- Адамны сыфатына къарама, сёзюне къара.
- Кёзню ачылгъаны – иги, ауузну джабылгъаны – иги.
- Алма терегинден кери кетмез.
- Бёрю да ач къалмасын, эчки да ашалмасын.
- Ханнга да келеди хариблик.
- Билген билмегенни юретген адетди.
- Эки итни арасына сюек атма, эки адамны арасында сёз чыгъарма.
- Акъыллы башны – тили къысха.
- Бойнуму джети джерден кессенг да, мен ол ишни этеллик тюлме.
- Адам туугъан джеринде, ит тойгъан джеринде.
- Джашны джигитлиги сорулур, къызны джигерлиги сорулур.
- Окъуу – билимни ачхычы, окъуу – дунияны бачхычы.
- Юйюнгден чыкъдынг – кюнюнгден чыкъдынг.
- Билим ат болуб да чабар, къуш болуб да учар.
- Къан бла кирген, джан бла чыгъар.
- Хата – гитчеден.
- Ач келгенни – тойдур, кеч келгенни – къондур.
- Джарлы джети элни сёзюн этер.
- Аман хансны – урлугъу кёб.
- Халкъны джырын джырласанг, халкъ санга эжиу этер.
- Эшекни не къадар тюйсенг да, ат болмаз.
- Ашхы тенг джолгъа салыр, аман тенг джолдан тайдырыр.
- Адамны джюреги нени кёрюрге сюйсе, кёзю да аны кёрюрге ёч болады.
- Джумушакъ терекни къурт ашар.
- Тойну къарнашы – харс, джырны къарнашы – эжиу.
- Ауурну тюбю бла, дженгилни башы бла джюрюген.
- Мухар, кеси тойса да, кёзю тоймаз.
- Келинин тута билмеген, къул этер, къызын тута билмеген, тул этер.
- Таукел адам тау тешер.
- Бюгюн дуния кибик, тамбла ахыратды.
- Адам къаллай бир ишленмесе, аллай бир кесин уллу кёреди.
- Хар адамгъа кеси миннген тау кибик.
- Зарда марда джокъ.
- Этни бети бла шорпасы.
- Адеб этмеген, адеб кёрмез.
- Джангызны оту джарыкъ джанмаз!
- Ач къарным, тынч къулагъым.
- Арбаз къынгырды да, ийнек сауалмайма.
- Къалгъан ишге къар джауар.
- Джыгъылгъанны сырты джерден тоймаз.
- Джаным-тиним – окъуу, билим.
- Ашарыкъда сайлагъаннга – чий гырджын.
- Келлик заман – къартлыкъ келтирир, кетген заман – джашлыкъ ёлтюрюр.
- Ауругъанны сау билмез, ач къарынны токъ билмез.
- Билим къая тешер.
- Кийимни бир кюнню аясанг, минг кюннге джарар.
- Къулакъдан эсе, кёзге ышан.
- Намыс болмагъан джерде, насыб болмаз.
- Джангыз торгъай джырламаз.
- Уллу сёлешме да, уллу къаб.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72