Эр абынмай, эл танымаз.
Къызын тута билмеген, тул этер, джашын тута билмеген, къул этер.
Къызгъанчдан ычхыныр, мухардан ычхынмаз.
Билеги кючлю, бирни джыгъар, билими кючлю, мингни джыгъар.
Болджал ишни бёрю ашар.
Джетген къыз джерли эшекни танымаз.
Намысы болмагъанны, сыйы болмаз.
Джашны джигитлиги сорулур, къызны джигерлиги сорулур.
Кёпюр салгъан кеси ётер, уру къазгъан кеси кетер.
Байлыкъ болгъан джерде, тынчлыкъ джокъду.
Окъуу – билимни ачхычы, окъуу – дунияны бачхычы.
Айныгъанлы алты кюн, тогъайгъанлы тогъуз кюн.
Зарда марда джокъ.
Ёксюзню къалачы уллу кёрюнюр.
Арбаз сайлама да, хоншу сайла.
Ёмюрлюк шохлукъну джел элтмез.
Ёлюр джаннга, ёкюл джокъ.
От этилмеген джерден тютюн чыкъмайды.
Ишни ахырын ойламай, аллын башлама.
Ауузу бла къуш тута айланады.
Джол бла сёзню къыйыры джокъ.
Ёлюк кебинсиз къалмаз.
Тюкюрюк баш джармаз, налат кёз чыгъармаз!
Аманны эки битли тону болур, бирин сеннге кийдирир, бирин кеси киер.
Бир абыннган – минг сюрюнюр.
Келлик заман – къартлыкъ келтирир, кетген заман – джашлыкъ ёлтюрюр.
Чомарт джарлы болмаз.
Ёлмесенг да, къарт дамы болмазса?
Ёнгкюч къууана барыр, джылай келир.
Булут кёкге джарашыу, уят бетге джарашыу.
Ханнга да келеди хариблик.
Ат да турмайды бир териде.
Адам къаллай бир ишленмесе, аллай бир кесин уллу кёреди.
Ким бла джюрюсенг, аны кёзю бла кёрюнюрсе.
Ашхы атаны – джашы ашхы, ашхы ананы – къызы ашхы.
Джыланны къуйругъундан басарынг келсе, аны башы болгъанын унутма.
Хар зат кесини орнуна иги.
Джашынгы кесинг юретмесенг, джашау юретир.
Танг атмайма десе да, кюн къоярыкъ тюйюлдю.
Ана къолу ачытмаз.
Ёлген эшек бёрюден къоркъмайды.
Битмегеннге сакъал – танг.
Уллу сёлешме да, уллу къаб.
Илму – джашауну джолу.
Аллахдан тилесенг, кёб тиле.
Чоюнну башы ачыкъ болса, итге уят керекди.
Башынга джетмегенни сорма.
Аллахха ийнаннган кишини, Аллах онгдурур ишин.
Ата Джуртуму башы болмасам да, босагъасында ташы болайым.
Чомартха Тейри да борчлуду.
