Войти на сайт
19 Апреля  2019 года

 

  • Бюгюн дуния кибик, тамбла ахыратды.
  • Адамны сыфатына къарама, сёзюне къара.
  • Къарнынг тойгъунчу аша да, белинг талгъынчы ишле.
  • Ашхы адам – халкъ байлыгъы, ашхы джер – джашау байлыгъы.
  • Адебсиз адам – джюгенсиз ат.
  • Тилчи тилден къаныкъмаз.
  • Чакъырылмай келген къонакъ сыйланмай кетер.
  • Джарлы тюеге минсе да, ит къабар.
  • Ач келгенни – тойдур, кеч келгенни – къондур.
  • Накъырданы арты керти болур.
  • Суу кетер, таш къалыр.
  • Бир онгсуз адам адет чыгъарды, деб эштирик тюлсе.
  • Юй ишлеген балта эшикде къалыр.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Къобан да къуру да къобханлай турмайды, адам да къуру да патчахлай турмайды.
  • Ата – баланы уясы.
  • Арыгъан къош чамчы болур.
  • Онгсузну – джакъла, тенгликни – сакъла.
  • Къыйынлы джети элни къайгъысын этер.
  • Айранын берсенг, челегин да къызгъанма.
  • Агъач – джерни чырайы, кийим – эрни чырайы.
  • Хантына кёре тузу, юйюне кёре къызы.
  • Ауурну тюбю бла, дженгилни башы бла джюрюген.
  • Ишлегенде эринме, ишде чолакъ кёрюнме.
  • Эринчекни аурууу – кёб.
  • Джангыз терек къынгыр ёсер.
  • Адамны бетине къарама, адетине къара.
  • Тил джюрекге джол ишлейди.
  • Аджал соруб келмез, келсе, къайтыб кетмез.
  • Зарда марда джокъ.
  • Кёрмегеннге кебек – танг, битмегеннге сакъал – танг.
  • Кесинг сынамагъан затны, адамгъа буюрма.
  • Сабийликде юретмесенг, уллу болса – тюзелмез.
  • Хар зат кесини орнуна иги.
  • Эртде тургъан джылкъычыны эркек аты тай табар.
  • Тас болгъан бычакъны сабы – алтын.
  • Ашыкъгъан cуу, тенгизге джетмез.
  • Ашхы тенг джолгъа салыр, аман тенг джолдан тайдырыр.
  • Билмезни кёзю кёрмез, этмезни къулагъы эшитмез.
  • Джашда акъыл джокъ, къартда къарыу джокъ.
  • Айтылгъан буйрукъ, сёгюлмез
  • Шайтан алдады, тюзлюк къаргъады.
  • Тёгюлген тюгел джыйылмайды.
  • Телиге от эт десенг, юйюнге от салыр.
  • Чомартны къолу берекет.
  • «Ма», - дегенни билмесенг, «бер», - дегенни билмезсе.
  • Аууз сакълагъан – джан сакълар.
  • Ашха уста, юйюнде болсун
  • Джумушакъ терекни къурт ашар.
  • Къарнынг ауруса, ауузунгу тый

 

Страницы: 1 2 След.
RSS
Алгъышла
 
Салам Алейкум миллетим!
келигиз бу темада ким къаллай алгъышла билеиседа, джазаикъ.
Тойда бир алгъыш айт деселе, не айтыргъа билмей къалабыз...

Тилегим джамагъат, флудить этмегиз.
 
Иги тема
Сакълайбыз алгъышланы.
 
АЛЛАХ саулукъ, насып берсин, ийман сыйлылыгъы сизге келсин, этген муратларыгъыз толсун, жашауугъуз къууанчлы болсун!)
 
... энтта бирин эсиме тюшюрдюм))) Къууанч сизден кетмесин, мудахлыкъ сизге жетмесин, сизни бетигиз нюрден толсун, хар заманда АЛЛАХ биргегизге болсун!
 

Жашауума сени ючюн ыразыма, къурман болсун жаным жанынга. Мадар тапсам, сен ёлмейин жашарча, дарман болуп къуюлурем къанынга...
 
Бу юйден алгъыш кетмесин
Къаргъыш бу юйге джетмесин!
Аманла айтхан кибик да АЛЛАХ этмесин!
Благъа зарлыкъ этгенни джашау онгмасын!
Тилеги къабыл болмасын!
Джегерге эшеги болмасын!
Джатаргъа тешеги болмасын!
Джай джайлыгъы болмасын!
кЪЫШ КЪЫШЛЫГЪЫ БОЛМАСЫН!
Къырдышы къабынсын!
Эшиги джабылсын!
Юйюнде маджал карты абынсын!
Ахырында уа ма бу юйге табынсын!
Юйдегиси урушсун!
Санлары къурушсун!
Таянчагъы къутургъан суу болсун!
Сабийлери улусун!
Эки кезю къурусун!
Кииими болсун джагъасыз!
Элинде болсун багъасыз!
Киши бармасын алгъышха!
Ёлюгю атылсын багушха!
Аллайлагъа бу тыйыншлы тилекди.
Алай болургъа да керекди!
 
