Адамны сабийин сюйген джюреги, бычакъча, джитиди.
Рысхысына кёре, джаш ёсер, къышлыгъына кёре, мал ёсер.
Айран тёгюлсе, джугъусу къалыр.
Кёб джат да, бек чаб.
Сютню башын джалагъан къутулур, тюбюн ичген тутулур.
Мени джылытмагъан кюн, меннге тиймесин!
Бал чибинни ургъаны – ачы, балы – татлы.
Ариу сёзде ауруу джокъ.
Чакъырылмагъан къонакъ – орунсуз.
Джюрекден джюрекге джол барды.
Ат басханны джер билед.
Адебни адебсизден юрен.
Тыш элде солтан болгъандан эсе, кесинги элде олтан болгъан игиди!
Чакъырылмагъан къонакъ къачан кетерин сормаз.
Бетинги сатма, малынгы сат.
Джауумдан сора, кюн кюйдюрюр, ётюрюкден сора, айыб кюйдюрюр.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Этни да ашады, бетни да ашады.
Ёлмесенг да, къарт дамы болмазса?
Сормай – алма, чакъырылмай – барма.
Ана кёлю – балада, бала кёлю – талада.
Акъылсызны джууукъгъа алма, акъыллыны кенгнге салма.
Башсыз урчукъ тюзюне айланмаз.
Тенгинг джокъ эсе – изле, бар эсе – сакъла!
Ишни аллы бла къууанма да, арты бла къууан.
Айранны сюйген, ийнек тутар.
Иги адамны бир сёзю эки болмаз.
Керек ташны ауурлугъу джокъ.
Адам бла мюлк юлешмеген эсенг, ол адамны билиб бошагъанма, деб кесинги алдама.
Уллу сёлешме да, уллу къаб.
Ишге юренсин къоллары, халкъ бла болсун джоллары.
Сёлеш деб шай берген, тохта деб, сом берген.
Ёлген аслан – сау чычхан.
Аманны тукъумуна къарама, игини тукъумун сорма.
Туз, гырджын аша, тюзлюк бла джаша.
Джахил болса анасы, не билликди баласы?
Къоркъакъны кёзю экили кёрюр.
Айтханы чапыракъдан ётмеген.
Келинни – келгинчи, бёркню кийгинчи кёр.
Къайгъыны сюйген, къайгъы табар.
Гугук кесини атын айтыб къычыргъанча, мен, мен деб нек тураса?
Юреннген ауруу къалмаз.
Сабийни джумушха джибер да, ызындан бар.
Къуру гыбыт бек дыгъырдар.
Чакъырылмагъан къонакъ тёрге атламаз.
Ауурну тюбю бла, дженгилни башы бла джюрюген.
Билим насыб берир, билим джолну керир.
Хунаны тюбюн къазсанг, юсюнге ауар.
Тюкюрюк баш джармаз, налат кёз чыгъармаз!
Къарнынг тойгъунчу аша да, белинг талгъынчы ишле.
