- Бетинги сатма, малынгы сат.
- Аш кетер да бет къалыр.
- Болджал ишни бёрю ашар.
- Эринчекни эр алмаз, эр алса да, кёл салмаз, кёл салса да, кёб бармаз!
- Эли джокъну – кёлю джокъ.
- Тюзню ётмеги тюзде къалса да, тас болмаз.
- Игилик игилик бла сингдирилиучю затды.
- Нёгер болсанг, тенг бол, тенг болмасанг, кенг бол.
- «Ма», - дегенни билмесенг, «бер», - дегенни билмезсе.
- Тилсиз миллет джокъ болур.
- Дуния малгъа сатылма, кесингден телиге къатылма.
- Кесине гебен этелмеген, биреуге черен эте эди.
- Байлыкъдан саулукъ ашхыды.
- Адам боллукъ, атламындан белгили болур.
- Ата Джуртун танымагъан, атасын да танымаз.
- Адебсиз адам – джюгенсиз ат.
- Суу да къайтады чыкъгъан джерине.
- Нёгерсизни джолу узун.
- Ач, тоймам, дейди, тойгъан, ач болмам, дейди.
- Джерни букъусу кёкге къонмаз.
- Этим кетсе да, сюегим къалыр.
- Башы ишлегенни, ауузу да ишлер.
- Джан саулукъ бермей, сан саулукъ бермезсе.
- Аманнга алтын чыдамаз.
- Суу ичген шауданынга тюкюрме.
- Кёзю сокъурдан – къоркъма, кёлю сокъурдан – къоркъ.
- Ана къойну – балагъа джандет.
- Джукъу тёшек сайламайды.
- Бал – татлы, балдан да бала – татлы.
- Ач къарным, тынч къулагъым.
- Босагъа таш юйге кирмей эди, тыбыр таш эшикге чыкъмай эди.
- Къарт бла баш аша, джаш бла аякъ аша.
- Тойгъандан сора, ашны сёкме.
- Мен да «сен», дейме, сен да «кесим», дейсе.
- Джетген къыз джерли эшекни танымаз.
- Ачылгъан эт джабылыр, кёрген кёз унутмаз.
- Алма терегинден кери кетмез.
- «Ёгюз, джаргъа джууукъ барма, меннге джюк боллукъса», - дегенди эшек.
- Ат басханны джер билед.
- Къызны минг тилер, бир алыр.
- Айранны сюйген, ийнек тутар.
- Асхат ашлыкъ сата, юйдегиси ачдан къата.
- Иги – алгъыш этер, аман – къаргъыш этер.
- Зар адамны насыбы болмаз.
- Мухардан ач ычхынмаз.
- Тенги кёбню джау алмаз, акъылы кёбню дау алмаз.
- Кимни – тили, тиши онглу, кимни – къолу, иши онглу.
- Джюз элде джюз ёгюзюм болгъандан эсе, джюз джууугъум болсун.
- Кёз – сюйген джерде, къол – ауругъан джерде.
- Аякъларынгы джууургъанынга кёре узат.
Келигиз, тил байлыгъыбызны сакълайыкъ!
21.02.2008 01:18:05
къара
кертида сагъыш этерча затды сора сен сагъышгъа кириб къалдынг болурму Джазчын бир тёрт-беш назму |
|
|
|
21.02.2008 09:52:45
Сау эсен джетдик бу багъалы кюнге деричи! Барыгъызны алгъышлайма!
|
|
|
|
21.02.2008 13:14:31
Акъ_Беленькая
|
|
|
|
21.02.2008 14:01:19
Девушка Гор
Назмула айтыбмы эришесиз. Мен да къошулайым? |
|
|
|
21.02.2008 14:36:45
къара
Аламат назму, джаш тёлюбюз аланы окъугъаны, эсин ийгени, джашауунда андан юлгю алгъаны андан да аламат. |
|
|
|
21.02.2008 14:46:40
Эгечим,меннге джууаб берирге тыйыншлы кермединг не эседа....
|
|
|
|
21.02.2008 15:04:25
Мен
Эгечим,меннге джууаб берирге тыйыншлы кермединг не эседа.... Кечериксе, ишим кёб болгъанды да. Кесим да къайсы сорууну юсюнден айтханынгы ангыламай джунчугъанма. |
|
|
|
21.02.2008 15:09:16
Къарачай тилни окъугъан этген болурса деген согъыш келген эди акъылыма...
|
|
|
|
21.02.2008 15:10:02
Миллетчи
Сау бол, джаш адамма, алай а, тюгел сен махтагъанча бир билимим болмаз. Кесим да, тюз билгенсе, къарачай тилден устазлыкъгъа окъугъанма. |
|
|
|
21.02.2008 15:11:16
Мен
Къарачай тилни окъугъанма, окъурукъма, Аллах буюрса окъугъанлай турлукъма! |
|
|
|
21.02.2008 15:13:50
Айыб этме,менда къарачай институтну филфакда къарачай белюмюн окъугъанма.Сен къайсы джыллада окъугъан эдинг?
|
|
|
|
21.02.2008 15:23:06
Миллетчи
Мен къарачай тил бла журналистика бир бёлме болгъан кёзюуде окъугъанма. Болгъанды 3-джыл андан бери. |
|
|
|
21.02.2008 15:24:09
Карачай форумга ошаб башлады деймеми Джашил Уюбюз ))
|
|
|
|
21.02.2008 15:25:00
кокетка
Эндиден сора менге, билмейме ана тилни деб бир айт Быллай назмуланы къайдан табаса да сора? |
|
|
|
21.02.2008 15:27:30
ПТЮЧ
Карачай форумга ошаб башлады деймеми Джашил Уюбюз Бизни баш муратыбыз да олду, форумда джаш адамла къарачай-малкъар тилде селешсинле деб. |
|
|
|
21.02.2008 15:29:13
Девушка Гор
Аман арю сёлешесе )) Кайдан ёренгенсе? )) Ата-Ана огасе школ-мол? )) |
|
|
|
21.02.2008 15:38:54
ПТЮЧ
Ата-Ана огасе школ-мол Ата-ана, къарт ата- къарт ана - школ - университет - иш- джашау! |
|
|
|
21.02.2008 15:41:41
ПТЮЧ
Джашил Уюбюз )) Билемисе Бюгюнгю кюнден къаллай хайыр менге эм уллуду? артуржан тынгъылап турады, тилни жутхан кибик....))керти да солугъан этеме |
|
|
|
21.02.2008 15:49:55
Девушка Гор
карачайча завидываю калай боллукту? Къанамат аман зат Биледи Артурджон карачай тилни )))) |
||||
|
|
|||
Читают тему (гостей: 1)