- Джети тилни билген джети кишиди.
- Гыдай эчки суугъа къараб, мюйюзле кёрмесе, джашма алкъын, дегенди.
- Иги болса, тамадама – махтау, аман болса, меннге – айыб.
- Ёзденликни кёбю ётюрюк.
- Ата Джуртча джер болмаз, туугъан элча эл болмаз.
- Илму – джашауну джолу.
- Чалманны аллы къалай башланса, арты да алай барады.
- Ёзденликни джайгъан – джокълукъ.
- Къазанда болса, чолпугъа чыгъар.
- Ишни ахырын ойламай, аллын башлама.
- Ургъан суудан башынгы сакъла.
- Айырылгъанланы айю ашар, бёлюннгенлени бёрю ашар.
- Билими азны – ауузунда кирит.
- Минг тенг да азды, бир джау да кёбдю.
- Айтылгъан буйрукъ, сёгюлмез
- Ашатыргъа иш – ашхы, ишлетирге аш – ашхы.
- Аманны къуугъан, аманлыкъ табар.
- Ариу джол аджал келтирмез.
- Адамны аманы адамны бети бла ойнар.
- Аманнга алтын чыдамаз.
- Тил джюрекге джол ишлейди.
- Къонакъ кёб келюучю юйню, къазаны отдан тюшмез.
- Эл бла кёргенинг эрелей.
- Керек ташны ауурлугъу джокъ.
- Джангызны оту джарыкъ джанмаз!
- Джылкъыдан – ат чыгъар, тукъумдан – джаш чыгъар.
- Байны оноуу, джарлыгъа джарамаз.
- Таукел тауну аудурур.
- Адамны джюреги нени кёрюрге сюйсе, кёзю да аны кёрюрге ёч болады.
- Кёлсюзден сёзсюз тууар.
- Ариу сёз – джаннга азыкъ, аман сёз – башха къазыкъ.
- Чыкълы кюнде чыкъмагъан, чыкъса къуру кирмеген.
- Къонакъны къачан кетерин сорма, къачан келлигин сор.
- Адамны сабийин сюйген джюреги, бычакъча, джитиди.
- Ушамагъан – джукъмаз.
- Акъыллы башны – тили къысха.
- Окъумагъан сокъурду, сокъур ташха абыныр!
- Билеги кючлю, бирни джыгъар, билими кючлю, мингни джыгъар.
- Эли джокъну – кёлю джокъ.
- Айтылгъан сёз ызына къайтмаз.
- Урама да – ёледи, сатама да – келеди.
- Кесинге джетмегенни, кёб сёлешме.
- Ат басханны джер билед.
- Уллу сёзде уят джокъ.
- Халкъгъа джарагъан, джарлы къалмаз.
- Джырчы ёлсе, джыры къалыр.
- Суугъа – таянма, джаугъа – ийнанма.
- Тёзген – тёш ашар!
- Тау башында, тау болмаз, джангыз терек, бау болмаз.
- Эм уллу байлыкъ – джан саулукъ.