Сабийни джумушха джибер да, ызындан бар.
Аз айтсам, кёб ангылагъыз.
Сыфатында болмагъаны, суратында болмаз.
Юйюнгден чыкъдынг – кюнюнгден чыкъдынг.
Юреннген ауруу къалмаз.
Ашхы тенг джолгъа салыр, аман тенг джолдан тайдырыр.
Бек анасы джыламаз.
Ауругъаннга – кийик саулукъ, джетген къызгъа – чилле джаулукъ.
Ач, тоймам, дейди, тойгъан, ач болмам, дейди.
Уллу сёлешме да, уллу къаб.
Сабыр джетер муратха, сабырсыз къалыр уятха.
Арыгъан къош чамчы болур.
Термилгенинги табмазса, кюлгенинге тюберсе.
Адам къаллай бир ишленмесе, аллай бир кесин уллу кёреди.
Тюзлюк шохлукъну бегитир.
Джюрек кёзден алгъа кёрюр.
Аман адам этегингден тутса, кес да къач.
Чомартны къолун джокълукъ байлар.
Урама да – ёледи, сатама да – келеди.
Айран ичген – къутулду, джугъусун джалагъан – тутулду.
Къралынгы – душмандан, башынгы от бла суудан сакъла.
Ана къолу ачытмаз.
Джашда акъыл джокъ, къартда къарыу джокъ.
Къарыусузгъа кюлме, онгсузгъа тийме.
Суу да къайтады чыкъгъан джерине.
Ёксюзню къалачы уллу кёрюнюр.
Чакъырылмай келген къонакъ сыйланмай кетер.
Баргъанынга кёре болур келгенинг.
Джылыгъа джылан илешир.
Тиширыусуз юй – отсуз от джагъа.
Ата – баланы уясы.
Башда акъыл болмаса, эки аякъгъа кюч джетер.
Рысхы – сют юсюнде кёмюк кибикди.
Аш иеси бла татлыды.
Сагъыш – къартлыкъгъа сюйюмчю.
Чомарт къонакъ юй иесин сыйлар.
Ата – билек, ана – джюрек!
Татлы сёз – балдан татлы.
Джыланны къуйругъундан басарынг келсе, аны башы болгъанын унутма.
Билим ат болуб да чабар, къуш болуб да учар.
Азыкълы ат арымаз, къатыны аман джарымаз.
Джахил болса анасы, не билликди баласы?
Эм ашхы къайын ана мамукъ бла башынгы тешер.
Рысхысына кёре, джаш ёсер, къышлыгъына кёре, мал ёсер.
Биреу къой излей, биреу той излей.
Ёзденликни кёбю ётюрюк.
Окъугъанны бети джарыкъ.
Къонагъы джокъну – шоху джокъ.
Ишин билген, аны сыйын чыгъарады.
Борчунг бар эсе, хурджунунга ойлаб узал.
