- Зарда марда джокъ.
- Баш – акъыл ючюн, акъылман – халкъ ючюн.
- Дууулдаса – бал чибин, къонса – къара чибин.
- Къыз тиширыу кеси юйюнде да къонакъды.
- Ата Джуртуму башы болмасам да, босагъасында ташы болайым.
- Къулакъдан эсе, кёзге ышан.
- Ишлерге уял да, ашаргъа табма.
- Къыйынлы джети элге оноу этер.
- Рысхы джалгъанды: келген да этер, кетген да этер.
- Къууут – джелге, берне – бошха.
- Джукъу тёшек сайламайды.
- Эки элинги тыйсанг, джети элде махталырса.
- Джырчы джырчыгъа – къарнаш.
- Джарашыу сюйген – джалынчакъ.
- Таугъа чыгъаллыкъ эсенг, тюзде къалма.
- Гырджын – тепсини тамадасы.
- Эл бла кёргенинг эрелей.
- Арпа, будай – ащды, алтын, кюмюш а – ташды.
- Агъач – джерни чырайы, кийим – эрни чырайы.
- Кёбню кёрген – кёб билир.
- Джарлыны эшигин махтагъан джабар.
- Чалманны аллы къалай башланса, арты да алай барады.
- Билимден уллу байлыкъ джокъду.
- Къызны минг тилер, бир алыр.
- Тёрдеги кюлсе, эшикдеги ышарыр.
- Ишин билген, аны сыйын чыгъарады.
- Рысхысына кёре, джаш ёсер, къышлыгъына кёре, мал ёсер.
- Джылар джаш, атасыны сакъалы бла ойнар.
- Башы ишлегенни, ауузу да ишлер.
- Сангырау къулакъ эл бузар.
- Кёб ант этген, кёб ётюрюк айтыр.
- Ач келгенни – тойдур, кеч келгенни – къондур.
- Ариу сёз джыланны орнундан чыгъарыр.
- Билим ат болуб да чабар, къуш болуб да учар.
- Айраннга суу къош, телиге джол бош.
- Джауумдан сора, кюн кюйдюрюр, ётюрюкден сора, айыб кюйдюрюр.
- Юй кюйдю да, кюйюз чыкъды, ортасындан тюйюш чыкъды.
- Айранны сюйген, ийнек тутар.
- Керти сёзге тёре джокъ.
- Суу кетер, таш къалыр.
- Окъумагъан сокъурду, сокъур ташха абыныр!
- Этек чакъмакълары баш джаргъан, сёлешген сёзлери таш джаргъан.
- Мураты болгъанны джюрек тебюую башхады.
- Мал ёлсе, сюек къалыр, адам ёлсе, иши къалыр.
- Айран тёгюлсе, джугъусу къалыр.
- Бастасын ашагъан, хантусун да ичер.
- Биреуню тёрюнден, кесинги эшик артынг игиди.
- Садакъачыны джаны – къапчыгъында.
- Ашарыкъда сайлагъаннга – чий гырджын.
- Азыкъ аз болса, эртде орун сал.