- Джарлы джети элни сёзюн этер.
- Бети къызарыучу адамны, джюреги харам болмаз.
- Къошда джокъгъа – юлюш джокъ.
- Игини сыйлагъан адетди.
- Ачлыкъда тары гырджын халыуадан татлы.
- Урама да – ёледи, сатама да – келеди.
- Чыбыкълыкъда бюгюлмеген, къазыкълыкъда бюгюлмей эди.
- Сютден ауузу кюйген, суугъа юфгюре эди.
- Ашарыкъда сайлагъаннга – чий гырджын.
- Огъурлуну сёзю – суу, огъурсузну сёзю – уу.
- Эркишиге тары кебек танг кёрюнюр.
- Ишлегенден, къарагъан уста.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ашыкъгъанны этеги бутуна чырмалыр.
- Ханнга да келеди хариблик.
- Ойнай билмеген, уруб къачар.
- Алтыннга тот къонмаз.
- Мал кёб болса, джууукъ кёб болур.
- Билими азны – ауузунда кирит.
- Таукел къуру къалмаз.
- Тил бла келеди джыр да.
- Ханы къызы буюгъа-буюгъа киштик болду.
- Эшекге миннген – биринчи айыб, андан джыгъылгъан – экинчи айыб.
- Мадар болса, къадар болур.
- Джыгъылгъанны сырты джерден тоймаз.
- Таукел тауну аудурур.
- Адам сёзюнден белгили.
- Къонагъынгы артмагъын алма да, алгъышын ал.
- Тас болгъан бычакъны сабы – алтын.
- Бал чибинни ургъаны – ачы, балы – татлы.
- Абынмазлыкъ аякъ джокъ, джангылмазлыкъ джаякъ джокъ.
- Эр сокъур болсун, къатын тилсиз болсун.
- Насыблы элин сюер, насыбсыз кесин сюер.
- Таш ата билмеген, башына урур.
- Джети тилни билген джети кишиди.
- Намыс болмагъан джерде, насыб болмаз.
- Адеб базарда сатылмаз.
- Ётюрюкчюню шагъаты – къатында.
- Келинни – келгинчи, бёркню кийгинчи кёр.
- Айтылгъан сёз ызына къайтмаз.
- Ёксюзню тилеги къабыл болур.
- Сууда джау джокъ, кёб сёзде магъана джокъ.
- Ашлыкъны арба юйге келтирир, чана базаргъа элтир.
- Айырылгъанланы айю ашар, бёлюннгенлени бёрю ашар.
- Тюзню ётмеги тюзде къалса да, тас болмаз.
- Биреуге кёлтюрген таягъынг, кесинги башынга урур.
- Тойчу джашха къарама, къойчу джашха къара.
- Намысы джокъну – дуниясы джокъ.
- Алгъанда – джууукъ, бергенде – джау.
- Билим – акъылны чырагъы.