- Эртде тургъан бла эртде юйленнген сокъуранмаз.
- Кёл – къызбай, къол – батыр.
- Ана кёлю – балада, бала кёлю – талада.
- Нёгер болсанг, тенг бол, тенг болмасанг, кенг бол.
- Къонакъ аз олтурур, кёб сынар.
- Бёрю да ач къалмасын, эчки да ашалмасын.
- Мал кёб болса, джууукъ кёб болур.
- Къызын тута билмеген, тул этер, джашын тута билмеген, къул этер.
- Ушамагъан – джукъмаз.
- Къыйынлы джети элни къайгъысын этер.
- Кёрмегеннге кебек – танг, битмегеннге сакъал – танг.
- Эшекни не къадар тюйсенг да, ат болмаз.
- Тюзлюк шохлукъну бегитир.
- Телини эшигин, махтау джабар.
- Бастасын ашагъан, хантусун да ичер.
- Шекер бла туз – бир болмаз, ушамагъан – юй болмаз.
- Кесине оноу эте билмеген, халкъына да эте билмез.
- Татлы тилде – сёз ариу, чемер къолда – иш ариу.
- Иесиз малны бёрю ашар.
- Кёл ашады да, кеси ашады.
- Къартны сыйын кёрмеген, къартлыгъында сыйлы болмаз.
- Къонакъ кёб келюучю юйню, къазаны отдан тюшмез.
- Аллахдан тилесенг, кёб тиле.
- Ариу джол аджал келтирмез.
- Эринчекни эр алмаз, эр алса да, кёл салмаз, кёл салса да, кёб бармаз!
- Урунуу – насыбны анасы.
- Игилик игилик бла сингдирилиучю затды.
- Ашха уста, юйюнде болсун
- Джарлыны тону джаз битер.
- Борчунг бар эсе, хурджунунга ойлаб узал.
- Тил джюрекге джол ишлейди.
- Ач да бол, токъ да бол – намысынга бек бол.
- Аман хансны – урлугъу кёб.
- Рысхысына кёре, джаш ёсер, къышлыгъына кёре, мал ёсер.
- Чёбню кёлтюрсенг, тюбюнден сёз чыгъар.
- Сууда джау джокъ, кёб сёзде магъана джокъ.
- Ауузу бла къуш тута айланады.
- Дженгил джетерикме деб, узун джолну къоюб, къысхасын барма.
- Ат басханны джер билед.
- Ата Джуртча джер болмаз, туугъан элча эл болмаз.
- Ойнай-ойнай кёз чыгъар.
- Чомарт къолда мал къалмаз.
- Уруну арты – къуру.
- Керти сёзге тёре джокъ.
- Ауругъаннга – кийик саулукъ, джетген къызгъа – чилле джаулукъ.
- Аман адамны тепсинге олтуртсанг, къызынгы тилер.
- Кюн кёрмеген, кюн кёрсе, кюндюз чыракъ джандырыр.
- Биреуню тёрюнден, кесинги эшик артынг игиди.
- Акъылсызны джууукъгъа алма, акъыллыны кенгнге салма.
- Элде адам къалмаса, ит тахтагъа минер.
Temirlan B
|