- Элни кючю – эмеген.
- Байлыкъ тауусулур, билим тауусулмаз.
- Эки ойлашыб, бир сёлешген.
- Адам боллукъ, атламындан белгили болур.
- Биреуге аманлыкъны тилеме да, кесинге ашхылыкъны тиле.
- Экиндини кеч къылсанг, чабыб джетер ашхам.
- Эртде тургъан бла эртде юйленнген сокъуранмаз.
- Зарда марда джокъ.
- Ёгюзню мюйюзюнден тутадыла, адамны сёзюнден тутадыла.
- Джарлы эскисин джамаса, къууаныр.
- Мал ёлсе, сюек къалыр, адам ёлсе, иши къалыр.
- Кюн – узун, ёмюр – къысха.
- Билмегенинги, билгеннге сор.
- Термилгенинги табмазса, кюлгенинге тюберсе.
- Тойчу джашха къарама, къойчу джашха къара.
- Джаралыны джастыгъында сау ёлюр.
- Аман эсирсе, юйюн ояр.
- Тин – байлыгъынг, терен саулугъунг.
- Билеги кючлю, бирни джыгъар, билими кючлю, мингни джыгъар.
- Суугъа – чабакъ, къаягъа – ыргъакъ.
- Сакъалы текени да бар, мыйыгъы киштикни да бар.
- Акъыл неден да кючлюдю.
- Ишлегенде эринме, ишде чолакъ кёрюнме.
- Ишни ахырын ойламай, аллын башлама.
- Эшекни не къадар тюйсенг да, ат болмаз.
- Биреуге кёлтюрген таягъынг, кесинги башынга урур.
- Сёз сёзню айтдырыр.
- Ач, тоймам, дейди, тойгъан, ач болмам, дейди.
- Таш ата билмеген, башына урур.
- Урама да – ёледи, сатама да – келеди.
- Ашхы болсанг, атынг чыгъар, аман болсанг, джанынг чыгъар.
- Джашны джигитлиги сорулур, къызны джигерлиги сорулур.
- Ауузу аманнга «иги», деме.
- Джети тилни билген джети кишиди.
- Кёб къычыргъандан – къоркъма, тынч олтургъандан – къоркъ.
- Къартха ушагъан джаш – акъыллы, джашха ушагъан къарт – тели.
- Ата Джуртуму башы болмасам да, босагъасында ташы болайым.
- Башланнган иш битер, къымылдагъан тиш тюшер.
- Ашхы сёз таш тешер.
- Джюрекден джюрекге джол барды.
- Суу да къайтады чыкъгъан джерине.
- Джюрек кёзден алгъа кёрюр.
- Эки итни арасына сюек атма, эки адамны арасында сёз чыгъарма.
- Айыбны суу бла джууалмазса.
- Тюзлюк тас болмайды.
- Адамны джюреги нени кёрюрге сюйсе, кёзю да аны кёрюрге ёч болады.
- Ашхы атаны – джашы ашхы, ашхы ананы – къызы ашхы.
- Башда акъыл болмаса, эки аякъгъа кюч джетер.
- Нафысынгы айтханын этме, намысынгы айтханын эт.
- Ач къалгъандан, кеч къалгъан къолай.
Алгъышла
31.12.2009 20:10:39
Салам Алейкум миллетим!
келигиз бу темада ким къаллай алгъышла билеиседа, джазаикъ. Тойда бир алгъыш айт деселе, не айтыргъа билмей къалабыз... Тилегим джамагъат, флудить этмегиз. |
|
|
|
31.12.2009 21:07:05
Иги тема
Сакълайбыз алгъышланы. |
|
|
|
31.12.2009 21:26:36
АЛЛАХ саулукъ, насып берсин, ийман сыйлылыгъы сизге келсин, этген муратларыгъыз толсун, жашауугъуз къууанчлы болсун!)
|
|
|
|
31.12.2009 21:36:24
... энтта бирин эсиме тюшюрдюм))) Къууанч сизден кетмесин, мудахлыкъ сизге жетмесин, сизни бетигиз нюрден толсун, хар заманда АЛЛАХ биргегизге болсун!
|
|
|
|
31.12.2009 21:46:11
Жашауума сени ючюн ыразыма, къурман болсун жаным жанынга. Мадар тапсам, сен ёлмейин жашарча, дарман болуп къуюлурем къанынга... |
|
|
|
31.01.2010 13:50:35
къарт къыз
Амин Аллах! |
|
|
|
07.04.2010 17:35:20
Насыбдан толсун кюнлеринг,
Муслиман болсун негеринг, Джашаудан къууансын джюрегинг - Олду Аллахдан сенге тилегим!!! |
|
|
|
07.04.2010 17:42:33
къарт къыз
сеникиле алгъышла тюлдюле, къаргъышладыла))) |
|
|
|
07.04.2010 17:50:11
Къарачай Джаш
сыйлы бол тамада сёз бергенинге...да не айтайым...игиси болсун...кёб джашасынла...муратлары толсунла...80% бу сёзле айтыладыла))) |
|
|
|
07.04.2010 17:54:43
7km
Амин, Амин айтайыкъ, Игиликле чакъырайыкъ! Аллахдн насыб тилесек, Аны табыб къуанайыкъ! |
|
|
|
07.04.2010 18:04:39
|
|
|
|
07.04.2010 20:51:07
Сказать один такой алгъыш и умереть. Лучше уже не скажешь!
|
|
|
|
07.07.2010 21:25:50
Кавказ
|
|
|
|
13.07.2010 15:14:17
очень хорошая, позитивная тема!!!!
|
|
|
|
21.01.2011 19:17:47
Насыбдан толсун кюнлеринг,
Муслиман болсун негеринг, Джашаудан къууансын джюрегинг - Олду Аллахдан сенге тилегим!!! |
|
|
|
Читают тему (гостей: 1)