- Хатерли къул болур.
- Байлыкъ келсе, акъыл кетер.
- Окъдан джара эртде-кеч болса да бителир, сёз джара, ёмюрге къалыр.
- Чакъырылмагъан джерге барма, чакъырылгъан джерден къалма.
- Джарашыу сюйген – джалынчакъ.
- Джарлыны тону джаз битер.
- Сабий кёргенин унутмаз.
- Байма, деб да, къууанма, джарлыма, деб да, джылама.
- Ата Джуртуму башы болмасам да, босагъасында ташы болайым.
- Ана къойну – балагъа джандет.
- Чакъырылмагъан къонакъ – орунсуз.
- Урунуу – насыбны анасы.
- Къулакъдан эсе, кёзге ышан.
- Тойгъан антын унутур.
- Айыбны суу бла джууалмазса.
- Къан бла кирген, джан бла чыгъар.
- Танг атмайма десе да, кюн къоярыкъ тюйюлдю.
- Чакъырылмай келген къонакъ сыйланмай кетер.
- Джарлы джети элни сёзюн этер.
- Аурууну келиую тынч, кетиую – къыйын.
- Эринчекни аурууу – кёб.
- Тенгинг джокъ эсе – изле, бар эсе – сакъла!
- Ушамагъан – джукъмаз.
- Насыблы элин сюер, насыбсыз кесин сюер.
- Махтаннган къыз, тойда джукълар.
- Джырчы джырчыгъа – къарнаш.
- Таукелге нюр джауар.
- Ач къарным, тынч къулагъым.
- Юй ишлеген балта эшикде къалыр.
- Джангызны оту джарыкъ джанмаз!
- Ётген ёмюр – акъгъан суу.
- Чабакъсыз кёлге къармакъ салгъанлыкъгъа, чабакъ тутмазса.
- Ашыкъгъан cуу, тенгизге джетмез.
- Сёз – кюмюш, джыр – алтын.
- Джашлыкъ этмеген, башлыкъ этмез.
- Аджалсыз ёлюм болмаз.
- Аман къатын сабий табса, бий болур…
- Къозулугъунда тоймагъан, къойлугъунда тоймаз.
- Чакъырылмагъан къонакъ къачан кетерин сормаз.
- Мадар болса, къадар болур.
- Халкъгъа джарагъан, джарлы къалмаз.
- Асхат ашлыкъ сата, юйдегиси ачдан къата.
- Тойгъандан сора, ашны сёкме.
- Аджаллыгъа окъсуз шкок атылыр.
- Къыйынлы джети элни къайгъысын этер.
- Гугук кесини атын айтыб къычыргъанча, мен, мен деб нек тураса?
- Джюрек кёзден алгъа кёрюр.
- Сибиртки да сыйлы болду, кюрек да кюнлю болду.
- Халкъны юйю – туугъан джери.
- Элиб деген, элге болушур.
Алгъышла
31.12.2009 20:10:39
Салам Алейкум миллетим!
келигиз бу темада ким къаллай алгъышла билеиседа, джазаикъ. Тойда бир алгъыш айт деселе, не айтыргъа билмей къалабыз... Тилегим джамагъат, флудить этмегиз. |
|
|
|
31.12.2009 21:07:05
Иги тема
Сакълайбыз алгъышланы. |
|
|
|
31.12.2009 21:26:36
АЛЛАХ саулукъ, насып берсин, ийман сыйлылыгъы сизге келсин, этген муратларыгъыз толсун, жашауугъуз къууанчлы болсун!)
|
|
|
|
31.12.2009 21:36:24
... энтта бирин эсиме тюшюрдюм))) Къууанч сизден кетмесин, мудахлыкъ сизге жетмесин, сизни бетигиз нюрден толсун, хар заманда АЛЛАХ биргегизге болсун!
|
|
|
|
31.12.2009 21:46:11
Жашауума сени ючюн ыразыма, къурман болсун жаным жанынга. Мадар тапсам, сен ёлмейин жашарча, дарман болуп къуюлурем къанынга... |
|
|
|
31.01.2010 13:50:35
къарт къыз
Амин Аллах! |
|
|
|
07.04.2010 17:35:20
Насыбдан толсун кюнлеринг,
Муслиман болсун негеринг, Джашаудан къууансын джюрегинг - Олду Аллахдан сенге тилегим!!! |
|
|
|
07.04.2010 17:42:33
къарт къыз
сеникиле алгъышла тюлдюле, къаргъышладыла))) |
|
|
|
07.04.2010 17:50:11
Къарачай Джаш
сыйлы бол тамада сёз бергенинге...да не айтайым...игиси болсун...кёб джашасынла...муратлары толсунла...80% бу сёзле айтыладыла))) |
|
|
|
07.04.2010 17:54:43
7km
Амин, Амин айтайыкъ, Игиликле чакъырайыкъ! Аллахдн насыб тилесек, Аны табыб къуанайыкъ! |
|
|
|
07.04.2010 18:04:39
|
|
|
|
07.04.2010 20:51:07
Сказать один такой алгъыш и умереть. Лучше уже не скажешь!
|
|
|
|
07.07.2010 21:25:50
Кавказ
|
|
|
|
13.07.2010 15:14:17
очень хорошая, позитивная тема!!!!
|
|
|
|
21.01.2011 19:17:47
Насыбдан толсун кюнлеринг,
Муслиман болсун негеринг, Джашаудан къууансын джюрегинг - Олду Аллахдан сенге тилегим!!! |
|
|
|
Читают тему (гостей: 1)