- Къулакъдан эсе, кёзге ышан.
- Мал ёлсе, сюек къалыр, адам ёлсе, иши къалыр.
- Джиби бир къат джетмей эди да, эки къат тарта эди.
- Сыфатында болмагъаны, суратында болмаз.
- Сабий болмагъан джерде, мёлек болмаз.
- Босагъа таш юйге кирмей эди, тыбыр таш эшикге чыкъмай эди.
- Кёзню ачылгъаны – иги, ауузну джабылгъаны – иги.
- Эртде тургъан джылкъычыны эркек аты тай табар.
- Адамны аманы адамны бети бла ойнар.
- Эринчекни аурууу – кёб.
- Джырчы джырчыгъа – къарнаш.
- Ач, тоймам, дейди, тойгъан, ач болмам, дейди.
- Ата Джуртун танымагъан, атасын да танымаз.
- Тёзгеннге, джабылгъан эшик ачылыр.
- Биреуню тёрюнден, кесинги эшик артынг игиди.
- Ауругъанны сау билмез, ач къарынны токъ билмез.
- Дууулдаса – бал чибин, къонса – къара чибин.
- Билмегенинги, билгеннге сор.
- Къыз келсе, джумуш эте келеди, къатын келсе, ушакъ эте келеди.
- Соргъан айыб тюлдю, билмеген айыбды.
- Къарт болгъан джерде, берекет болур, сабий болгъан джерде, оюн болур.
- Ёлюр джаннга, ёкюл джокъ.
- Чабакъ башындан чирийди.
- Мени джылытмагъан кюн, меннге тиймесин!
- Термилгенинги табмазса, кюлгенинге тюберсе.
- Сабий кёргенин унутмаз.
- Байлыкъ келсе, акъыл кетер.
- Билимсиз иш бармаз.
- Керилген да, ургъан кибикди.
- Тюкюрюк баш джармаз, налат кёз чыгъармаз!
- Акъыл сабырлыкъ берир.
- Ана къолу ачытмаз.
- Сууда джау джокъ, кёб сёзде магъана джокъ.
- Ауругъаннга – кийик саулукъ, джетген къызгъа – чилле джаулукъ.
- Айныгъанлы алты кюн, тогъайгъанлы тогъуз кюн.
- Къонакъны къачан кетерин сорма, къачан келлигин сор.
- Кийиминг бла танылма, адамлыкъ бла таныл.
- Айран ичген – къутулду, джугъусун джалагъан – тутулду.
- Уясында не кёрсе, учханында аны этер.
- Ётюрюкчюню шагъаты – къатында.
- Юре билмеген ит, къонакъ келтирир.
- Кёб джат да, бек чаб.
- Ёксюзню къалачы уллу кёрюнюр.
- Сёлеш деб шай берген, тохта деб, сом берген.
- Чомарт къолда мал къалмаз.
- Эл бла кёргенинг эрелей.
- Джарлы эскисин джамаса, къууаныр.
- Таугъа чыгъаллыкъ эсенг, тюзде къалма.
- Телини эшигин, махтау джабар.
- Бойнуму джети джерден кессенг да, мен ол ишни этеллик тюлме.
Профиль
|
|
|||