Эльбрусоид :: Эльбрусоид

Джашны джигитлиги сорулур, къызны джигерлиги сорулур.
Уясында не кёрсе, учханында аны этер.
Ишлегенден, къарагъан уста.
Дуния мал дунияда къалады.
Кесине гебен этелмеген, биреуге черен эте эди.
Айтылгъан сёз ызына къайтмаз.
Къайгъыны сюйген, къайгъы табар.
Рысхы джалгъанды: келген да этер, кетген да этер.
Ётюрюкню башын керти кесер.
Ёлген ийнек сютлю болур.
Сибиртки да сыйлы болду, кюрек да кюнлю болду.
Окъдан джара эртде-кеч болса да бителир, сёз джара, ёмюрге къалыр.
Эринчекни эр алмаз, эр алса да, кёл салмаз, кёл салса да, кёб бармаз!
Ёпкелегенни ашы татлы болады.
Намысы болмагъанны, сыйы болмаз.
Суу ичген шауданынга тюкюрме.
Тамбла алтындан бюгюн багъыр ашхы.
Ач къарынны, токъ билмез
Юреннген ауруу къалмаз.
Тешигини къатында, чычхан да батыр болур.
Чомарт бергенин айтмаз.
Тёрдеги кюлсе, эшикдеги ышарыр.
Байны оноуу, джарлыгъа джарамаз.
Джашлыкъ этмеген, башлыкъ этмез.
Джауумдан сора, кюн кюйдюрюр, ётюрюкден сора, айыб кюйдюрюр.
Огъурлуну сёзю – суу, огъурсузну сёзю – уу.
Къыйынлы джети элге оноу этер.
Ауругъанны сау билмез, ач къарынны токъ билмез.
Ач бёрюге мекям джокъ.
Айранны сюйген, ийнек тутар.
Акъыл бла адеб эгизледиле.
Джыгъылгъанны сырты джерден тоймаз.
Сабийликде юретмесенг, уллу болса – тюзелмез.
Адеб джокъда, намыс джокъ.
Ачыу алгъа келсе, акъыл артха къалады.
Этек чакъмакълары баш джаргъан, сёлешген сёзлери таш джаргъан.
Башы ишлегенни, ауузу да ишлер.
Джырчы ёлсе, джыры къалыр.
Ашхы сёз таш тешер.
Къыз чыгъаргъан – къызыл къымжа.
Дуния малгъа сатылма, кесингден телиге къатылма.
Шайтан алдады, тюзлюк къаргъады.
Адамгъа аман кюн соруб келмейди.
Джюз элде джюз ёгюзюм болгъандан эсе, джюз джууугъум болсун.
Хата – гитчеден.
Сууда джау джокъ, кёб сёзде магъана джокъ.
Джиби бир къат джетмей эди да, эки къат тарта эди.
Эки итни арасына сюек атма, эки адамны арасында сёз чыгъарма.
Адамны артындан къара сабан сюрме.
Элиб деген, элге болушур.