Джюрекге ариу – кёзге да ариу.
Эл тойса, тоймагъан, эл къойса, къоймагъан.
Ким бла джюрюсенг, аны кёзю бла кёрюнюрсе.
Къуру гыбыт бек дыгъырдар.
Элде адам къалмаса, ит тахтагъа минер.
Нёгерсизни джолу узун.
Ашда уялгъан – мухар, ишде уялгъан – хомух.
Адам бла мюлк юлешмеген эсенг, ол адамны билиб бошагъанма, деб кесинги алдама.
Кийим тукъум сордурур.
Келинин тута билмеген, къул этер, къызын тута билмеген, тул этер.
Эл бла кёргенинг эрелей.
Ашатыргъа иш – ашхы, ишлетирге аш – ашхы.
Билим насыб берир, билим джолну керир.
Тели турса – той бузар.
Терек ауса, отунчу – кёб.
Сабий болмагъан джерде, мёлек болмаз.
Таукел къуру къалмаз.
Аджашхан тёгерек айланыр.
Ашлыкъны арба юйге келтирир, чана базаргъа элтир.
Ишни ахырын ойламай, аллын башлама.
Къызын тута билмеген, тул этер, джашын тута билмеген, къул этер.
Сормай – алма, чакъырылмай – барма.
Чомартны къолу берекет.
Кёб ант этген, кёб ётюрюк айтыр.
Джаз бир кюнню джатсанг, къыш талай кюнню абынырса.
Байлыкъ болгъан джерде, тынчлыкъ джокъду.
Ишни аллы бла къууанма да, арты бла къууан.
Кюл тюбюндеги от кёрюнмейди.
Кийимни бичсенг, кенг бич, тар этген къыйын тюлдю.
Керти сёзге тёре джокъ.
Джарлы эскисин джамаса, къууаныр.
Аджашханны ызындагъы кёреди, джангылгъанны джанындагъы биледи.
Къыз чыгъаргъан – къызыл къымжа.
Ишлерге уял да, ашаргъа табма.
Эки итни арасына сюек атма, эки адамны арасында сёз чыгъарма.
Къызны минг тилер, бир алыр.
Аууз сакълагъан – джан сакълар.
Ёгюзню мюйюзюнден тутадыла, адамны сёзюнден тутадыла.
Ашыкъгъанны этеги бутуна чырмалыр.
Айтханы чапыракъдан ётмеген.
Итли къонакъ джарашмаз.
Къарнынг ауруса, ауузунгу тый
Джашны джигитлиги сорулур, къызны джигерлиги сорулур.
Тулпарлыкъ, билекден тюл – джюрекден.
Хатерли къул болур.
Эр абынмай, эл танымаз.
Эрине къаргъыш этген къатын, эрнин къабар.
Уллу суу бла уллу ауруудан башынгы сакъла.
Татлы тилде – сёз ариу, чемер къолда – иш ариу.
Эринчекни аурууу – кёб.
