- Эм уллу байлыкъ – джан саулукъ.
- Таукел тауну аудурур.
- Ёлюр джаннга, ёкюл джокъ.
- Эри аманны, къатыны – аман.
- Гугук кесини атын айтыб къычыргъанча, мен, мен деб нек тураса?
- Къонагъы джокъну – шоху джокъ.
- Ауругъан – джашаудан умутчу.
- Аджашханны ызындагъы кёреди, джангылгъанны джанындагъы биледи.
- Къатыны харакетли болса, эри къымсыз болур.
- Ана къойну – балагъа джандет.
- Керилген да, ургъан кибикди.
- Телиге от эт десенг, юйюнге от салыр.
- Таукел адам тау тешер.
- Чоюнну башы ачыкъ болса, итге уят керекди.
- Джауумдан сора, кюн кюйдюрюр, ётюрюкден сора, айыб кюйдюрюр.
- Иги сёз – джаннга азыкъ, аман сёз башха – къазыкъ.
- Халкъгъа джарагъан, джарлы къалмаз.
- Байны къызы баймакъ болса да, юйде къалмаз!
- Ёнгкюч къууана барыр, джылай келир.
- Алгъанда – джууукъ, бергенде – джау.
- Тюзлюк тас болмайды.
- Насыб бютеу халкъны юлюшюдю.
- Джарлы тюеге минсе да, ит къабар.
- Къартны бурнун сюрт да, оноугъа тут.
- Эки итни арасына сюек атма, эки адамны арасында сёз чыгъарма.
- Танг атмайма десе да, кюн къоярыкъ тюйюлдю.
- Ашхы атаны – джашы ашхы, ашхы ананы – къызы ашхы.
- Босагъа таш юйге кирмей эди, тыбыр таш эшикге чыкъмай эди.
- Хазыр ашха – терен къашыкъ.
- Мадар болса, къадар болур.
- Кюл тюбюндеги от кёрюнмейди.
- Итли къонакъ джарашмаз.
- Сёз къанатсыз учар.
- Эм ашхы къайын ана мамукъ бла башынгы тешер.
- Ачны эсинде – аш.
- Къарт айтханны этмеген, къартаймаз.
- Ишлерге уял да, ашаргъа табма.
- Джахил болса анасы, не билликди баласы?
- Мал кёб болса, джууукъ кёб болур.
- Эки къатын алгъанны къулагъы тынгнгаймаз.
- Къонакъ болсанг, ийнакъ бол.
- Къартха ушагъан джаш – акъыллы, джашха ушагъан къарт – тели.
- Джарлы джети элни сёзюн этер.
- Ётюрюкден тюбю джокъ, кёлтюрюрге джиби джокъ.
- Бозанг болмагъан джерге, къалагъынгы сукъма.
- Аш кетер да бет къалыр.
- Билими азны – ауузунда кирит.
- Ана – юйню кюн джарыгъы.
- Атлыны ашхысы, ат тизгининден билинир
- Билмезни кёзю кёрмез, этмезни къулагъы эшитмез.
[ Закрыто ] Ана тилибизде тюз джазайыкъ!!!
|
школа деген сёз бла, грамматика деген сёзню, бизни тилге кёчюрсегиз керек эди. билирге излейме!
 |
|
|
|
|
|
школа-билим юй
грамматика-ашипкасыз джазмакъ))  |
|
|
|
|
|
американский диалект бла?
  |
|
|
|
|
|
Azamat,
 |
|
|
|
|
|
КёлКёз, да ёзге уа))))))кёбюсю алайсызда къалайса-малайса деб селешедиле))))
|
|
|
|
|
|
Кармен
 |
|
|
|
|
|
fonblond.тюз айтаса,алай а, сез ючюн, французла болгъан сезлени кеслени тиллерине кечюрюб , айтадыла, ))) тиллерин сакълар ючюн)) биз аладаn хомух тюл шойбуз))
|
|
|
|
|
|
былай бла барсакъ, манкуртла боллукъбуз...
а манкурт деб нятха айтадыла? сезлюкде да табмадым |
|
|
|
|
|
fonblond
Бек акъыллычыкъса! МашаЛлах! |
|
|
|
|
|
Ким биледи тюз къалай джазылады: ХО, огъесе ХОУ?
|
|
|
|
|
|
Suzuki)), алай да, алай да болады джазаргъа. Асламысына "хо" деб джазылады. Алай а "хоу" десенг да терсге саналлыкъ тюлдю. Малкъарлыла (таулула) уа "хау" деб да джазадыла.
|
|
|
|
|
|
Suzuki))
алай да, алайда да болады, китаблада кебюсюне хо деген тюбейди |
|
|
|
|
|
qarachayli
менден алгъа джукъ къабарыкъ болурса))))) |
|
|
|
|
|
Кармен
Туура бирча джазыб сирелдик кёреме. |
|
|
|
|
|
Бир орус сез эсиме тюшгенди аны юсюнден, айтсам келюнг къаллыкъ болур ансы
|
|
|
|
|
|
Кармен, мени кёлюмю къалдырырча сёз эсе, айтмазгъа кюреш. Кёлтюраллыкъ тюлме!
|
|
|
|
|
|
Аzаmаt
тюлбюз)) къошуламыса ишге? кечюрюлмей къалгъан сезлени къолгъа алайыкъ)) qаrаchаyli  Suzuki сезлюкге кере, къарачайча - хо, малкъарча - хау) |
|
|
|
|
|
Болсун) Бирда бек кюреширме джанынгы аяргъа)) Билмей бир табсыз сез ычхындырыб ийсем а, кечериксе, бойнум къылдан ингичке
|
|
|
|
|
|
а мен соргъан сезню уа киши нек айтмайды?
qarachayli, сен иги билген адамгъа ушайса, бир айтчы, манкурт деген сезню магъанасы къалайды? |
|
|
|
|
|
fonblond
сезлюкге кере, къарачайча - хо, малкъарча - хау) Бусагъатда сёзлюкге къарадым: анда къарачайча "хо" да барды, "хоу" да барды! |
|
|
|
|
Читают тему (гостей: 1)