- Аджал соруб келмез, келсе, къайтыб кетмез.
- Суугъа – чабакъ, къаягъа – ыргъакъ.
- Аллахдан тилесенг, кёб тиле.
- Окъуу – билимни ачхычы, окъуу – дунияны бачхычы.
- Джырчы джырчыгъа – къарнаш.
- Къууут – джелге, берне – бошха.
- Джашлыкъ этмеген, башлыкъ этмез.
- Аз айтсам, кёб ангылагъыз.
- Ариу сёз джыланны орнундан чыгъарыр.
- Кёбден умут этиб, аздан къуру къалма.
- Ёксюзню къалачы уллу кёрюнюр.
- Сёз къанатсыз учар.
- Ач къарынны, токъ билмез
- Тиширыусуз юй – отсуз от джагъа.
- Алтыда кюлмеген, алтмышда кюлмез.
- Аякъларынгы джууургъанынга кёре узат.
- Джангыз терек къынгыр ёсер.
- Сабий кёргенин унутмаз.
- Керек ташны ауурлугъу джокъ.
- Тынгылагъан тынгы бузар.
- Дууулдаса – бал чибин, къонса – къара чибин.
- Эки къатын алгъанны къулагъы тынгнгаймаз.
- Джумушакъ сёз къаты таякъны сындырыр.
- Кесинг сынамагъан затны, адамгъа буюрма.
- Эки итни арасына сюек атма, эки адамны арасында сёз чыгъарма.
- Юре билмеген ит, къонакъ келтирир.
- Арпа, будай – ащды, алтын, кюмюш а – ташды.
- Къатыны харакетли болса, эри къымсыз болур.
- Эл бла кёргенинг эрелей.
- Сютню башын джалагъан къутулур, тюбюн ичген тутулур.
- Рысхы – сют юсюнде кёмюк кибикди.
- Дуния мал дунияда къалады.
- Аууз сакълагъан – джан сакълар.
- Къонакъ хазыр болгъанлыкъгъа, къонакъбай хазыр тюлдю.
- Ашхы тенг джолгъа салыр, аман тенг джолдан тайдырыр.
- Тёрени джагъы джокъ.
- Ата – билек, ана – джюрек!
- Тил – кесген бычакъ, сёз – атылгъан окъ.
- Тамбла алтындан бюгюн багъыр ашхы.
- Байдан умут эте, джарлыдан ёгюз багъасы къорады.
- Накъырданы арты керти болур.
- Билим – акъылны чырагъы.
- Бастасын ашагъан, хантусун да ичер.
- Къарт айтханны этмеген, къартаймаз.
- Ариу сёзде ауруу джокъ.
- Кёкдеги болмаса, джердегин кёрмейди.
- Ётюрюк хапар аякъ тюбю бла джюрюйдю.
- Ачыкъ джюрекге джол – ачыкъ.
- Ишге юренсин къоллары, халкъ бла болсун джоллары.
- Аманны къуугъан, аманлыкъ табар.