Киштикге къанат битсе, чыпчыкъ къалмаз эди.
Ашда – бёрю, ишде – ёлю.
Эринчекни эр алмаз, эр алса да, кёл салмаз, кёл салса да, кёб бармаз!
Тау башында, тау болмаз, джангыз терек, бау болмаз.
Къарт болгъан джерде, берекет болур, сабий болгъан джерде, оюн болур.
Гугурук къычырмаса да, тангны атары къалмаз.
Акъылсызны джууукъгъа алма, акъыллыны кенгнге салма.
Къарнынг ауруса, ауузунгу тый
Таякъ этден ётер, тил сюекден ётер.
Аш хазыр болса, иш харам болур.
Малны кют, джерни тюрт.
Эртде тургъан бла эртде юйленнген сокъуранмаз.
Ишни ахырын ойламай, аллын башлама.
Къонакъ кёб келюучю юйню, къазаны отдан тюшмез.
Бал чибинни ургъаны – ачы, балы – татлы.
Эркишиге тары кебек танг кёрюнюр.
Элде адам къалмаса, ит тахтагъа минер.
Тели турса – той бузар.
Кюн кёрмеген, кюн кёрсе, кюндюз чыракъ джандырыр.
Хатерли къул болур.
Аз айтсам, кёб ангылагъыз.
Тойгъа барсанг, тоюб бар, эски тонунгу къоюб бар.
Олтуруб кёрюнмей эди да, ёрге туруб кёрюне эди.
Чомартха Тейри да борчлуду.
Ётюрюк хапар аякъ тюбю бла джюрюйдю.
Къарт бла баш аша, джаш бла аякъ аша.
Халкъны джырын джырласанг, халкъ санга эжиу этер.
Ашарыкъда сайлагъаннга – чий гырджын.
Эки итни арасына сюек атма, эки адамны арасында сёз чыгъарма.
Кёзюнде тереги болгъан, чёбю болгъаннга кюле эди.
Окъуу – билимни ачхычы, окъуу – дунияны бачхычы.
Аман киши кеси юйюнде – къонакъ.
Сютню башын джалагъан къутулур, тюбюн ичген тутулур.
Биреуню тёрюнден, кесинги эшик артынг игиди.
Булут кёкге джарашыу, уят бетге джарашыу.
Бир абыннган – минг сюрюнюр.
Билим – акъылны чырагъы.
Ауругъаннга – кийик саулукъ, джетген къызгъа – чилле джаулукъ.
Къыз чыгъаргъан – къызыл къымжа.
Къарт айтханны этмеген, къартаймаз.
Юйюнгден чыкъдынг – кюнюнгден чыкъдынг.
Адам сёзюнден белгили.
Чакъырылмагъан джерге барма, чакъырылгъан джерден къалма.
Чоюнну башы ачыкъ болса, итге уят керекди.
Игилик игилик бла сингдирилиучю затды.
Адамны аманы адамны бети бла ойнар.
Ёмюрлюк шохлукъну джел элтмез.
Аман къатын алгъан, арыр, иги къатын алгъан джарыр.
Сабыр джетер муратха, сабырсыз къалыр уятха.
Джашда акъыл джокъ, къартда къарыу джокъ.