ма энтда:

Рысхыбыз къалын болсун!
Сюйгенлерибиз сюерча!
Сюймегенлерибиз кюерча.
Тобукъларын тюерча.
Аякълары абынырча.
Тамакълары къарылырча.
Джюреклери джарылырча.
Ашхыларыбыз акъыл иш юретсинле.
Джашла къызла да аны этсинле!
Урунуб джашайыкъ.
Халал къыйын ашайыкъ!
Бир бирге болушаикъ.
АЛЛАХ сюйгенледен болайыкъ!!!
 
къарт къыз

Амин Аллах!
 
Насыбдан толсун кюнлеринг,
Муслиман болсун негеринг,
Джашаудан къууансын джюрегинг -
Олду Аллахдан сенге тилегим!!!
 
Бу элдеэлсиз къыйынлыкъ киши сынамасын,
Джашлай ёлген деб киши джыламасын,
Бу элден насыб къурумасын,
Арбазларында ит улумасын.
Джангы джууукъла джангыра, джашнай барсынла,
Ауруудан,талаудан кенгде къалсынла,
Эм байла- былагъа джутлансынла,
Эм насыблыла - былагъа сукълансынла.
Къарангы кече толгъан ай чыгъыб джолунгу танытханча,
Эртенбла кюн тийиб дунияны джарытханча,
Бу экисин кёргенлей мыдах джюрекле джарысынла,
Игиле, ашхыла былагъа джалынсынла.
Кёб болсунла тёрде олтургъан къартларыбыз,
Берекет болсун бизни этген хантларыбыз,
Кёгетлерин кёлтюрелмесинле садларыбыз,
Игилик бла айтылсынла атларыбыз.
Келинэгеч болсун, кюеу къарнаш болсун,
Аман иннетли бу элден тас болсун.
Аманны этген муратлары толмасын,
Аманны къолуна ёмюрде ырысхы къонмасын.
Къобаныбыз ызына айланыб Минги таугъа миннгинчи,
Кече арасында бир исси кюн тийгинчи,
Чегетде кийик юсюне кийим кийгинчи,
Уруш отун сынамайын къалайыкъ,
Къууанчлада алгъыш аякъ алайыкъ,
Бир-бирибизге джарыкъ бетден къарайыкъ.
Бу юйню ичи хар къуру да берекет болсун,
Былача... деб алгъышда айтхан адет болсун,
Элге оноу этер кибик башлары болсун,
Айгъа учар кибик джашлары болсун!

Бу алгъышны Хубийлени Магомет джазгъанды!
 
къарт къыз
сеникиле алгъышла тюлдюле, къаргъышладыла)))
 
Къарт Матайны алгъышы

Аллах онгартсын!
Аллах атландырсын!
Онг джюрютсюн!
Игилик бери болсун!
Аманлыкъ кериболсун!
Бизни сюймеген телиболсун!
Къурманлыкъ къабылболсун!
Джашауубуз мамырболсун!
Аманны юйю дауурболсун!
Кекден джаугъанджангур кибик
Джерден чыкъгъан
Кырдык кибик
Ол келтирген
Гинджимекни джибикибик
Келген келинни
Намысы уллу болсун!
Тили тартык болсун!
Пудлай урчукътолтурсун!
Ингир ашхам заманда

Эшикден адамкъычырса
Танымай къонакъалмасын!
Ингир ашхам заманда
Эшикден адам селешсе
Анга тынгылаучуболмасын!
Атха миниб къамчиургъан
Тыбылгъа кирибджамчы ургъан
Эшикге чыгъыб таякъалгъан
Джыйынга кириб аякъалгъан
Балалары Я Аллахболсунла!
Туугъан къызы кюзчакъсын!
Бочхаларындан мизчыкъсын!
Алгъын таякъчытабсын!
Артдан таракъчытабсын!
Бек битсинлесабанла!
Ашамасынла къабанла!
Джашамасынла аманла!
Сабанланы башларына
Къаргъыш джетмесин!
Тюблеринден джыланётмесин!
Атны чабханын
Ёгюзню тартханын
Ийнекни сютлюсюн
Къойну джюнлюсюн

Аллах берсин!
Келген келин къууана
Кюле келсин!
Кирген юйюн сюекелсин!
Этер ишин билекелсин!
Тары кибик юйресин!
Тюй кибик къозласын!
Игилени ызларынданызласын!
Аман болса къорасын!
Бугъа бишер къазаныболсун!
Чарыкълары тюшмезкибик
Табаны болсун!
Тили хомух болсун!
Иши джигер болсун!
Аламат дуркъусуболсун!
Аны кибик быкъысыболсун!
Этген хантындан
Адам ашаб тоймасын!
Сабийлери арбазындаойнасын!
Тохсугъанлы толуаякъ
Толусу бла бал аякъ
Къолубузгъа алайыкъ!
Ичине да биркъарайыкъ!
Тилибизгеда бирсалайыкъ!
 
