Эльбрусоид :: Эльбрусоид

Къатын къылыкъсыз, эр тынчлыкъсыз.
Кёзю сокъурдан – къоркъма, кёлю сокъурдан – къоркъ.
Ишленмеген джаш – джюгенсиз ат, ишленмеген къыз – тузсуз хант.
Мал кёб болса, джууукъ кёб болур.
Джарлыны тону джаз битер.
Къартха ушагъан джаш – акъыллы, джашха ушагъан къарт – тели.
Аманнга игилик этсенг, юйюнге сау бармазса.
Уллу атлама – абынырса, уллу къабма – къарылырса.
Ашатыргъа иш – ашхы, ишлетирге аш – ашхы.
Тулпарлыкъ, билекден тюл – джюрекден.
Чакъырылмагъан джерге барма, чакъырылгъан джерден къалма.
Бети бедерден, намыс сакълама.
Дууулдаса – бал чибин, къонса – къара чибин.
Къыз тиширыу кеси юйюнде да къонакъды.
Къар – келтирди, суу – элтди.
Бюгюн дуния кибик, тамбла ахыратды.
Сёз садакъдан кючлюдю.
Къазанда болса, чолпугъа чыгъар.
Мени джылытмагъан кюн, меннге тиймесин!
Аз сёлеш, кёб ишле.
Джаралыны джастыгъында сау ёлюр.
Аман адамны тепсинге олтуртсанг, къызынгы тилер.
Ариу сёз – джаннга азыкъ, аман сёз – башха къазыкъ.
Рысхы джалгъанды: келген да этер, кетген да этер.
Кеси юйюмде мен да ханма.
Душманны тышы – акъ, ичи – къара.
Тойчу джашха къарама, къойчу джашха къара.
Зар адам ашынгы ашар, кесинги сатар.
Ёгюзню мюйюзюнден тутадыла, адамны сёзюнден тутадыла.
Элде адам къалмаса, ит тахтагъа минер.
Кюл тюбюндеги от кёрюнмейди.
Аджашханны ызындагъы кёреди, джангылгъанны джанындагъы биледи.
Уллу суу бла уллу ауруудан башынгы сакъла.
Насыб бютеу халкъны юлюшюдю.
Танг атмайма десе да, кюн къоярыкъ тюйюлдю.
Эрни эр этерик да, къара джер этерик да, тиширыуду.
Къарт айтханны этмеген, къартаймаз.
Юй ишлеген балта эшикде къалыр.
Сёлеш деб шай берген, тохта деб, сом берген.
Ёлмесенг да, къарт дамы болмазса?
Тойгъан джерден туугъан джер игиди.
Джаз бир кюнню джатсанг, къыш талай кюнню абынырса.
Элни кючю – эмеген.
Илму – джашауну джолу.
Ашына кёре табагъы, балына кёре къалагъы.
Джарлы джети элни сёзюн этер.
Айтылгъан буйрукъ, сёгюлмез
Адам сёзге тынгыла, акъыл сёзню ангыла.
Халкъгъа джарагъан, джарлы къалмаз.
Таукелге нюр джауар.