- Таукел къуру къалмаз.
- Билимли ёлмез, билимсиз кёрмез.
- Чомартха Тейри да борчлуду.
- Байны къызы баймакъ болса да, юйде къалмаз!
- Таукел адам тау тешер.
- Аман хансны – урлугъу кёб.
- Ётген ёмюр – акъгъан суу.
- Тойгъан антын унутур.
- Сакъалы текени да бар, мыйыгъы киштикни да бар.
- Аз айтсам, кёб ангылагъыз.
- Асхат ашлыкъ сата, юйдегиси ачдан къата.
- Къарт бла баш аша, джаш бла аякъ аша.
- Кюн – узун, ёмюр – къысха.
- Ашыкъгъанны этеги бутуна чырмалыр.
- Ата Джуртун танымагъан, атасын да танымаз.
- Аш кетер да бет къалыр.
- Тёрдеги кюлсе, эшикдеги ышарыр.
- Аманнга игилик этсенг, юйюнге сау бармазса.
- Чарсда алчыны эл кёреди.
- Аш хазыр болса, иш харам болур.
- Ауругъаннга – кийик саулукъ, джетген къызгъа – чилле джаулукъ.
- Ачыу алгъа келсе, акъыл артха къалады.
- Къарт айтханны этмеген, къартаймаз.
- Кёб къычыргъандан – къоркъма, тынч олтургъандан – къоркъ.
- Башланнган иш битер, къымылдагъан тиш тюшер.
- Билим – акъылны чырагъы.
- Билими азны – ауузунда кирит.
- Эшекге миннген – биринчи айыб, андан джыгъылгъан – экинчи айыб.
- Бети – къучакълар, джюреги – бычакълар.
- Тенгинг джокъ эсе – изле, бар эсе – сакъла!
- Тюзню ётмеги тюзде къалса да, тас болмаз.
- Адамны сыфатына къарама, сёзюне къара.
- Хар адамгъа кеси миннген тау кибик.
- Нарт сёз къарт болмаз.
- Аллахха ийнаннган кишини, Аллах онгдурур ишин.
- Къарнынг тойгъунчу аша да, белинг талгъынчы ишле.
- Ата джурт – алтын бешик.
- Рысхы – сют юсюнде кёмюк кибикди.
- Ишни ахырын ойламай, аллын башлама.
- Тёзгеннге, джабылгъан эшик ачылыр.
- Сёз къанатсыз учар.
- Этим кетсе да, сюегим къалыр.
- Минг тенг да азды, бир джау да кёбдю.
- Ашатыргъа иш – ашхы, ишлетирге аш – ашхы.
- Чакъырылмагъан къонакъ тёрге атламаз.
- Билген билмегенни юретген адетди.
- Аурууну келиую тынч, кетиую – къыйын.
- Ашхы атаны – джашы ашхы, ашхы ананы – къызы ашхы.
- Джангызны оту джарыкъ джанмаз!
- Бир онгсуз адам адет чыгъарды, деб эштирик тюлсе.
Алгъышла
31.12.2009 20:10:39
Салам Алейкум миллетим!
келигиз бу темада ким къаллай алгъышла билеиседа, джазаикъ. Тойда бир алгъыш айт деселе, не айтыргъа билмей къалабыз... Тилегим джамагъат, флудить этмегиз. |
|
|
|
31.12.2009 21:07:05
Иги тема
Сакълайбыз алгъышланы. |
|
|
|
31.12.2009 21:26:36
АЛЛАХ саулукъ, насып берсин, ийман сыйлылыгъы сизге келсин, этген муратларыгъыз толсун, жашауугъуз къууанчлы болсун!)
|
|
|
|
31.12.2009 21:36:24
... энтта бирин эсиме тюшюрдюм))) Къууанч сизден кетмесин, мудахлыкъ сизге жетмесин, сизни бетигиз нюрден толсун, хар заманда АЛЛАХ биргегизге болсун!
|
|
|
|
31.12.2009 21:46:11
Жашауума сени ючюн ыразыма, къурман болсун жаным жанынга. Мадар тапсам, сен ёлмейин жашарча, дарман болуп къуюлурем къанынга... |
|
|
|
31.01.2010 13:50:35
къарт къыз
Амин Аллах! |
|
|
|
07.04.2010 17:35:20
Насыбдан толсун кюнлеринг,
Муслиман болсун негеринг, Джашаудан къууансын джюрегинг - Олду Аллахдан сенге тилегим!!! |
|
|
|
07.04.2010 17:42:33
къарт къыз
сеникиле алгъышла тюлдюле, къаргъышладыла))) |
|
|
|
07.04.2010 17:50:11
Къарачай Джаш
сыйлы бол тамада сёз бергенинге...да не айтайым...игиси болсун...кёб джашасынла...муратлары толсунла...80% бу сёзле айтыладыла))) |
|
|
|
07.04.2010 17:54:43
7km
Амин, Амин айтайыкъ, Игиликле чакъырайыкъ! Аллахдн насыб тилесек, Аны табыб къуанайыкъ! |
|
|
|
07.04.2010 18:04:39
|
|
|
|
07.04.2010 20:51:07
Сказать один такой алгъыш и умереть. Лучше уже не скажешь!
|
|
|
|
07.07.2010 21:25:50
Кавказ
|
|
|
|
13.07.2010 15:14:17
очень хорошая, позитивная тема!!!!
|
|
|
|
21.01.2011 19:17:47
Насыбдан толсун кюнлеринг,
Муслиман болсун негеринг, Джашаудан къууансын джюрегинг - Олду Аллахдан сенге тилегим!!! |
|
|
|
Читают тему (гостей: 2)