- Къартны сыйын кёрмеген, къартлыгъында сыйлы болмаз.
- Эрине къаргъыш этген къатын, эрнин къабар.
- Термилгенинги табмазса, кюлгенинге тюберсе.
- Бетинги сатма, малынгы сат.
- Ач – эснер, ат – кишнер.
- Къозулугъунда тоймагъан, къойлугъунда тоймаз.
- Рысхысына кёре, джаш ёсер, къышлыгъына кёре, мал ёсер.
- Къартха ушагъан джаш – акъыллы, джашха ушагъан къарт – тели.
- Аууздан келген, къолдан келсе, ким да патчах болур эди.
- Джетген къыз джерли эшекни танымаз.
- Джерни букъусу кёкге къонмаз.
- Эллинг бла джау болсанг да, юйюнг бла джау болма.
- Окъумагъан сокъурду, сокъур ташха абыныр!
- Адамгъа аман кюн соруб келмейди.
- Кёзню ачылгъаны – иги, ауузну джабылгъаны – иги.
- Джырчы ёлсе, джыры къалыр.
- Джангызны оту джарыкъ джанмаз!
- Адамны бетине къарама, адетине къара.
- Айраннга суу къош, телиге джол бош.
- Джети тилни билген джети кишиди.
- Къатыны харакетли болса, эри къымсыз болур.
- Тилчи бир сагъатха айлыкъ хата этер.
- Джаш къарыу бла кючлю, къарт акъыл бла кючлю.
- Кечеси – аяз, кюню – къыш, джарлы къаргъагъа бир аш тюш!
- Мухарны эси – ашарыкъда.
- Нарт сёз къарт болмаз.
- Чакъырылмагъан джерге барма, чакъырылгъан джерден къалма.
- Уллу сёзде уят джокъ.
- Атлыны кёрсе, джаяуну буту талыр.
- Иги адамны бир сёзю эки болмаз.
- Къарын къуру болса, джюрек уру болур.
- Берекет берсин деген джерде, берекет болур.
- Джан саулукъ бермей, сан саулукъ бермезсе.
- Ёлмесенг да, къарт дамы болмазса?
- Ауругъаннга – кийик саулукъ, джетген къызгъа – чилле джаулукъ.
- Тас болгъан бычакъны сабы – алтын.
- Иги сеники эсе да, сюйген кесимикин этеме.
- Сибиртки да сыйлы болду, кюрек да кюнлю болду.
- Бек анасы джыламаз.
- Дуния аламаты сен эсенг да, игиме деб айтма.
- Ана кёлю – балада, бала кёлю – талада.
- Алтыда кюлмеген, алтмышда кюлмез.
- Аман адам этегингден тутса, кес да къач.
- Иги болса, тамадама – махтау, аман болса, меннге – айыб.
- Арпа, будай – ащды, алтын, кюмюш а – ташды.
- Билеги кючлю, бирни джыгъар, билими кючлю, мингни джыгъар.
- Мени джылытмагъан кюн, меннге тиймесин!
- Окъугъан – асыу, окъумагъан – джарсыу.
- Ачлыкъда тары гырджын халыуадан татлы.
- Ёлген ийнек сютлю болур.
Алгъышла
31.12.2009 20:10:39
Салам Алейкум миллетим!
келигиз бу темада ким къаллай алгъышла билеиседа, джазаикъ. Тойда бир алгъыш айт деселе, не айтыргъа билмей къалабыз... Тилегим джамагъат, флудить этмегиз. |
|
|
|
31.12.2009 21:07:05
Иги тема
Сакълайбыз алгъышланы. |
|
|
|
31.12.2009 21:26:36
АЛЛАХ саулукъ, насып берсин, ийман сыйлылыгъы сизге келсин, этген муратларыгъыз толсун, жашауугъуз къууанчлы болсун!)
|
|
|
|
31.12.2009 21:36:24
... энтта бирин эсиме тюшюрдюм))) Къууанч сизден кетмесин, мудахлыкъ сизге жетмесин, сизни бетигиз нюрден толсун, хар заманда АЛЛАХ биргегизге болсун!
|
|
|
|
31.12.2009 21:46:11
Жашауума сени ючюн ыразыма, къурман болсун жаным жанынга. Мадар тапсам, сен ёлмейин жашарча, дарман болуп къуюлурем къанынга... |
|
|
|
31.01.2010 13:50:35
къарт къыз
Амин Аллах! |
|
|
|
07.04.2010 17:35:20
Насыбдан толсун кюнлеринг,
Муслиман болсун негеринг, Джашаудан къууансын джюрегинг - Олду Аллахдан сенге тилегим!!! |
|
|
|
07.04.2010 17:42:33
къарт къыз
сеникиле алгъышла тюлдюле, къаргъышладыла))) |
|
|
|
07.04.2010 17:50:11
Къарачай Джаш
сыйлы бол тамада сёз бергенинге...да не айтайым...игиси болсун...кёб джашасынла...муратлары толсунла...80% бу сёзле айтыладыла))) |
|
|
|
07.04.2010 17:54:43
7km
Амин, Амин айтайыкъ, Игиликле чакъырайыкъ! Аллахдн насыб тилесек, Аны табыб къуанайыкъ! |
|
|
|
07.04.2010 18:04:39
|
|
|
|
07.04.2010 20:51:07
Сказать один такой алгъыш и умереть. Лучше уже не скажешь!
|
|
|
|
07.07.2010 21:25:50
Кавказ
|
|
|
|
13.07.2010 15:14:17
очень хорошая, позитивная тема!!!!
|
|
|
|
21.01.2011 19:17:47
Насыбдан толсун кюнлеринг,
Муслиман болсун негеринг, Джашаудан къууансын джюрегинг - Олду Аллахдан сенге тилегим!!! |
|
|
|
Читают тему (гостей: 1)