- Джыгъылгъанны сырты джерден тоймаз.
- Нёгер болсанг, тенг бол, тенг болмасанг, кенг бол.
- Акъыл аздырмаз, билим тоздурмаз.
- Къартха ушагъан джаш – акъыллы, джашха ушагъан къарт – тели.
- Кёрмегеннге кебек – танг, битмегеннге сакъал – танг.
- Харам къарнашдан, халал тенг ашхы.
- Келинин тута билмеген, къул этер, къызын тута билмеген, тул этер.
- Акъыллы башны – тили къысха.
- Баш болса, бёрк табылыр.
- Керек ташны ауурлугъу джокъ.
- Къайтырыкъ эшигинги, къаты уруб чыкъма.
- Джумушакъ терекни къурт ашар.
- Ургъан суудан башынгы сакъла.
- Ашхы болсанг, атынг чыгъар, аман болсанг, джанынг чыгъар.
- Алим болгъандан эсе, адам болгъан къыйынды.
- Ушамагъан – джукъмаз.
- Джылар джаш, атасыны сакъалы бла ойнар.
- Эринчекни эр алмаз, эр алса да, кёл салмаз, кёл салса да, кёб бармаз!
- Джол бла сёзню къыйыры джокъ.
- Билимли ёлмез, билимсиз кёрмез.
- Кёлсюзден сёзсюз тууар.
- Ёлген ийнек сютлю болур.
- Тойгъан джерге джети къайт.
- Тёрени джагъы джокъ.
- Башы ишлегенни, ауузу да ишлер.
- Чоюнну башы ачыкъ болса, итге уят керекди.
- Эл ауузу – элия.
- Сескекли кесин билдирир.
- Азыкъ аз болса, эртде орун сал.
- Кеси юйюмде мен да ханма.
- Эки къатын алгъан – эки ташны ортасына башын салгъан.
- Адамны артындан къара сабан сюрме.
- Ойнай билмеген, оюн бузар.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ауурну тюбю бла, дженгилни башы бла джюрюген.
- Тилчиден кери бол.
- Юй ишлеген балта эшикде къалыр.
- Адамны аманы адамны бети бла ойнар.
- Эрине къаргъыш этген къатын, эрнин къабар.
- Тойгъа алгъа да барма, тойда артха да къалма.
- Джеринден айырылгъан – джети джылар, джуртундан айырылгъан – ёлгюнчю джылар.
- Джаханимни кёрмей, джандетге кёл салмазса.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ауузу бла къуш тута айланады.
- Айраннга суу къош, телиге джол бош.
- Акъылсызны джууукъгъа алма, акъыллыны кенгнге салма.
- Тамырсыз терекге таянма – джыгъылырса.
- «Ёгюз, джаргъа джууукъ барма, меннге джюк боллукъса», - дегенди эшек.
- Ашхылыкъ джерде джатмайды, аманлыкъ суугъа батмайды.
- Ариу джол аджал келтирмез.