Аш иеси бла татлыды.
Тай асырагъан, атха минер.
Адеб базарда сатылмаз.
Окъуу – билимни ачхычы, окъуу – дунияны бачхычы.
Урунуу – насыбны анасы.
Кёлю джокъну – джолу джокъ.
Джиби бир къат джетмей эди да, эки къат тарта эди.
Окъдан джара эртде-кеч болса да бителир, сёз джара, ёмюрге къалыр.
Билимден уллу байлыкъ джокъду.
Башда акъыл болмаса, эки аякъгъа кюч джетер.
Къарны аманнга къазан такъдырма, къолу аманнга от джакъдырма.
Намысы болмагъанны, сыйы болмаз.
Накъырда – кертини келечиси.
Тойгъа алгъа да барма, тойда артха да къалма.
Ёнгкюч къууана барыр, джылай келир.
Бет бетге къараса, бет да джерге къарар.
Сабий кёргенин унутмаз.
Джаз бир кюнню джатсанг, къыш талай кюнню абынырса.
Айран тёгюлсе, джугъусу къалыр.
Акъыллы эркиши атын махтар, акъылсыз эркиши къатынын махтар.
Адам къыйынлыгъын кёлтюрюр, зауукълугъун кёлтюрмез.
Адам сёзге тынгыла, акъыл сёзню ангыла.
Джангыз торгъай джырламаз.
Тешигини къатында, чычхан да батыр болур.
Кесинге джетмегенни, кёб сёлешме.
Адам къаллай бир ишленмесе, аллай бир кесин уллу кёреди.
Элиб деген, элге болушур.
Адебни адебсизден юрен.
Юре билмеген ит, къонакъ келтирир.
Ачлыкъда тары гырджын халыуадан татлы.
Къартны бурнун сюрт да, оноугъа тут.
Ач келгенни – тойдур, кеч келгенни – къондур.
Аманны эки битли тону болур, бирин сеннге кийдирир, бирин кеси киер.
Байны оноуу, джарлыгъа джарамаз.
Игини сыйлагъан адетди.
Джетген къыз джерли эшекни танымаз.
Юй кюйдю да, кюйюз чыкъды, ортасындан тюйюш чыкъды.
Башы джабылгъан челекге, кир тюшмез.
Адам сёзюнден белгили.
Джахил болса анасы, не билликди баласы?
Тамырсыз терекге таянма – джыгъылырса.
Къайгъы тюбю – тенгиз.
Джолда аягъынга сакъ бол, ушакъда тилинге сакъ бол.
Къонакъ аз олтурур, кёб сынар.
Къошда джокъгъа – юлюш джокъ.
Къартны сыйын кёрмеген, къартлыгъында сыйлы болмаз.
Терек ауса, отунчу – кёб.
Кёзю сокъурдан – къоркъма, кёлю сокъурдан – къоркъ.
Азыгъы аз, алгъа къабар, аты аман, алгъа чабар.
Тамчы таш тешер.
