- Бойнуму джети джерден кессенг да, мен ол ишни этеллик тюлме.
- Къатыны харакетли болса, эри къымсыз болур.
- Джашны джигитлиги сорулур, къызны джигерлиги сорулур.
- Ишни аллы бла къууанма да, арты бла къууан.
- Кеси юйюмде мен да ханма.
- Джаным-тиним – окъуу, билим.
- Эри аманны, къатыны – аман.
- Баланы адам этген анады.
- Ишин билген, аны сыйын чыгъарады.
- Кюн – узун, ёмюр – къысха.
- Таш бла ургъанны, аш бла ур.
- Кёлю джокъну – джолу джокъ.
- Таукел адам тау тешер.
- Джаралыны джастыгъында сау ёлюр.
- Махтаннган къыз, тойда джукълар.
- Кёл ашады да, кеси ашады.
- Бек анасы джыламаз.
- Намыс болмагъан джерде, насыб болмаз.
- Арбаз къынгырды да, ийнек сауалмайма.
- Уллу къашыкъ эрин джыртар.
- Тил бла келеди джыр да.
- Насыб бютеу халкъны юлюшюдю.
- Иги болса, тамадама – махтау, аман болса, меннге – айыб.
- Къонагъынгы артмагъын алма да, алгъышын ал.
- Ётюрюк хапар аякъ тюбю бла джюрюйдю.
- Ата джурт – алтын бешик.
- Урама да – ёледи, сатама да – келеди.
- «Ма», - дегенни билмесенг, «бер», - дегенни билмезсе.
- Аш кетер да бет къалыр.
- Билим ат болуб да чабар, къуш болуб да учар.
- Билим къая тешер.
- Келинни – келгинчи, бёркню кийгинчи кёр.
- Джумушакъ терекни къурт ашар.
- Рысхы джалгъанды: келген да этер, кетген да этер.
- Азыгъы аз, алгъа къабар, аты аман, алгъа чабар.
- Суу ичген шауданынга тюкюрме.
- Хансыз джомакъ болмаз.
- Адамны сабийин сюйген джюреги, бычакъча, джитиди.
- Адамны аты башхача, акъылы да башхады.
- Тюзню ётмеги тюзде къалса да, тас болмаз.
- Сютню башын джалагъан къутулур, тюбюн ичген тутулур.
- Чёбню кёлтюрсенг, тюбюнден сёз чыгъар.
- Элде адам къалмаса, ит тахтагъа минер.
- Джарашыу сюйген – джалынчакъ.
- Эрни эр этерик да, къара джер этерик да, тиширыуду.
- Кийиминг бла танылма, адамлыкъ бла таныл.
- Адеб джокъда, намыс джокъ.
- Нёгерсизни джолу узун.
- Эркиши – от, тиширыу – суу.
- Ариу сёз джыланны орнундан чыгъарыр.
Ищу жилье!!!!Срочно!
|
Ищу комнату или койко-место в Москве! Молодой человек,25 лет, карачаевец, работаю в Москве,работаю на ст. м. Фили
Зовут Казбек..тел 8-965-276-96-08
|
|
|
|
|
|
нужна двухкомнатная квартира в Нальчике... на долгосрочный съем... желательно с мебелью и не далеко от центра или район Горной
|
||||
|
|
|
|||
Читают тему (гостей: 1)