- Намысы джокъну – дуниясы джокъ.
- Акъыл къартда, джашда тюйюлдю – башдады.
- Джыланны къуйругъундан басарынг келсе, аны башы болгъанын унутма.
- Къыз келсе, джумуш эте келеди, къатын келсе, ушакъ эте келеди.
- Мени джылытмагъан кюн, меннге тиймесин!
- Ашына кёре табагъы, балына кёре къалагъы.
- Тилсиз миллет джокъ болур.
- Эркиши – от, тиширыу – суу.
- Битмегеннге сакъал – танг.
- Келлик заман – къартлыкъ келтирир, кетген заман – джашлыкъ ёлтюрюр.
- Ёлмесенг да, къарт дамы болмазса?
- Аз айтсам, кёб ангылагъыз.
- Нёгерсизни джолу узун.
- Кюл тюбюндеги от кёрюнмейди.
- Ач келгенни – тойдур, кеч келгенни – къондур.
- Баланы адам этген анады.
- Биреу къой излей, биреу той излей.
- Узун джолну барсанг, бюгюн келирсе, къысха джолну барсанг, тамбла келирсе.
- Ётюрюкню къуйругъу – бир тутум.
- Тойгъан джерден туугъан джер игиди.
- Къарт айтханны этмеген, къартаймаз.
- Aдам боллукъ, сыфатындан белгили.
- Джарлы джети элни сёзюн этер.
- Ач отунчуну ачыуу – бурнунда.
- Чоюнну башы ачыкъ болса, итге уят керекди.
- Джырчы ёлсе, джыры къалыр.
- Ана къолу ачытмаз.
- Халкъны джырын джырласанг, халкъ санга эжиу этер.
- Баш болса, бёрк табылыр.
- Эл тойса, тоймагъан, эл къойса, къоймагъан.
- Кёзюнде тереги болгъан, чёбю болгъаннга кюле эди.
- Къууут – джелге, берне – бошха.
- Чёбню кёлтюрсенг, тюбюнден сёз чыгъар.
- Ёлген эшек бёрюден къоркъмайды.
- Сабийликде юретмесенг, уллу болса – тюзелмез.
- Садакъачыны джаны – къапчыгъында.
- Къалгъан ишге къар джауар.
- Ариу джол аджал келтирмез.
- Акъылсызны джууукъгъа алма, акъыллыны кенгнге салма.
- Билим – акъылны чырагъы.
- Джаханимни кёрмей, джандетге кёл салмазса.
- Чомарт джарлы болмаз.
- Сакъалы текени да бар, мыйыгъы киштикни да бар.
- Билген билмегенни юретген адетди.
- Ашлыкъны арба юйге келтирир, чана базаргъа элтир.
- Чабакъсыз кёлге къармакъ салгъанлыкъгъа, чабакъ тутмазса.
- Аллахдан тилесенг, кёб тиле.
- Арыгъан къош чамчы болур.
- Борчунг бар эсе, хурджунунга ойлаб узал.
- Аш иеси бла татлыды.
Алгъышла
|
Салам Алейкум миллетим!
келигиз бу темада ким къаллай алгъышла билеиседа, джазаикъ. Тойда бир алгъыш айт деселе, не айтыргъа билмей къалабыз... Тилегим джамагъат, флудить этмегиз. |
|
|
|
|
|
Иги тема
 Сакълайбыз алгъышланы.  |
|
|
|
|
|
АЛЛАХ саулукъ, насып берсин, ийман сыйлылыгъы сизге келсин, этген муратларыгъыз толсун, жашауугъуз къууанчлы болсун!)
|
|
|
|
|
|
... энтта бирин эсиме тюшюрдюм))) Къууанч сизден кетмесин, мудахлыкъ сизге жетмесин, сизни бетигиз нюрден толсун, хар заманда АЛЛАХ биргегизге болсун!
|
|
|
|
|
|
Жашауума сени ючюн ыразыма, къурман болсун жаным жанынга. Мадар тапсам, сен ёлмейин жашарча, дарман болуп къуюлурем къанынга... |
|
|
|
|
|
къарт къыз
Амин Аллах! |
|
|
|
|
|
Насыбдан толсун кюнлеринг,
Муслиман болсун негеринг, Джашаудан къууансын джюрегинг - Олду Аллахдан сенге тилегим!!! |
|
|
|
|
|
къарт къыз
сеникиле алгъышла тюлдюле, къаргъышладыла))) |
|
|
|
|
|
Къарачай Джаш
сыйлы бол тамада сёз бергенинге...да не айтайым...игиси болсун...кёб джашасынла...муратлары толсунла...80% бу сёзле айтыладыла))) |
|
|
|
|
|
7km
Амин, Амин айтайыкъ, Игиликле чакъырайыкъ! Аллахдн насыб тилесек, Аны табыб къуанайыкъ! |
|
|
|
|
|
|
|
|
|
|
|
Сказать один такой алгъыш и умереть. Лучше уже не скажешь!
 |
|
|
|
|
|
Кавказ
 |
|
|
|
|
|
очень хорошая, позитивная тема!!!!
|
|
|
|
|
|
Насыбдан толсун кюнлеринг,
Муслиман болсун негеринг, Джашаудан къууансын джюрегинг - Олду Аллахдан сенге тилегим!!! |
|
|
|
|
Читают тему (гостей: 1)