме деб, узун джолну къоюб, къысхасын барма.
- Эли джокъну – кёлю джокъ.
- Адамны аманы адамны бети бла ойнар.
- Аууздан келген, къолдан келсе, ким да патчах болур эди.
- Таукелге нюр джауар.
- Адебсиз адам – джюгенсиз ат.
- Башланнган иш битер, къымылдагъан тиш тюшер.
- Кимни – тили, тиши онглу, кимни – къолу, иши онглу.
- Татлы сёз – балдан татлы.
- Айран тёгюлсе, джугъусу къалыр.
- Кюл тюбюндеги от кёрюнмейди.
- Хата – гитчеден.
- Бал чибинни ургъаны – ачы, балы – татлы.
- Къыз келсе, джумуш эте келеди, къатын келсе, ушакъ эте келеди.
- Ёнгкюч къууана барыр, джылай келир.
- Тыш элде солтан болгъандан эсе, кесинги элде олтан болгъан игиди!
- Биреуню эскиси биреуге джангы болмайды.
- Джарлыны тону джаз битер.
- Насыблы элин сюер, насыбсыз кесин сюер.
- Окъдан джара эртде-кеч болса да бителир, сёз джара, ёмюрге къалыр.
- Ашаса, ашамаса да, бёрюню ауузу – къан.
- Келлик заман – къартлыкъ келтирир, кетген заман – джашлыкъ ёлтюрюр.
- Ёпкелегенни ашы татлы болады.
- Биреу ашаб къутулур, биреу джалаб тутулур.
- Таукел тауну аудурур.
- Ач къарным, тынч къулагъым.
- Ана къолу ачытмаз.
- Сормай – алма, чакъырылмай – барма.
- Аджалсыз ёлюм болмаз.
- Къарт бла баш аша, джаш бла аякъ аша.
- Кютгени беш эчки, сызгъыргъаны уа, джерни джарады.
- Ач къарынны, токъ билмез
- Къартха ушагъан джаш – акъыллы, джашха ушагъан къарт – тели.
- Билимсиз иш бармаз.
- Сангырау къулакъ эл бузар.
- Тура эдим джата, къайдан чыкъды хата?
- Кенгеш болса, уруш болмаз.
- Чабакъгъа акъыл, табагъа тюшсе келеди.
- Уллу суу бла уллу ауруудан башынгы сакъла.
- Адамны бетине къарама, адетине къара.
- Сууда джау джокъ, кёб сёзде магъана джокъ.
- Ариу сёз – къылычдан джити.
- Джангызны оту джарыкъ джанмаз!
Предлагаем работу в г. Пятигорске
Читают тему (гостей: 1)