Къарачай Джаш
сыйлы бол тамада сёз бергенинге...да не айтайым...игиси болсун...кёб джашасынла...муратлары толсунла...80% бу сёзле айтыладыла)))
 
а так айтырым...алгъыш ол тилекди да, тилекни хар ким кесича, джюрекден этсе тыйынчлы болур...Ансы биз миллет ортасында, ариу, акъыллы, сёзге уста кёрюнейик деб, таурухла айтхандан файда болмаз, алгыш айтхан адамларыбызгъа)
 
7km
Амин, Амин айтайыкъ,
Игиликле чакъырайыкъ!
Аллахдн насыб тилесек,
Аны табыб къуанайыкъ!
 
Бу къыз бла джашны тойуюду,
Джангы юйдегини ойюнуду.
Ёмюрлери узакъ болсун,
Этген муратлары толсун.
Бир бирлерин бек сюйсюнле,
Халал джашаугъа эс ийсинле,
Насыблы ишге алчы болсунла,
Келген джаугъа ачы болсунла,
Къууанчлыкъ юслеринде барсын,
Алгъыш аякъны да акъсакъал алсын.
Алгъышчы алгъыш этсин,
Аллах къабыл этсин.
Келген келинни аягъы джолгъа джарашсын,
Тёгереги уландан толсун.
Насыбы, ырысхысы кёб болсун:
Кёкден джаугъан джауум кибик,
Джерден чыкъгъан кырдык кибик,
Агъачлада чырпы кибик,
Сабанлада къылкъы кибик!
Биз айтмагъан ариу алгъышланы Аллах айтсын!
 
 
Сказать один такой алгъыш и умереть. Лучше уже не скажешь!
 
Алгъыш аякъ къолубузда,
Уча, сый да аллыбызда,
Джангы келинни намысыды,
Келин юйню насыбыды.
Келген келин къутлу болсун,
Кёб джёнесин, джуртлу болсун.
Келген келинни аягъындан,
Джылыу урсун джаягъындан!!!
 
Адамны хакъын беригиз
Унутурукъ эсегиз джазыгъыз
Къарыуусузлагъа джумушакъ болугъуз
Уллу келлю болмагъыз кечигиз
Ишлегенни келтюрюгюз
Хорлагъанны сыйлагъыз
Ангылагъанга тынгылагъыз
Хар заманда шукур этигиз
Ауругъанланы джокълагъыз
Сабийигизни игиге юретигиз
Хар кимге ышарыб, кюлюгюз
Ышана эсегизда къараб керюгюз
Ийнанмагъанга ийнанырча кергюзюгюз
Джарлыланы унутмагъыз
Хайырлы зат ючюн джоюугъуз

Игиликге иннет этигиз
Уллулагъа хурмет этигиз
Къыйынлыкъгъа сабыр этигиз
Азгъада разы болугъуз
Сезюгюзде туругъуз
Билгенигиз бла къуллукъ этигиз
Хатагъызны къабыл этигиз
Джарамай эсе кетеригиз
Болгъанны джоймагъыз
Алимле бла ушакъ этигиз
Нафысыгъызгъа къаршчы туругъуз
Тепсигизге чакъырыгъыз
Зараны бар эсе кетеригиз
Сюйе эсегиз ангылатыгъыз
Джюреклени ачыгъыз
Къонакъгъа къонакъбайлыкъ этигиз
Кереклиге болушугъуз
Биле эсегизда соругъуз
Къоркъуугъа эс белюгюз

Аманатха хыянат этмегиз
Джашаугъуза джыламагъыз
Уллугъа буйрукъ этмегиз
Бош затла бла кюрешмегиз
Джахилле бла ушакъ этмегиз
Солуугъузу бошуна алыб бермегиз
Адамланы сакълатмагъыз
Тегерегигизни кирлетмегиз
Джашаугъузну аман этмегиз
Кишиге боюун иймегиз
Адамланы бетлерине махтамагъыз
Кишиге аман айтмагъыз
Аманлыкъгъа дженгилмегиз
Рысхыгъызны бош зыраф этмегиз
Тахсагъызны ачыкъ этмегиз
Хар затха бурнугъузну уруб эс белмегиз
Терссегиз тюзме демегиз
Сыйыгъызны тас этмегиз
Джуртугъузну къоюб кетмегиз
 
