Расширенный поиск
3 Мая 2024 года
Логин: Регистрация
Пароль: Забыли пароль?
Навигация
Словарь
  • Байлыкъ тауусулур, билим тауусулмаз.
  • Тилде сюек болмаса да, сюек сындырыр.
  • Айран ичген – къутулду, джугъусун джалагъан – тутулду.
  • Сёз сёзню айтдырыр.
  • Эринчекни эр алмаз, эр алса да, кёл салмаз, кёл салса да, кёб бармаз!
  • Сыфатында болмагъаны, суратында болмаз.
  • Миллетни бойну – базыкъ, аны бла кюрешген – джазыкъ.
  • Сагъышы джокъ – джукъучу, акъылы джокъ – къаугъачы.
  • Иги сёз – джаннга азыкъ, аман сёз башха – къазыкъ.
  • Ашхы – джыяр, аман – джояр.
  • Рысхысына кёре, джаш ёсер, къышлыгъына кёре, мал ёсер.
  • Кесинге джетмегенни, кёб сёлешме.
  • Кёзден кетген, кёлден да кетеди.
  • Тёрдеги кюлсе, эшикдеги ышарыр.
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Къан бла кирген, джан бла чыгъар.
  • Ата – билек, ана – джюрек!
  • Джол бла сёзню къыйыры джокъ.
  • Бал ашаргъа сюе эсенг, чибин ургъаннга тёз.
  • Байма, деб да, къууанма, джарлыма, деб да, джылама.
  • Ариу – кёзге, акъыл – джюрекге.
  • Ёмюрлюк шохлукъну джел элтмез.
  • Билимли ёлмез, билимсиз кёрмез.
  • Азыкъ аз болса, эртде орун сал.
  • Къызны минг тилер, бир алыр.
  • Джюрекден джюрекге джол барды.
  • Айырылгъанланы айю ашар, бёлюннгенлени бёрю ашар.
  • Ёлген ийнек сютлю болур.
  • Узун джолну барсанг, бюгюн келирсе, къысха джолну барсанг, тамбла келирсе.
  • Джахил болса анасы, не билликди баласы?
  • Ауузу аманнга «иги», деме.
  • Иши джокъну, сыйы джокъ.
  • Тили узунну, намысы – къысха.
  • Орну джокъну – сыйы джокъ.
  • Дуния мал дунияда къалады.
  • Къайтырыкъ эшигинги, къаты уруб чыкъма.
  • Айырылмаз джууугъунга, унутмаз сёзню айтма.
  • Джашда акъыл джокъ, къартда къарыу джокъ.
  • Эртде тургъан бла эртде юйленнген сокъуранмаз.
  • Акъыл къартда, джашда тюйюлдю – башдады.
  • Джерни букъусу кёкге къонмаз.
  • Аджалсыз ёлюм болмаз.
  • Джетген къыз джерли эшекни танымаз.
  • Къазанда болса, чолпугъа чыгъар.
  • Тюзню ётмеги тюзде къалса да, тас болмаз.
  • Башда акъыл болмаса, эки аякъгъа кюч джетер.
  • Къулакъдан эсе, кёзге ышан.
  • Къоркъакъны кёзю экили кёрюр.
  • Тойну къарнашы – харс, джырны къарнашы – эжиу.
  • Кёлсюзден сёзсюз тууар.

Видеогалерея

Новое

Последнее просмотренное

Популярное

Архив Радио КЧР

В аудиоразделе портала

Перейти

Последние комментарии