- Окъуусуз билим – джокъ, билимсиз кюнюнг – джокъ.
- Алтыннга тот къонмаз.
- Ёлген аслан – сау чычхан.
- Тилчиден кери бол.
- Кёпюр салгъан кеси ётер, уру къазгъан кеси кетер.
- Ана – юйню кюн джарыгъы.
- Аджал соруб келмез, келсе, къайтыб кетмез.
- Ач къарынны, токъ билмез
- Ётюрюкню къуйругъу – бир тутум.
- Термилгенинги табмазса, кюлгенинге тюберсе.
- Къууут – джелге, берне – бошха.
- Кёлю джокъну – джолу джокъ.
- Эл тойса, тоймагъан, эл къойса, къоймагъан.
- Джюрек кёзден алгъа кёрюр.
- Адамны артындан къара сабан сюрме.
- Ойнай-ойнай кёз чыгъар.
- Чомарт къонакъ юй иесин сыйлар.
- Къайтырыкъ эшигинги, къаты уруб чыкъма.
- Ашыкъгъанны этеги бутуна чырмалыр.
- Аманнга алтын чыдамаз.
- Къыз чыгъаргъан – къызыл къымжа.
- Байма, деб да, къууанма, джарлыма, деб да, джылама.
- Чомартны къолун джокълукъ байлар.
- Эркишиге тары кебек танг кёрюнюр.
- Къарнынг бла ёч алма.
- Билмегенинги, билгеннге сор.
- Сакъ юйюне сау барыр.
- Таукел къуру къалмаз.
- Огъурлуну сёзю – суу, огъурсузну сёзю – уу.
- Джан саулукъ бермей, сан саулукъ бермезсе.
- Адам сёзюнден белгили.
- Уллу сёзде уят джокъ.
- Адамны адамлыгъы къыйынлыкъда айгъакъланады.
- Айраннга суу къош, телиге джол бош.
- Тойгъандан сора, ашны сёкме.
- Ариу джол аджал келтирмез.
- Биреуге аманлыкъ этиб, кесинге игилик табмазса.
- Ишлемеген – тишлемез.
- Ашатыргъа иш – ашхы, ишлетирге аш – ашхы.
- Азыгъы аз, алгъа къабар, аты аман, алгъа чабар.
- Айранын берсенг, челегин да къызгъанма.
- Байлыкъ адамны сокъур этер.
- Къарын къуру болса, джюрек уру болур.
- Джогъун бар этген, барын бал этген.
- Этим кетсе да, сюегим къалыр.
- Кёбге таш атма.
- Дуния малгъа сатылма, кесингден телиге къатылма.
- Хазыр ашха – терен къашыкъ.
- Ханы къызы буюгъа-буюгъа киштик болду.
- Аман киши кеси юйюнде – къонакъ.
Алгъышла
|
Салам Алейкум миллетим!
келигиз бу темада ким къаллай алгъышла билеиседа, джазаикъ. Тойда бир алгъыш айт деселе, не айтыргъа билмей къалабыз... Тилегим джамагъат, флудить этмегиз. |
|
|
|
|
|
Иги тема
 Сакълайбыз алгъышланы.  |
|
|
|
|
|
АЛЛАХ саулукъ, насып берсин, ийман сыйлылыгъы сизге келсин, этген муратларыгъыз толсун, жашауугъуз къууанчлы болсун!)
|
|
|
|
|
|
... энтта бирин эсиме тюшюрдюм))) Къууанч сизден кетмесин, мудахлыкъ сизге жетмесин, сизни бетигиз нюрден толсун, хар заманда АЛЛАХ биргегизге болсун!
|
|
|
|
|
|
Жашауума сени ючюн ыразыма, къурман болсун жаным жанынга. Мадар тапсам, сен ёлмейин жашарча, дарман болуп къуюлурем къанынга... |
|
|
|
|
|
къарт къыз
Амин Аллах! |
|
|
|
|
|
Насыбдан толсун кюнлеринг,
Муслиман болсун негеринг, Джашаудан къууансын джюрегинг - Олду Аллахдан сенге тилегим!!! |
|
|
|
|
|
къарт къыз
сеникиле алгъышла тюлдюле, къаргъышладыла))) |
|
|
|
|
|
Къарачай Джаш
сыйлы бол тамада сёз бергенинге...да не айтайым...игиси болсун...кёб джашасынла...муратлары толсунла...80% бу сёзле айтыладыла))) |
|
|
|
|
|
7km
Амин, Амин айтайыкъ, Игиликле чакъырайыкъ! Аллахдн насыб тилесек, Аны табыб къуанайыкъ! |
|
|
|
|
|
|
|
|
|
|
|
Сказать один такой алгъыш и умереть. Лучше уже не скажешь!
 |
|
|
|
|
|
Кавказ
 |
|
|
|
|
|
очень хорошая, позитивная тема!!!!
|
|
|
|
|
|
Насыбдан толсун кюнлеринг,
Муслиман болсун негеринг, Джашаудан къууансын джюрегинг - Олду Аллахдан сенге тилегим!!! |
|
|
|
|
Читают тему (гостей: 1)