Къууут – джелге, берне – бошха.
Соргъан айыб тюлдю, билмеген айыбды.
Ата Джуртун танымагъан, атасын да танымаз.
Айран ичген – къутулду, джугъусун джалагъан – тутулду.
Кесинге джетмегенни, кёб сёлешме.
Бал чибинни ургъаны – ачы, балы – татлы.
Ариу сёз – къылычдан джити.
Ашхы адам – халкъ байлыгъы, ашхы джер – джашау байлыгъы.
Суу да къайтады чыкъгъан джерине.
Атлыны ашхысы, ат тизгининден билинир
Айтханы чапыракъдан ётмеген.
Ким бла джюрюсенг, аны кёзю бла кёрюнюрсе.
Кийиминг бла танылма, адамлыкъ бла таныл.
Керек ташны ауурлугъу джокъ.
Чакъырылмай келген къонакъ сыйланмай кетер.
Биреу къой излей, биреу той излей.
Тил бла келеди джыр да.
Къолунгдан къуймакъ ашатсанг да, атаны борчундан къутулмазса.
Аман къатын сабий табса, бий болур…
Уллу сёлешме да, уллу къаб.
Къызын тута билмеген, тул этер, джашын тута билмеген, къул этер.
Тынгылагъан тынгы бузар.
Сютден ауузу кюйген, суугъа юфгюре эди.
Гугурук къычырмаса да, тангны атары къалмаз.
Абынмазлыкъ аякъ джокъ, джангылмазлыкъ джаякъ джокъ.
Ётюрюкню къуйругъу – бир тутум.
Акъыл аздырмаз, билим тоздурмаз.
Кенгеш болса, уруш болмаз.
Биреуге аманлыкъны тилеме да, кесинге ашхылыкъны тиле.
Тилчиден кери бол.
Джырчы ёлсе, джыры къалыр.
Адамны сабийин сюйген джюреги, бычакъча, джитиди.
Аманны эки битли тону болур, бирин сеннге кийдирир, бирин кеси киер.
Кёкдеги болмаса, джердегин кёрмейди.
Джырчы джырчыгъа – къарнаш.
Ышармагъан – кюлмез, кюлмеген – къууанчны билмез.
Иги сеники эсе да, сюйген кесимикин этеме.
Элге къуллукъ этмеген, элге ие болмаз.
Кёб ант этген, кёб ётюрюк айтыр.
Джаралыны джастыгъында сау ёлюр.
Этек чакъмакълары баш джаргъан, сёлешген сёзлери таш джаргъан.
Кёрмегеннге кебек – танг, битмегеннге сакъал – танг.
Иесиз малны бёрю ашар.
Ашхы – джыяр, аман – джояр.
Экеулен сёлеше тура эселе, орталарына барыб кирме.
Ётюрюкчюню шагъаты – къатында.
Бал – татлы, балдан да бала – татлы.
Бозанг болмагъан джерге, къалагъынгы сукъма.
Ёмюрлюк шохлукъну джел элтмез.
Джылыгъа джылан илешир.
