- Нёгерсизни джолу узун.
- Татлы сёз – балдан татлы.
- Аманны эки битли тону болур, бирин сеннге кийдирир, бирин кеси киер.
- Юйюнгден чыкъдынг – кюнюнгден чыкъдынг.
- Тели турса – той бузар.
- Кёб джашагъан – кёб билир.
- Тас болгъан бычакъны сабы – алтын.
- Аджашханны ызындагъы кёреди, джангылгъанны джанындагъы биледи.
- Къызын тута билмеген, тул этер, джашын тута билмеген, къул этер.
- Къуллукъчума, деб махтанма, къуллукъ – хаух джамчыды!
- Билгенни къолу къарны джандырыр.
- Къайтырыкъ эшигинги, къаты уруб чыкъма.
- Джеринден айырылгъан – джети джылар, джуртундан айырылгъан – ёлгюнчю джылар.
- Ёпкелегенни ашы татлы болады.
- Танг атмайма десе да, кюн къоярыкъ тюйюлдю.
- Айтылгъан буйрукъ, сёгюлмез
- Адам сёзге тынгыла, акъыл сёзню ангыла.
- Дуния мал дунияда къалады.
- Тамырсыз терекге таянма – джыгъылырса.
- Эски джаугъа ышанма.
- Джаным-тиним – окъуу, билим.
- Тёзген – тёш ашар!
- Тешигини къатында, чычхан да батыр болур.
- Кёзю сокъурдан – къоркъма, кёлю сокъурдан – къоркъ.
- Ишлерге уял да, ашаргъа табма.
- Эркишиге тары кебек танг кёрюнюр.
- Къонакъ болсанг, ийнакъ бол.
- Билеги кючлю, бирни джыгъар, билими кючлю, мингни джыгъар.
- Кесинге джетмегенни, кёб сёлешме.
- Кёрмегеннге кебек – танг, битмегеннге сакъал – танг.
- Туз, гырджын аша, тюзлюк бла джаша.
- Къазанчы аман болса, къазаны къайнамаз.
- Ёлген ийнек сютлю болур.
- Намысы болмагъанны, сыйы болмаз.
- Адамны адамлыгъы къыйынлыкъда айгъакъланады.
- Ишленмеген джаш – джюгенсиз ат, ишленмеген къыз – тузсуз хант.
- Биреу къой излей, биреу той излей.
- Киштикге къанат битсе, чыпчыкъ къалмаз эди.
- Иши джокъну, сыйы джокъ.
- Уллу къашыкъ эрин джыртар.
- Айран ичген – къутулду, джугъусун джалагъан – тутулду.
- Иги джашны ышаны – аз сёлешиб, кёб тынгылар.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ким бла джюрюсенг, аны кёзю бла кёрюнюрсе.
- Дуния малгъа сатылма, кесингден телиге къатылма.
- Джумушакъ терекни къурт ашар.
- Тюзлюк шохлукъну бегитир.
- Уллу айтханны этмеген – уллаймаз.
- Мураты болгъанны джюрек тебюую башхады.
- Кеси юйюмде мен да ханма.
Предлагаем работу в г. Пятигорске
Читают тему (гостей: 1)