- Билеги кючлю, бирни джыгъар, билими кючлю, мингни джыгъар.
- Нарт сёз къарт болмаз.
- Дуния аламаты сен эсенг да, игиме деб айтма.
- Адам туугъан джеринде, ит тойгъан джеринде.
- Бек анасы джыламаз.
- Тик ёргени, тик энгишгеси да болады.
- Таукелге нюр джауар.
- Элиб деген, элге болушур.
- Суу кетер, таш къалыр.
- Атлыны ашхысы, ат тизгининден билинир
- Аш берме да, къаш бер.
- Ариу сёз аурууунгу алыр.
- Таш бла ургъанны, аш бла ур.
- Элни кючю – эмеген.
- Къайгъы тюбю – тенгиз.
- Игиге айтсанг – билир, аманнга айтсанг – кюлюр.
- Юреннген ауруу къалмаз.
- Окъдан джара эртде-кеч болса да бителир, сёз джара, ёмюрге къалыр.
- Ат да турмайды бир териде.
- Кёлсюзден сёзсюз тууар.
- Тилчиден кери бол.
- Экиндини кеч къылсанг, чабыб джетер ашхам.
- Къалгъан ишге къар джауар.
- Эрни эр этерик да, къара джер этерик да, тиширыуду.
- Юйюнг бла джау болгъандан эсе, элинг бла джау бол.
- Тешик этген тынчды, аны джамагъан къыйынды.
- Ачлыкъ отха секиртир.
- Ач – эснер, ат – кишнер.
- Билген билмегенни юретген адетди.
- Джырына кёре эжиую.
- Ата – билек, ана – джюрек!
- Ашыкъгъанны этеги бутуна чырмалыр.
- Аман киши кеси юйюнде – къонакъ.
- Къонакъ аман болса, къонакъбай джунчур
- Къарт бла баш аша, джаш бла аякъ аша.
- Рысхы – насыбха къор.
- Эртде тургъан джылкъычыны эркек аты тай табар.
- Эркиши – от, тиширыу – суу.
- Тилчи тилден къаныкъмаз.
- Ауругъанны сау билмез, ач къарынны токъ билмез.
- Эринчекни аурууу – кёб.
- Ачлыкъда тары гырджын халыуадан татлы.
- Иги сёз – джаннга азыкъ, аман сёз башха – къазыкъ.
- Аш хазыр болса, иш харам болур.
- Магъанасыз сёз – тауушсуз сыбызгъы.
- Джигер – джаннга къыйынлыкъ.
- Юй кюйдю да, кюйюз чыкъды, ортасындан тюйюш чыкъды.
- Сютню башын джалагъан къутулур, тюбюн ичген тутулур.
- Абынмазлыкъ аякъ джокъ, джангылмазлыкъ джаякъ джокъ.
- Тойгъа алгъа да барма, тойда артха да къалма.
Алгъышла
31.12.2009 20:10:39
Салам Алейкум миллетим!
келигиз бу темада ким къаллай алгъышла билеиседа, джазаикъ. Тойда бир алгъыш айт деселе, не айтыргъа билмей къалабыз... Тилегим джамагъат, флудить этмегиз. |
|
|
|
31.12.2009 21:07:05
Иги тема
Сакълайбыз алгъышланы. |
|
|
|
31.12.2009 21:26:36
АЛЛАХ саулукъ, насып берсин, ийман сыйлылыгъы сизге келсин, этген муратларыгъыз толсун, жашауугъуз къууанчлы болсун!)
|
|
|
|
31.12.2009 21:36:24
... энтта бирин эсиме тюшюрдюм))) Къууанч сизден кетмесин, мудахлыкъ сизге жетмесин, сизни бетигиз нюрден толсун, хар заманда АЛЛАХ биргегизге болсун!
|
|
|
|
31.12.2009 21:46:11
Жашауума сени ючюн ыразыма, къурман болсун жаным жанынга. Мадар тапсам, сен ёлмейин жашарча, дарман болуп къуюлурем къанынга... |
|
|
|
31.01.2010 13:50:35
къарт къыз
Амин Аллах! |
|
|
|
07.04.2010 17:35:20
Насыбдан толсун кюнлеринг,
Муслиман болсун негеринг, Джашаудан къууансын джюрегинг - Олду Аллахдан сенге тилегим!!! |
|
|
|
07.04.2010 17:42:33
къарт къыз
сеникиле алгъышла тюлдюле, къаргъышладыла))) |
|
|
|
07.04.2010 17:50:11
Къарачай Джаш
сыйлы бол тамада сёз бергенинге...да не айтайым...игиси болсун...кёб джашасынла...муратлары толсунла...80% бу сёзле айтыладыла))) |
|
|
|
07.04.2010 17:54:43
7km
Амин, Амин айтайыкъ, Игиликле чакъырайыкъ! Аллахдн насыб тилесек, Аны табыб къуанайыкъ! |
|
|
|
07.04.2010 18:04:39
|
|
|
|
07.04.2010 20:51:07
Сказать один такой алгъыш и умереть. Лучше уже не скажешь!
|
|
|
|
07.07.2010 21:25:50
Кавказ
|
|
|
|
13.07.2010 15:14:17
очень хорошая, позитивная тема!!!!
|
|
|
|
21.01.2011 19:17:47
Насыбдан толсун кюнлеринг,
Муслиман болсун негеринг, Джашаудан къууансын джюрегинг - Олду Аллахдан сенге тилегим!!! |
|
|
|
Читают тему (гостей: 1)