Адамны артындан къара сабан сюрме.
Айран ичген – къутулду, джугъусун джалагъан – тутулду.
Эрни эр этерик да, къара джер этерик да, тиширыуду.
Бичгенде ашыкъма, тикгенде ашыкъ.
Хата – гитчеден.
Аууз сакълагъан – джан сакълар.
Джауумдан сора, кюн кюйдюрюр, ётюрюкден сора, айыб кюйдюрюр.
Тил – кесген бычакъ, сёз – атылгъан окъ.
Сабий болмагъан джерде, мёлек болмаз.
Махтаннган къыз, тойда джукълар.
Эшекге миннген – биринчи айыб, андан джыгъылгъан – экинчи айыб.
Тулпарлыкъ, билекден тюл – джюрекден.
Арба аугъандан сора, джол кёргюзтюучю кёб болур.
Ата – билек, ана – джюрек!
Баш – акъыл ючюн, акъылман – халкъ ючюн.
Кёзден кетген, кёлден да кетеди.
Сабыр джетер муратха, сабырсыз къалыр уятха.
Накъырданы арты керти болур.
Бек анасы джыламаз.
Джылкъыдан – ат чыгъар, тукъумдан – джаш чыгъар.
Къуллукъчума, деб махтанма, къуллукъ – хаух джамчыды!
Къан бла кирген, джан бла чыгъар.
Аманны къуугъан, аманлыкъ табар.
Ачлыкъ отха секиртир.
Къаллай салам берсенг, аллай джууаб алырса.
Миллетни бойну – базыкъ, аны бла кюрешген – джазыкъ.
Чакъырылгъанны аты, чакъырылмагъанны багъасы болур.
Башсыз урчукъ тюзюне айланмаз.
Ачылгъан эт джабылыр, кёрген кёз унутмаз.
Битмегеннге сакъал – танг.
Хансыз джомакъ болмаз.
Къанны къан бла джуума, аманны аман бла къуума.
Кюн кёрмеген, кюн кёрсе, кюндюз чыракъ джандырыр.
Кюл тюбюндеги от кёрюнмейди.
Тилчиден кери бол.
Ётюрюк хапар аякъ тюбю бла джюрюйдю.
Ашын ашагъанынгы, башын да сыйла.
Тенги кёбню джау алмаз, акъылы кёбню дау алмаз.
Аджаллыгъа окъсуз шкок атылыр.
Бал – татлы, балдан да бала – татлы.
Биреуге аманлыкъны тилеме да, кесинге ашхылыкъны тиле.
Мен да «сен», дейме, сен да «кесим», дейсе.
Таукел тауну аудурур.
Баланы адам этген анады.
Рысхы – сют юсюнде кёмюк кибикди.
Тамбла алтындан бюгюн багъыр ашхы.
Эринчекге кюн узун.
Кёрмегеннге кебек – танг, битмегеннге сакъал – танг.
Ушамагъан – джукъмаз.
Зар адам ашынгы ашар, кесинги сатар.
