Юреннген ауруу къалмаз.
От кюйдюрген, сау болса да, тот кюйдюрген, сау болмаз.
«Ёгюз, джаргъа джууукъ барма, меннге джюк боллукъса», - дегенди эшек.
Суугъа – таянма, джаугъа – ийнанма.
Ариу сёзде ауруу джокъ.
Биреуге аманлыкъ этиб, кесинге игилик табмазса.
Билим насыб берир, билим джолну керир.
Тюзню ётмеги тюзде къалса да, тас болмаз.
Сагъышы джокъ – джукъучу, акъылы джокъ – къаугъачы.
Арыгъан къош чамчы болур.
Телиге акъыл салгъандан эсе, ёлгеннге джан салырса.
Атадан ёксюз – бир ёксюз, анадан ёксюз – эки ёксюз.
Аш кетер да бет къалыр.
Ач – эснер, ат – кишнер.
Акъдан къара болмаз.
Ауругъанны сау билмез, ач къарынны токъ билмез.
Аш хазыр болса, иш харам болур.
Акъыллы – эл иеси, тели – эл баласы.
Къонакъны къачан кетерин сорма, къачан келлигин сор.
Ойнай билмеген, уруб къачар.
Тиширыусуз юй – отсуз от джагъа.
Ачны эсинде – аш.
Мураты болгъанны джюрек тебюую башхады.
Сагъыш – къартлыкъгъа сюйюмчю.
Эл элде бирер малынг болгъандан эсе, бирер тенгинг болсун.
Тил джюрекге джол ишлейди.
Биреуню эскиси биреуге джангы болмайды.
Бастасын ашагъан, хантусун да ичер.
Игини сыйлагъан адетди.
Къонакъ хазыр болгъанлыкъгъа, къонакъбай хазыр тюлдю.
Къартны сыйын кёрмеген, къартлыгъында сыйлы болмаз.
Кимни – тили, тиши онглу, кимни – къолу, иши онглу.
Адеби болмагъан къыз – тузсуз хант.
Дуния аламаты сен эсенг да, игиме деб айтма.
Ашарыкъда сайлагъаннга – чий гырджын.
Тилчи бир сагъатха айлыкъ хата этер.
Зар адамны насыбы болмаз.
Сютню башын джалагъан къутулур, тюбюн ичген тутулур.
Ханнга да келеди хариблик.
Кёб къычыргъандан – къоркъма, тынч олтургъандан – къоркъ.
Абынмазлыкъ аякъ джокъ, джангылмазлыкъ джаякъ джокъ.
Эркишини аманы тиширыуну джылатыр.
Башы ишлегенни, ауузу да ишлер.
Босагъагъа джууукъ орун болса, ашыгъыб тёрге озма.
Кёз – сюйген джерде, къол – ауругъан джерде.
Иги джашны ышаны – аз сёлешиб, кёб тынгылар.
Айыбны суу бла джууалмазса.
Этек чакъмакълары баш джаргъан, сёлешген сёзлери таш джаргъан.
Агъач халкъгъа алтынды, иссиликге салкъынды.
Адамны бетине къарама, адетине къара.
