Эльбрусоид :: Форум

Ойнай билмеген, оюн бузар.
Къызын тута билмеген, тул этер, джашын тута билмеген, къул этер.
Ёлюк кебинсиз къалмаз.
Джырына кёре эжиую.
Тюзлюк шохлукъну бегитир.
Къайгъыны сюйген, къайгъы табар.
Ышармагъан – кюлмез, кюлмеген – къууанчны билмез.
Байлыкъ келсе, акъыл кетер.
Къайтырыкъ эшигинги, къаты уруб чыкъма.
Къайгъы тюбю – тенгиз.
Бир онгсуз адам адет чыгъарды, деб эштирик тюлсе.
Мухарны эси – ашарыкъда.
Ариу сёз – джаннга азыкъ, аман сёз – башха къазыкъ.
Акъыл сабырлыкъ берир.
Эки элинги тыйсанг, джети элде махталырса.
Кеси юйюмде мен да ханма.
Къазанчы аман болса, къазаны къайнамаз.
Ачны эсинде – аш.
Адебни адебсизден юрен.
Ат басханны джер билед.
Намысы джокъну – дуниясы джокъ.
Ишленмеген джаш – джюгенсиз ат, ишленмеген къыз – тузсуз хант.
Къазанны башы ачыкъ болса, итге уят керекди.
Адам къыйынлыгъын кёлтюрюр, зауукълугъун кёлтюрмез.
Агъач – джерни чырайы, кийим – эрни чырайы.
Орундукъ тюбюнде атылсам да, орта джиликме, де да айлан.
Аууздан келген, къолдан келсе, ким да патчах болур эди.
Тёзген – тёш ашар!
Ойнай билмеген, уруб къачар.
Къалгъан ишге къар джауар.
Джашлыкъ этмеген, башлыкъ этмез.
Тойгъанлыкъ къойгъа джарашады.
Ёлмесенг да, къарт дамы болмазса?
Джетген къыз джерли эшекни танымаз.
Аманны тукъумуна къарама, игини тукъумун сорма.
Окъумагъан сокъурду, сокъур ташха абыныр!
Кёбден умут этиб, аздан къуру къалма.
Уллу сёзде уят джокъ.
Сакъ юйюне сау барыр.
Асхат ашлыкъ сата, юйдегиси ачдан къата.
Кийимни бир кюнню аясанг, минг кюннге джарар.
Уллу айтханны этмеген – уллаймаз.
Азыкъ аз болса, эртде орун сал.
Адам бла мюлк юлешмеген эсенг, ол адамны билиб бошагъанма, деб кесинги алдама.
Иги бла джюрюсенг, джетерсе муратынга, аман бла джюрюсенг, къалырса уятха.
Эм ашхы къайын ана мамукъ бла башынгы тешер.
Бети – къучакълар, джюреги – бычакълар.
Гугурук къычырмаса да, тангны атары къалмаз.
Чомартны къолу берекет.
Ётюрюкчюню шагъаты – къатында.

Логин:
Пароль:
	Запомнить меня на этом компьютере

Забыли свой пароль?
Регистрация