Кавказ
 
Келин келген жерде кеп айтылгъан алгъыш.
Тынгылагъыз, тынгылагъанла ауруусуз болугъуз, келгенлени жоллары болсун мамукъдан, жашаулары болсун зауукъдан, къууанчыбыз кюнде да былай болсун, бу къууанчха келген насыпдан толсун, насып халкъдан кетмесин, келгенлени жашаулары мамыр болсун, ажаллары сабыр болсун, жашау болсун бирликде, болайыкъ бир бирге сюймекликде. Жарысынла жюрекле, тюз болсунла ниетле, къабыл болсунла ахшы тилекле. Тюз ниет жашасын, зарны кюе ашасын, ахшылыкъгъа чабыш сынла, насыбын кёп тапсынла, ахшылыкъдан юлгю алайыкъ, аманлыкъдан кенг къалайыкъ. Ыстауатла маллы болсунла, батманла баллы болсунла, эгиз-эгиз тёлю туусун, сегиз-сегиз насып жаусун, къозламагъан тиши къалмасын, жауунлу болсун жазыбыз, къарлы болсун къышыбыз, монг болсун азыгъыбыз. Элпек болсунла малла, бек битсинле сабанла, башларына къол жетмезча, тюбю жилян ётмезча, ол насыпны биз тилейбиз, алгъыш аякъ къолубузда, уча сый да аллыбызда, жангы келинни насыбыды, келген келинибиз къутлу болсун, келген келинни аягъындан, жылыу урсун жаягъындан, сюйюм берсин кёзлери, ийнакъ болсун сёзлери. Ышара-кюле келсин, келген юйюн сюе келсин, этер ишин биле келсин, къартха татлы болсун, монг жашаугъа ачхыч болсун, жарыкъ берсин жулдузча, жылтырасын къундузча, апсынлагъа юлгю берсин, хар ким аны ариу кёрсюн, бек табышсын эри бла, эти болгъанча тери бла, эрттен бла эртте турсун, этер ишин терк толтурсун, таза болсун тургъан юйю, жылтырай ёссюн юйюрю, бутун буруп олтурсун, бутлай урчукъ толтурсун, табыучу болсун эгизлени, жашы жексин ёгюзлени, къызы урсун кийизлени. Аллах берсин ёгюзню тартханын, атны чапханын, ушкокну атханын, къойну тюклюсюн, ийнекни сютлюсюн. Алгъышчы алгъыш этсин, тынгылагъанла амин десинле, амин демеген тилин къапсын. Алгъыш бу юйден кетмесин, къаргъыш бу юйге жетмесин, аманла айтхан кибик Аллах этмесин. Бу эки сабийге заран болгъанны жашауу онгмасын, Аллахдан тилегени къабыл болмасын. Дуниябыз мамыр болсун, халкъыбыз маллы болсун. Къартларыбыз акъылгъа юйретсинле, жашла, къызла да аны этсинле, урунуп жашайыкъ, бир бирге болушайыкъ, халал къыйын ашайыкъ, Аллах сюйгенледен болайыкъ, жарыкъ бетден къарайыкъ. Бу жаш бла къызны тоюду, жангы юйдегини уа оюнуду. Боза аякъны алайыкъ, жарыкъ бетден къарайыкъ, бу къуругъан чёпню башыды, насыплыны ашыды, уллуду бу аякъны хурмети, жарыкъ болсун муну этгенни ниети, келген келинибиз алчы болсун, келген жаугъа ачы болсун, къууанчлыкъ юслеринде барсын, алгъыш аякъны акъсакъал алсын, къууанчыбыз элде терк-терк барсын.
 
очень хорошая, позитивная тема!!!!
 
Насыбдан толсун кюнлеринг,
Муслиман болсун негеринг,
Джашаудан къууансын джюрегинг -
Олду Аллахдан сенге тилегим!!!
 
Къарачай да къуанчланы кёбюсюню бир шарты барды - алгъышны арсы созуб, адамны арытхынчы дери айтхан))

Алгъышны айта билге да керекди, джылы келген адам болуб, сёзню келишдирелмесе джыйылгъан джерде - табсыз кёрюнеди. Бир-бири айтханны хар къуанч да къайтармай, энчи алгъышла, сёзле болсала - ма былай боллукъ эди.
Страницы: 1 2 След.
Читают тему (гостей: 2)

 

Написать нам