- Уруну арты – къуру.
- Айыбны суу бла джууалмазса.
- Ачыу алгъа келсе, акъыл артха къалады.
- Къая джолда джортма, ачыкъ сёзден къоркъма.
- Ишлерге уял да, ашаргъа табма.
- Хоншуну тауугъу къаз кёрюнюр, келини къыз кёрюнюр.
- Къоркъакъны кёзю экили кёрюр.
- Ачны эсинде – аш.
- Сёлеш деб шай берген, тохта деб, сом берген.
- Уллу айтханны этмеген – уллаймаз.
- Нарт сёз къарт болмаз.
- Аз сёлеш, кёб ишле.
- Баш – акъыл ючюн, акъылман – халкъ ючюн.
- Къаллай салам берсенг, аллай джууаб алырса.
- Сабийни джумушха джибер да, ызындан бар.
- Киштикге къанат битсе, чыпчыкъ къалмаз эди.
- Тынгылагъан тынгы бузар.
- Джыгъылгъанны сырты джерден тоймаз.
- Урама да – ёледи, сатама да – келеди.
- Окъуу – билимни ачхычы, окъуу – дунияны бачхычы.
- Эски джаугъа ышанма.
- Тамчы таш тешер.
- Аман хансны – урлугъу кёб.
- Байлыкъ келсе, акъыл кетер.
- Чабар ат – джетген къыз.
- Ата Джуртча джер болмаз, туугъан элча эл болмаз.
- Суугъа – чабакъ, къаягъа – ыргъакъ.
- Ач да бол, токъ да бол – намысынга бек бол.
- Адамны адамлыгъы къыйынлыкъда айгъакъланады.
- Окъугъанны бети джарыкъ.
- Эл бла кёргенинг эрелей.
- Кесинге джетмегенни, кёб сёлешме.
- Хаухну атма, ёнгкючню сатма.
- Ариу сёзде ауруу джокъ.
- Акъыллы башны – тили къысха.
- Адамгъа аман кюн соруб келмейди.
- Ёзденликни джайгъан – джокълукъ.
- Аджашханны ызындагъы кёреди, джангылгъанны джанындагъы биледи.
- Адамны аманы адамны бети бла ойнар.
- Билген билмегенни юретген адетди.
- Игини сыйлагъан адетди.
- Игиге айтсанг – билир, аманнга айтсанг – кюлюр.
- Ёлген ийнек сютлю болур.
- Иги болса, тамадама – махтау, аман болса, меннге – айыб.
- Ашхы тенг джолгъа салыр, аман тенг джолдан тайдырыр.
- Юйюнг бла джау болгъандан эсе, элинг бла джау бол.
- Ёгюзню мюйюзлери ауурлукъ этмейдиле.
- Арбаз къынгырды да, ийнек сауалмайма.
- Кютгени беш эчки, сызгъыргъаны уа, джерни джарады.
- Ышармагъан – кюлмез, кюлмеген – къууанчны билмез.
