Оюмсуз атлагъан, аджалсыз ёлюр.
Джаралыны джастыгъында сау ёлюр.
Бал ашаргъа сюе эсенг, чибин ургъаннга тёз.
Тойну къарнашы – харс, джырны къарнашы – эжиу.
Тёрени джагъы джокъ.
Ауузу аманнга «иги», деме.
Къызны минг тилер, бир алыр.
Хазыр ашха – терен къашыкъ.
Джаш къарыу бла кючлю, къарт акъыл бла кючлю.
Акъыллы эркиши атын махтар, акъылсыз эркиши къатынын махтар.
Джумушакъ сёз къаты таякъны сындырыр.
Эшекни не къадар тюйсенг да, ат болмаз.
Адеб базарда сатылмаз.
Ата – баланы уясы.
Къонагъынгы артмагъын алма да, алгъышын ал.
Намысы болмагъанны, сыйы болмаз.
Уллу атлама – абынырса, уллу къабма – къарылырса.
Аз сёлеш, кёб ишле.
Игилик игилик бла сингдирилиучю затды.
Татлы тилде – сёз ариу, чемер къолда – иш ариу.
Дуния малгъа сатылма, кесингден телиге къатылма.
Ашхы адам – халкъ байлыгъы, ашхы джер – джашау байлыгъы.
Джыгъылгъанны сырты джерден тоймаз.
Джангызны оту джарыкъ джанмаз!
Ёлюр джаннга, ёкюл джокъ.
Акъыл сабырлыкъ берир.
Бастасын ашагъан, хантусун да ичер.
Кечеси – аяз, кюню – къыш, джарлы къаргъагъа бир аш тюш!
Байлыкъ тауусулур, билим тауусулмаз.
Тойгъан джерге джети къайт.
Кёб джашагъан – кёб билир.
Тенги кёбню джау алмаз, акъылы кёбню дау алмаз.
Кёбге таш атма.
Тешигини къатында, чычхан да батыр болур.
Хаухну атма, ёнгкючню сатма.
Юйюнг бла джау болгъандан эсе, элинг бла джау бол.
Уллу сёзде уят джокъ.
Ашхы сёз таш тешер.
Айныгъанлы алты кюн, тогъайгъанлы тогъуз кюн.
Сютню башын джалагъан къутулур, тюбюн ичген тутулур.
Шекер бла туз – бир болмаз, ушамагъан – юй болмаз.
Сакъламагъан затынга джолукъсанг, не бек къууанаса, не бек ачыйса.
Къыйынлы джети элни къайгъысын этер.
Айырылмаз джууугъунга, унутмаз сёзню айтма.
Джюрекден джюрекге джол барды.
Ач отунчуну ачыуу – бурнунда.
Аджалсыз ёлюм болмаз.
Чакъырылмагъан къонакъ тёрге атламаз.
Ана кёлю – балада, бала кёлю – талада.
Адам къыйынлыгъын кёлтюрюр, зауукълугъун кёлтюрмез.
