- Аджал соруб келмез, келсе, къайтыб кетмез.
- Бюгюн дуния кибик, тамбла ахыратды.
- Чыкълы кюнде чыкъмагъан, чыкъса къуру кирмеген.
- Ана къолу ачытмаз.
- Ёпкелегенни ашы татлы болады.
- Окъуу – билимни ачхычы, окъуу – дунияны бачхычы.
- Намыс болмагъан джерде, насыб болмаз.
- Тешик этген тынчды, аны джамагъан къыйынды.
- Арбаз сайлама да, хоншу сайла.
- Аджашханны ызындагъы кёреди, джангылгъанны джанындагъы биледи.
- Эрни эр этерик да, къара джер этерик да, тиширыуду.
- Хоншуну тауугъу къаз кёрюнюр, келини къыз кёрюнюр.
- Тынгылагъан тынгы бузар.
- Эм ашхы къайын ана мамукъ бла башынгы тешер.
- Джангыз торгъай джырламаз.
- Тас болгъан бычакъны сабы – алтын.
- Чомартха хар кюн да байрамды.
- Иги джашны ышаны – аз сёлешиб, кёб тынгылар.
- Ачылгъан эт джабылыр, кёрген кёз унутмаз.
- Кёл – къызбай, къол – батыр.
- Билмейме деген – бир сёз
- Джыгъылгъанны сырты джерден тоймаз.
- Бет бетге къараса, бет да джерге къарар.
- Эшекге миннген – биринчи айыб, андан джыгъылгъан – экинчи айыб.
- Кимни – тили, тиши онглу, кимни – къолу, иши онглу.
- Къыйынлы джети элге оноу этер.
- Адебсиз адам – джюгенсиз ат.
- Джеринден айырылгъан – джети джылар, джуртундан айырылгъан – ёлгюнчю джылар.
- Кюлме джашха – келир башха.
- Эки къатын алгъан – эки ташны ортасына башын салгъан.
- Юйюнг бла джау болгъандан эсе, элинг бла джау бол.
- Къонакъ аз олтурур, кёб сынар.
- Тилчи тилден къаныкъмаз.
- Юй ишлеген балта эшикде къалыр.
- Къолу уллу – асыу, аягъы уллу – джарсыу.
- Гугук кесини атын айтыб къычыргъанча, мен, мен деб нек тураса?
- Тилде сюек болмаса да, сюек сындырыр.
- Аманны эки битли тону болур, бирин сеннге кийдирир, бирин кеси киер.
- Аман къатын сабий табса, бий болур…
- Чакъырылмагъан къонакъ – орунсуз.
- Юре билмеген ит, къонакъ келтирир.
- Айтылгъан буйрукъ, сёгюлмез
- Ишлерге уял да, ашаргъа табма.
- Джети тилни билген джети кишиди.
- Келлик заман – къартлыкъ келтирир, кетген заман – джашлыкъ ёлтюрюр.
- Мал кёб болса, джууукъ кёб болур.
- Иги болса, тамадама – махтау, аман болса, меннге – айыб.
- Тиширыусуз юй – отсуз от джагъа.
- Адебни адебсизден юрен.
- Айырылгъанланы айю ашар, бёлюннгенлени бёрю ашар.
Алгъышла
|
Салам Алейкум миллетим!
келигиз бу темада ким къаллай алгъышла билеиседа, джазаикъ. Тойда бир алгъыш айт деселе, не айтыргъа билмей къалабыз... Тилегим джамагъат, флудить этмегиз. |
|
|
|
|
|
Иги тема
 Сакълайбыз алгъышланы.  |
|
|
|
|
|
АЛЛАХ саулукъ, насып берсин, ийман сыйлылыгъы сизге келсин, этген муратларыгъыз толсун, жашауугъуз къууанчлы болсун!)
|
|
|
|
|
|
... энтта бирин эсиме тюшюрдюм))) Къууанч сизден кетмесин, мудахлыкъ сизге жетмесин, сизни бетигиз нюрден толсун, хар заманда АЛЛАХ биргегизге болсун!
|
|
|
|
|
|
Жашауума сени ючюн ыразыма, къурман болсун жаным жанынга. Мадар тапсам, сен ёлмейин жашарча, дарман болуп къуюлурем къанынга... |
|
|
|
|
|
къарт къыз
Амин Аллах! |
|
|
|
|
|
Насыбдан толсун кюнлеринг,
Муслиман болсун негеринг, Джашаудан къууансын джюрегинг - Олду Аллахдан сенге тилегим!!! |
|
|
|
|
|
къарт къыз
сеникиле алгъышла тюлдюле, къаргъышладыла))) |
|
|
|
|
|
Къарачай Джаш
сыйлы бол тамада сёз бергенинге...да не айтайым...игиси болсун...кёб джашасынла...муратлары толсунла...80% бу сёзле айтыладыла))) |
|
|
|
|
|
7km
Амин, Амин айтайыкъ, Игиликле чакъырайыкъ! Аллахдн насыб тилесек, Аны табыб къуанайыкъ! |
|
|
|
|
|
|
|
|
|
|
|
Сказать один такой алгъыш и умереть. Лучше уже не скажешь!
 |
|
|
|
|
|
Кавказ
 |
|
|
|
|
|
очень хорошая, позитивная тема!!!!
|
|
|
|
|
|
Насыбдан толсун кюнлеринг,
Муслиман болсун негеринг, Джашаудан къууансын джюрегинг - Олду Аллахдан сенге тилегим!!! |
|
|
|
|
Читают тему (гостей: 1)