Уясында не кёрсе, учханында аны этер.
Тёзген – тёш ашар!
Эл ауузу – элек, анга ийнаннган – халек.
Ёзденликни кёбю ётюрюк.
Ётюрюкден тюбю джокъ, кёлтюрюрге джиби джокъ.
Къарнынг къанлынга кийирир.
Эр сокъур болсун, къатын тилсиз болсун.
Аш хазыр болса, иш харам болур.
Эки къатын алгъан – эки ташны ортасына башын салгъан.
Бет бетге къараса, бет да джерге къарар.
Бёрю да ач къалмасын, эчки да ашалмасын.
Аманны тукъумуна къарама, игини тукъумун сорма.
Джаным-тиним – окъуу, билим.
Джарлы тюеге минсе да, ит къабар.
Башы ишлегенни, ауузу да ишлер.
Тилчи тилден къаныкъмаз.
Къонакъ аз олтурур, кёб сынар.
Джюрекге ариу – кёзге да ариу.
Адебсиз адам – джюгенсиз ат.
Ишни ахырын ойламай, аллын башлама.
Бетинги сатма, малынгы сат.
Бети – къучакълар, джюреги – бычакълар.
Адамны бетине къарама, адетине къара.
Гитче джилтин уллу элни джандырыр.
Адам къаллай бир ишленмесе, аллай бир кесин уллу кёреди.
Ач уят къоймаз.
Айыбны суу бла джууалмазса.
Агъач халкъгъа алтынды, иссиликге салкъынды.
Сагъыш – къартлыкъгъа сюйюмчю.
Арпа, будай – ащды, алтын, кюмюш а – ташды.
Уллу атлама – абынырса, уллу къабма – къарылырса.
Джаралыны джастыгъында сау ёлюр.
Чакъырылмагъан джерге барма, чакъырылгъан джерден къалма.
Суу ичген шауданынга тюкюрме.
Аджалсыз ёлюм болмаз.
Таукелге нюр джауар.
Кюл тюбюндеги от кёрюнмейди.
Ойнай билмеген, уруб къачар.
Келлик заман – къартлыкъ келтирир, кетген заман – джашлыкъ ёлтюрюр.
Кёбден умут этиб, аздан къуру къалма.
Онгсузну – джакъла, тенгликни – сакъла.
Акъыллы эркиши атын махтар, акъылсыз эркиши къатынын махтар.
Тенги кёбню джау алмаз, акъылы кёбню дау алмаз.
Тас болгъан бычакъны сабы – алтын.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Чоюнну башы ачыкъ болса, итге уят керекди.
Джашда акъыл джокъ, къартда къарыу джокъ.
Чабакъсыз кёлге къармакъ салгъанлыкъгъа, чабакъ тутмазса.
Нёгер болсанг, тенг бол, тенг болмасанг, кенг бол.
Ашха уста, юйюнде болсун
