Адебни адебсизден юрен.
Намысы джокъну – дуниясы джокъ.
Аман киши кеси юйюнде – къонакъ.
Биреу къой излей, биреу той излей.
Ётюрюкню къуйругъу – бир тутум.
Аманны къуугъан, аманлыкъ табар.
Акъыл сабырлыкъ берир.
Халкъгъа джарагъан, джарлы къалмаз.
Джарлы эскисин джамаса, къууаныр.
Тилчиден кери бол.
Намысы болмагъанны, сыйы болмаз.
Эркишини аманы тиширыуну джылатыр.
«Ма», - дегенни билмесенг, «бер», - дегенни билмезсе.
Илму – джашауну джолу.
Башсыз урчукъ тюзюне айланмаз.
Керти сёзге тёре джокъ.
Юй ишлеген балта эшикде къалыр.
Къонакъны къачан кетерин сорма, къачан келлигин сор.
Ышармагъан – кюлмез, кюлмеген – къууанчны билмез.
Эл элде бирер малынг болгъандан эсе, бирер тенгинг болсун.
Сууда джау джокъ, кёб сёзде магъана джокъ.
Хунаны тюбюн къазсанг, юсюнге ауар.
Ойнаб айтсанг да, эслеб айт.
Бозанг болмагъан джерге, къалагъынгы сукъма.
Борчунг бар эсе, хурджунунга ойлаб узал.
Джахил болса анасы, не билликди баласы?
Къарт бла баш аша, джаш бла аякъ аша.
Алтыда кюлмеген, алтмышда кюлмез.
Тил бла келеди джыр да.
Эшекни не къадар тюйсенг да, ат болмаз.
Кёлю джокъну – джолу джокъ.
Къонагъы джокъну – шоху джокъ.
Къарнынг бла ёч алма.
Ауурну тюбю бла, дженгилни башы бла джюрюген.
Байлыкъдан саулукъ ашхыды.
Гугук кесини атын айтыб къычыргъанча, мен, мен деб нек тураса?
Джашны джигитлиги сорулур, къызны джигерлиги сорулур.
Адамны бетине къарама, адетине къара.
Кюл тюбюндеги от кёрюнмейди.
Танг атмайма десе да, кюн къоярыкъ тюйюлдю.
Кёзю сокъурдан – къоркъма, кёлю сокъурдан – къоркъ.
Тойгъанлыкъ къойгъа джарашады.
Эки къатын алгъанны къулагъы тынгнгаймаз.
Ат да турмайды бир териде.
Келинни – келгинчи, бёркню кийгинчи кёр.
Кёзню ачылгъаны – иги, ауузну джабылгъаны – иги.
Огъурлуну сёзю – суу, огъурсузну сёзю – уу.
Къызны минг тилер, бир алыр.
Эм уллу байлыкъ – джан саулукъ.
Кийиминг бла танылма, адамлыкъ бла таныл.
