- Чомартха Тейри да борчлуду.
- Ата Джуртча джер болмаз, туугъан элча эл болмаз.
- Тил – кесген бычакъ, сёз – атылгъан окъ.
- Экеу тутушса, биреу джыгъылыр.
- Келгинчи, къонакъ уялыр, келгенден сора, къонакъбай уялыр.
- Танг атмайма десе да, кюн къоярыкъ тюйюлдю.
- Таугъа чыгъаллыкъ эсенг, тюзде къалма.
- Ашхы болсанг, атынг чыгъар, аман болсанг, джанынг чыгъар.
- Билими азны – ауузунда кирит.
- Ёлюк кебинсиз къалмаз.
- Окъдан джара эртде-кеч болса да бителир, сёз джара, ёмюрге къалыр.
- Чыкълы кюнде чыкъмагъан, чыкъса къуру кирмеген.
- Зар адам ашынгы ашар, кесинги сатар.
- Арба аугъандан сора, джол кёргюзтюучю кёб болур.
- Джарлыны эшигин махтагъан джабар.
- Акъылсызны джууукъгъа алма, акъыллыны кенгнге салма.
- Ач да бол, токъ да бол – намысынга бек бол.
- Билим къая тешер.
- Таш бла ургъанны, аш бла ур.
- «Ма», - дегенни билмесенг, «бер», - дегенни билмезсе.
- Таякъ этден ётер, тил сюекден ётер.
- Чомарт джарлы болмаз.
- Джарлы джети элни сёзюн этер.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Таш ата билмеген, башына урур.
- Эр абынмай, эл танымаз.
- Иесиз малны бёрю ашар.
- Аш хазыр болса, иш харам болур.
- Ойнай-ойнай кёз чыгъар.
- Ачыу алгъа келсе, акъыл артха къалады.
- Ариу сёз – джаннга азыкъ, аман сёз – башха къазыкъ.
- Ичимден чыкъды хата, къайры барайым сата?
- Къазанда болса, чолпугъа чыгъар.
- Таула не мийик болсала да, аууш табылыр.
- Тюз сёз баргъан сууну тыяр.
- Оюмсуз атлагъан, аджалсыз ёлюр.
- Акъыл неден да кючлюдю.
- Тойну къарнашы – харс, джырны къарнашы – эжиу.
- Тёгюлген тюгел джыйылмайды.
- Кийиминг бла танылма, адамлыкъ бла таныл.
- Къатын байлыкъны сюер, эр саулукъну сюер.
- Акъыллы башны – тили къысха.
- Эшекни не къадар тюйсенг да, ат болмаз.
- Экеулен сёлеше тура эселе, орталарына барыб кирме.
- Чомартха хар кюн да байрамды.
- Чакъырылмагъан къонакъ къачан кетерин сормаз.
- Ариуну – ауруу кёб.
- Бичгенде ашыкъма, тикгенде ашыкъ.
- Харам къарнашдан, халал тенг ашхы.
- Уруну арты – къуру.
Профиль
|
|
|||