- Элде адам къалмаса, ит тахтагъа минер.
- Махтаннган къыз, тойда джукълар.
- Кёзюнде тереги болгъан, чёбю болгъаннга кюле эди.
- Джылар джаш, атасыны сакъалы бла ойнар.
- Тыш элде солтан болгъандан эсе, кесинги элде олтан болгъан игиди!
- Ачлыкъ отха секиртир.
- Ата Джуртуму башы болмасам да, босагъасында ташы болайым.
- Джарлыны эшигин махтагъан джабар.
- Нафысынгы айтханын этме, намысынгы айтханын эт.
- Джахил болса анасы, не билликди баласы?
- Эркишиге тары кебек танг кёрюнюр.
- Чакъырылмагъан джерге барма, чакъырылгъан джерден къалма.
- Башы джабылгъан челекге, кир тюшмез.
- Башланнган иш битер, къымылдагъан тиш тюшер.
- Ата Джуртун танымагъан, атасын да танымаз.
- Ач къарным, тынч къулагъым.
- Чабакъгъа акъыл, табагъа тюшсе келеди.
- Къонакъ аз олтурур, кёб сынар.
- Тин – байлыгъынг, терен саулугъунг.
- Ашатыргъа иш – ашхы, ишлетирге аш – ашхы.
- Кюн – узун, ёмюр – къысха.
- Келинни – келгинчи, бёркню кийгинчи кёр.
- Адебни адебсизден юрен.
- Шайтан алдады, тюзлюк къаргъады.
- Сакъалы текени да бар, мыйыгъы киштикни да бар.
- Тас болгъан бычакъны сабы – алтын.
- Билими азны – ауузунда кирит.
- Борчунг бар эсе, хурджунунга ойлаб узал.
- Кенгеш болса, уруш болмаз.
- Айтылгъан буйрукъ, сёгюлмез
- Бир абыннган – минг сюрюнюр.
- Орну джокъну – сыйы джокъ.
- Ауругъан – джашаудан умутчу.
- Ёлмесенг да, къарт дамы болмазса?
- Къар – келтирди, суу – элтди.
- Сангырау къулакъ эл бузар.
- Тюзлюк тас болмайды.
- Ана – юйню кюн джарыгъы.
- Татлы тилде – сёз ариу, чемер къолда – иш ариу.
- Ашыкъгъан cуу, тенгизге джетмез.
- Дуния малгъа сатылма, кесингден телиге къатылма.
- Къанны къан бла джуума, аманны аман бла къуума.
- Сескекли кесин билдирир.
- Аллахха ийнаннган кишини, Аллах онгдурур ишин.
- Билим ат болуб да чабар, къуш болуб да учар.
- Сабыр джетер муратха, сабырсыз къалыр уятха.
- Суу да къайтады чыкъгъан джерине.
- Хансыз джомакъ болмаз.
- Къая джолда джортма, ачыкъ сёзден къоркъма.
- Ата Джуртча джер болмаз, туугъан элча эл болмаз.
Алгъышла
|
Салам Алейкум миллетим!
келигиз бу темада ким къаллай алгъышла билеиседа, джазаикъ. Тойда бир алгъыш айт деселе, не айтыргъа билмей къалабыз... Тилегим джамагъат, флудить этмегиз. |
|
|
|
|
|
Иги тема
 Сакълайбыз алгъышланы.  |
|
|
|
|
|
АЛЛАХ саулукъ, насып берсин, ийман сыйлылыгъы сизге келсин, этген муратларыгъыз толсун, жашауугъуз къууанчлы болсун!)
|
|
|
|
|
|
... энтта бирин эсиме тюшюрдюм))) Къууанч сизден кетмесин, мудахлыкъ сизге жетмесин, сизни бетигиз нюрден толсун, хар заманда АЛЛАХ биргегизге болсун!
|
|
|
|
|
|
Жашауума сени ючюн ыразыма, къурман болсун жаным жанынга. Мадар тапсам, сен ёлмейин жашарча, дарман болуп къуюлурем къанынга... |
|
|
|
|
|
къарт къыз
Амин Аллах! |
|
|
|
|
|
Насыбдан толсун кюнлеринг,
Муслиман болсун негеринг, Джашаудан къууансын джюрегинг - Олду Аллахдан сенге тилегим!!! |
|
|
|
|
|
къарт къыз
сеникиле алгъышла тюлдюле, къаргъышладыла))) |
|
|
|
|
|
Къарачай Джаш
сыйлы бол тамада сёз бергенинге...да не айтайым...игиси болсун...кёб джашасынла...муратлары толсунла...80% бу сёзле айтыладыла))) |
|
|
|
|
|
7km
Амин, Амин айтайыкъ, Игиликле чакъырайыкъ! Аллахдн насыб тилесек, Аны табыб къуанайыкъ! |
|
|
|
|
|
|
|
|
|
|
|
Сказать один такой алгъыш и умереть. Лучше уже не скажешь!
 |
|
|
|
|
|
Кавказ
 |
|
|
|
|
|
очень хорошая, позитивная тема!!!!
|
|
|
|
|
|
Насыбдан толсун кюнлеринг,
Муслиман болсун негеринг, Джашаудан къууансын джюрегинг - Олду Аллахдан сенге тилегим!!! |
|
|
|
|
Читают тему (гостей: 1)