- Тилчиден кери бол.
- Эр абынмай, эл танымаз.
- Ашлыкъ – бюртюкден, джюн – тюкден.
- Окъугъанны бети джарыкъ.
- Ариу сёзде ауруу джокъ.
- Айырылгъанланы айю ашар, бёлюннгенлени бёрю ашар.
- Иги – алгъыш этер, аман – къаргъыш этер.
- Суугъа – чабакъ, къаягъа – ыргъакъ.
- Къарнынг тойгъунчу аша да, белинг талгъынчы ишле.
- Киштикге къанат битсе, чыпчыкъ къалмаз эди.
- Бойнуму джети джерден кессенг да, мен ол ишни этеллик тюлме.
- Хар сёзню орну барды.
- Битмегеннге сакъал – танг.
- Эрине къаргъыш этген къатын, эрнин къабар.
- Мухардан ач ычхынмаз.
- Баш – акъыл ючюн, акъылман – халкъ ючюн.
- Тюз сёз баргъан сууну тыяр.
- Эте билген, этген этеди, эте билмеген, юретген этеди!
- Миллетни бойну – базыкъ, аны бла кюрешген – джазыкъ.
- Мадар болса, къадар болур.
- Аманны тукъумуна къарама, игини тукъумун сорма.
- Кёбден умут этиб, аздан къуру къалма.
- Адам къыйынлыгъын кёлтюрюр, зауукълугъун кёлтюрмез.
- Кюн кёрмеген, кюн кёрсе, кюндюз чыракъ джандырыр.
- Джашда акъыл джокъ, къартда къарыу джокъ.
- Ариу сёз аурууунгу алыр.
- Къызны минг тилер, бир алыр.
- Билмейме деген – бир сёз
- Джылыгъа джылан илешир.
- Къайтырыкъ эшигинги, къаты уруб чыкъма.
- Чомартны къолу берекет.
- Ётюрюкчюню шагъаты – къатында.
- Айныгъанлы алты кюн, тогъайгъанлы тогъуз кюн.
- Аманнга да, игиге да оноусуз къатышма.
- Рысхы джалгъанды: келген да этер, кетген да этер.
- Ачылгъан эт джабылыр, кёрген кёз унутмаз.
- Башда акъыл болмаса, эки аякъгъа кюч джетер.
- Къаллай салам берсенг, аллай джууаб алырса.
- Адебсиз адам – джюгенсиз ат.
- Джол бла сёзню къыйыры джокъ.
- Намысы болмагъанны, сыйы болмаз.
- Аджашханны ызындагъы кёреди, джангылгъанны джанындагъы биледи.
- Башы ишлегенни, ауузу да ишлер.
- Байлыкъдан саулукъ ашхыды.
- Малны кют, джерни тюрт.
- Харам къарнашдан, халал тенг ашхы.
- Хантына кёре тузу, юйюне кёре къызы.
- Хар адамгъа кеси миннген тау кибик.
- Элге къуллукъ этмеген, элге ие болмаз.
- Къарнынг бла ёч алма.
Алгъышла
|
Салам Алейкум миллетим!
келигиз бу темада ким къаллай алгъышла билеиседа, джазаикъ. Тойда бир алгъыш айт деселе, не айтыргъа билмей къалабыз... Тилегим джамагъат, флудить этмегиз. |
|
|
|
|
|
Иги тема
 Сакълайбыз алгъышланы.  |
|
|
|
|
|
АЛЛАХ саулукъ, насып берсин, ийман сыйлылыгъы сизге келсин, этген муратларыгъыз толсун, жашауугъуз къууанчлы болсун!)
|
|
|
|
|
|
... энтта бирин эсиме тюшюрдюм))) Къууанч сизден кетмесин, мудахлыкъ сизге жетмесин, сизни бетигиз нюрден толсун, хар заманда АЛЛАХ биргегизге болсун!
|
|
|
|
|
|
Жашауума сени ючюн ыразыма, къурман болсун жаным жанынга. Мадар тапсам, сен ёлмейин жашарча, дарман болуп къуюлурем къанынга... |
|
|
|
|
|
къарт къыз
Амин Аллах! |
|
|
|
|
|
Насыбдан толсун кюнлеринг,
Муслиман болсун негеринг, Джашаудан къууансын джюрегинг - Олду Аллахдан сенге тилегим!!! |
|
|
|
|
|
къарт къыз
сеникиле алгъышла тюлдюле, къаргъышладыла))) |
|
|
|
|
|
Къарачай Джаш
сыйлы бол тамада сёз бергенинге...да не айтайым...игиси болсун...кёб джашасынла...муратлары толсунла...80% бу сёзле айтыладыла))) |
|
|
|
|
|
7km
Амин, Амин айтайыкъ, Игиликле чакъырайыкъ! Аллахдн насыб тилесек, Аны табыб къуанайыкъ! |
|
|
|
|
|
|
|
|
|
|
|
Сказать один такой алгъыш и умереть. Лучше уже не скажешь!
 |
|
|
|
|
|
Кавказ
 |
|
|
|
|
|
очень хорошая, позитивная тема!!!!
|
|
|
|
|
|
Насыбдан толсун кюнлеринг,
Муслиман болсун негеринг, Джашаудан къууансын джюрегинг - Олду Аллахдан сенге тилегим!!! |
|
|
|
|
Читают тему (гостей: 1)