- Эшекге миннген – биринчи айыб, андан джыгъылгъан – экинчи айыб.
- Къуру гыбыт бек дыгъырдар.
- Тойчу джашха къарама, къойчу джашха къара.
- Окъугъан озар, окъумагъан тозар.
- Тилде сюек болмаса да, сюек сындырыр.
- Орну джокъну – сыйы джокъ.
- Айтылгъан сёз ызына къайтмаз.
- От кюйдюрген, сау болса да, тот кюйдюрген, сау болмаз.
- Башы джабылгъан челекге, кир тюшмез.
- Билеги кючлю, бирни джыгъар, билими кючлю, мингни джыгъар.
- Иги сеники эсе да, сюйген кесимикин этеме.
- Эркиши – от, тиширыу – суу.
- Мен да «сен», дейме, сен да «кесим», дейсе.
- Ёлюр джаннга, ёкюл джокъ.
- Адамны джюреги нени кёрюрге сюйсе, кёзю да аны кёрюрге ёч болады.
- Джыланны къуйругъундан басарынг келсе, аны башы болгъанын унутма.
- Ашыкъгъанны этеги бутуна чырмалыр.
- Къайтырыкъ эшигинги, къаты уруб чыкъма.
- Ашаса, ашамаса да, бёрюню ауузу – къан.
- Биреуню тёрюнден, кесинги эшик артынг игиди.
- Чёбню кёлтюрсенг, тюбюнден сёз чыгъар.
- Ариу сёз джыланны орнундан чыгъарыр.
- Азыкълы ат арымаз, къатыны аман джарымаз.
- Къызбайны юйюне дери сюрсенг, батыр болур.
- Ханнга да келеди хариблик.
- Ач да бол, токъ да бол – намысынга бек бол.
- Чыбыкълыкъда бюгюлмеген, къазыкълыкъда бюгюлмей эди.
- «Ёгюз, джаргъа джууукъ барма, меннге джюк боллукъса», - дегенди эшек.
- Бек ашыкъгъан меннге джетсин, дегенди аракъы.
- Къаллай салам берсенг, аллай джууаб алырса.
- Эски джаугъа ышанма.
- Садакъачыны джаны – къапчыгъында.
- Иесиз малны бёрю ашар.
- Чомарт къонакъ юй иесин сыйлар.
- Бетинги сатма, малынгы сат.
- Джигер – джаннга къыйынлыкъ.
- Тили узунну, намысы – къысха.
- Тюзлюк шохлукъну бегитир.
- Ашыкъгъан cуу, тенгизге джетмез.
- Джаш болсун, къыз болсун, акъылы, саны тюз болсун.
- Элде адам къалмаса, ит тахтагъа минер.
- Агъач халкъгъа алтынды, иссиликге салкъынды.
- Накъырда – кертини келечиси.
- Адам сёзге тынгыла, акъыл сёзню ангыла.
- Эл ауузу – элия.
- Бал чибинни ургъаны – ачы, балы – татлы.
- Ким бла джюрюсенг, аны кёзю бла кёрюнюрсе.
- Мал кёб болса, джууукъ кёб болур.
- Кёб джашагъан – кёб билир.
- Халкъгъа джарагъан, джарлы къалмаз.
Келигиз, тил байлыгъыбызны сакълайыкъ!
21.02.2008 15:55:46
ПТЮЧ
карачайча завидываю калай боллукту? Сукъланама |
|
|
|
21.02.2008 15:56:15
ПТЮЧ
Билгенликге джазаргъа сюймейди |
|
|
|
21.02.2008 15:59:50
Девушка Гор
Сукланама адамлага карачайча иги сёлеше билгенлеге ))) Тюз айтыммы? )) Къанамат Солуйса сора |
|
|
|
21.02.2008 16:05:02
ПТЮЧ
Тюз айтыммы? Айтдыгъыз! Энди къарачай-малкъар тилни юсюнден бир назму да джазсагъыз! |
|
|
|
21.02.2008 16:12:33
Девушка Гор
Айыб этмегиз соруучугъум барды, бюгюн, къарачай халкъ поэти Сюйюнчланы Азамат бла ушукъ этерик тюлмю эдик? |
|
|
|
21.02.2008 16:13:36
ПТЮЧ
Сен а солумаймыса? |
|
|
|
21.02.2008 16:25:27
кокетка
Игитда этебиз ушакъ! Бир кесекчикден! охому? |
|
|
|
21.02.2008 16:40:31
СОРУУЛАРЫМЫ ХОЗЫРЛАЙМ СОРА
|
|
|
|
21.02.2008 16:43:05
смак
Бек ариу джазылгъанды! |
|
|
|
21.02.2008 16:45:56
Айтханыбызча, бир кесекден КъЧР-ны халкъ поэти Сюйюнчланы Азамат бла ушакъ этерикбиз. Сиз сорууларыгъызны хазыр эте туругъуз, мен а уа къонакъгъа кетдим!
|
|
|
|
21.02.2008 17:04:54
Девушка Гор
Сакълайбыз |
|
|
|
21.02.2008 17:08:07
|
|
|
|
21.02.2008 18:44:19
Багъалы форумчанла! Азаматны танымагъан адамлагъа суратын салайым!
[imgs=http://www.elbrusoid.ru/cupermin/displayimag e.php?album=lastup&cat=1&pos=0][/imgs] |
|
|
|
21.02.2008 18:44:25
Азамат, джаш тёлю сорууларын хазырлагъынчы, биринчи сорууну мен берейим: мен билгенге кёре, сиз гитчелигигизден джазыучу болургъа муратлы болгъансыз?
|
|
|
|
21.02.2008 18:49:11
Девушка Гор
Мен Сюйюнчланы Азаматны былайда болгъанын билмей башха темада тургъанма. Ташкёпюр школну устазлары бла сохталарындан уллу салам береме Азаматха!!! |
|
|
|
21.02.2008 18:52:01
Алик турист
Саламыгъыз узакъ болсун. Ана тилни, ана литератураны джазыучуларыны китабларын халкъгъа джайгъан устазладыла. Ташкёпюр школну устазларына бюсюреу этеме. |
|
|
|
21.02.2008 18:52:34
Девушка Гор
Багъалы Азамат! Тил байлыгъыбызны сакълар ючюн Кърал джаны бла не мадарла этилирге керекди сиз сагъыш этгенден? |
|
|
|
Читают тему (гостей: 1)