Тыш элде солтан болгъандан эсе, кесинги элде олтан болгъан игиди!
Ач уят къоймаз.
Бал – татлы, балдан да бала – татлы.
Таугъа чыгъаллыкъ эсенг, тюзде къалма.
Оюмсуз атлагъан, аджалсыз ёлюр.
Къошда джокъгъа – юлюш джокъ.
Гугурук къычырмаса да, тангны атары къалмаз.
Ётюрюкчюню шагъаты – къатында.
Байлыкъ тауусулур, билим тауусулмаз.
Айырылгъанланы айю ашар, бёлюннгенлени бёрю ашар.
Ауругъанны сау билмез, ач къарынны токъ билмез.
Къанны къан бла джуума, аманны аман бла къуума.
Таула не мийик болсала да, аууш табылыр.
Тас болгъан бычакъны сабы – алтын.
Этим кетсе да, сюегим къалыр.
Бал чибинни ургъаны – ачы, балы – татлы.
Къонакъ кёб келюучю юйню, къазаны отдан тюшмез.
Аллахха ийнаннган кишини, Аллах онгдурур ишин.
Баш болса, бёрк табылыр.
Тёрдеги кюлсе, эшикдеги ышарыр.
Къыз келсе, джумуш эте келеди, къатын келсе, ушакъ эте келеди.
Къайгъы тюбю – тенгиз.
Къонагъы джокъну – шоху джокъ.
Намыс болмагъан джерде, насыб болмаз.
Кюл тюбюндеги от кёрюнмейди.
Ач келгенни – тойдур, кеч келгенни – къондур.
Ариу сёз – джаннга азыкъ, аман сёз – башха къазыкъ.
Чыкълы кюнде чыкъмагъан, чыкъса къуру кирмеген.
Айыбны суу бла джууалмазса.
Чабакъгъа акъыл, табагъа тюшсе келеди.
Тойгъандан сора, ашны сёкме.
Ургъан суудан башынгы сакъла.
Къуру гыбыт бек дыгъырдар.
Уруну арты – къуру.
Эки къатын алгъанны къулагъы тынгнгаймаз.
Хантына кёре тузу, юйюне кёре къызы.
Чомартны къолун джокълукъ байлар.
Ёлген эшек бёрюден къоркъмайды.
Бети къызарыучу адамны, джюреги харам болмаз.
Айран тёгюлсе, джугъусу къалыр.
Ачлыкъ отха секиртир.
Нафысынгы айтханын этме, намысынгы айтханын эт.
Ёмюрлюк шохлукъну джел элтмез.
Кёбге таш атма.
Къонакъ аз олтурур, кёб сынар.
Билеги кючлю, бирни джыгъар, билими кючлю, мингни джыгъар.
Ётген ёмюр – акъгъан суу.
Арыгъан къош чамчы болур.
Билмейме деген – бир сёз
Иги адам абынса да, джангылмаз.
