Хатерли къул болур.
Иги джашны ышаны – аз сёлешиб, кёб тынгылар.
Акъыл неден да кючлюдю.
Ауругъаннга – кийик саулукъ, джетген къызгъа – чилле джаулукъ.
Аякъларынгы джууургъанынга кёре узат.
Айтхан – тынч, этген – къыйын.
Адамны сабийин сюйген джюреги, бычакъча, джитиди.
Телини эшигин, махтау джабар.
Окъугъан – асыу, окъумагъан – джарсыу.
Адам къаллай бир ишленмесе, аллай бир кесин уллу кёреди.
Дууулдаса – бал чибин, къонса – къара чибин.
Азыгъы аз, алгъа къабар, аты аман, алгъа чабар.
Тыш элде солтан болгъандан эсе, кесинги элде олтан болгъан игиди!
Иги – алгъыш этер, аман – къаргъыш этер.
Джумушакъ терекни къурт ашар.
Намыс болмагъан джерде, насыб болмаз.
Джауумдан сора, кюн кюйдюрюр, ётюрюкден сора, айыб кюйдюрюр.
Ёгюзню мюйюзюнден тутадыла, адамны сёзюнден тутадыла.
Кёбге таш атма.
Тойгъандан сора, ашны сёкме.
Адеб этмеген, адеб кёрмез.
Терслик кетер, тюзлюк джетер.
Тойгъан антын унутур.
Тилчиден кери бол.
Сабийни джумушха джибер да, ызындан бар.
Чомартны къолу берекет.
Сакъ юйюне сау барыр.
Эл бла кёргенинг эрелей.
Акъыл аздырмаз, билим тоздурмаз.
Аманны къуугъан, аманлыкъ табар.
Ишлегенде эринме, ишде чолакъ кёрюнме.
Байлыкъ тауусулур, билим тауусулмаз.
Ёлген аслан – сау чычхан.
Акъыллы – эл иеси, тели – эл баласы.
Бозаны арты дауур болур.
Ачылгъан эт джабылыр, кёрген кёз унутмаз.
Ата Джуртуму башы болмасам да, босагъасында ташы болайым.
Уллу атлама – абынырса, уллу къабма – къарылырса.
Бетинги сатма, малынгы сат.
Акъылсызны джууукъгъа алма, акъыллыны кенгнге салма.
Сёз къанатсыз учар.
Уллу къашыкъ эрин джыртар.
Байны оноуу, джарлыгъа джарамаз.
Орну джокъну – сыйы джокъ.
Элде адам къалмаса, ит тахтагъа минер.
Нёгер болсанг, тенг бол, тенг болмасанг, кенг бол.
Юйюнг бла джау болгъандан эсе, элинг бла джау бол.
Нёгерсизни джолу узун.
Къар – келтирди, суу – элтди.
Биреуню къыйынлыгъы бла кесинге джол ишлеме.
