- Илму – джашауну джолу.
- Айыбны суу бла джууалмазса.
- Джауумдан сора, кюн кюйдюрюр, ётюрюкден сора, айыб кюйдюрюр.
- Сакъ юйюне сау барыр.
- Джыланны къуйругъундан басарынг келсе, аны башы болгъанын унутма.
- Биреуге аманлыкъ этиб, кесинге игилик табмазса.
- Къошда джокъгъа – юлюш джокъ.
- Къуллукъчума, деб махтанма, къуллукъ – хаух джамчыды!
- Ёлген ийнек сютлю болур.
- Элде адам къалмаса, ит тахтагъа минер.
- Иесиз малны бёрю ашар.
- Аджалсыз ёлюм болмаз.
- Къоркъакъны кёзю экили кёрюр.
- Атлыны ашхысы, ат тизгининден билинир
- Биреу ашаб къутулур, биреу джалаб тутулур.
- Кёб джашагъан – кёб билир.
- Чакъырылгъанны аты, чакъырылмагъанны багъасы болур.
- Ёзденликни кёбю ётюрюк.
- Кёб ант этген, кёб ётюрюк айтыр.
- Дженгил джетерикме деб, узун джолну къоюб, къысхасын барма.
- Арбаз сайлама да, хоншу сайла.
- Сёз садакъдан кючлюдю.
- Орундукъ тюбюнде атылсам да, орта джиликме, де да айлан.
- Джумушакъ терекни къурт ашар.
- Хантына кёре тузу, юйюне кёре къызы.
- Алтыннга тот къонмаз.
- Байлыкъ тауусулур, билим тауусулмаз.
- Сыфатында болмагъаны, суратында болмаз.
- Эл ауузу – элек, анга ийнаннган – халек.
- Туз, гырджын аша, тюзлюк бла джаша.
- Халкъны джырын джырласанг, халкъ санга эжиу этер.
- Къарт бла баш аша, джаш бла аякъ аша.
- Малны кют, джерни тюрт.
- Юйлю уругъа ит чабмаз.
- Хоншуну тауугъу къаз кёрюнюр, келини къыз кёрюнюр.
- Чакъырылмай келген къонакъ сыйланмай кетер.
- Этек чакъмакълары баш джаргъан, сёлешген сёзлери таш джаргъан.
- Телини эшигин, махтау джабар.
- Тынгылагъан тынгы бузар.
- Керти сёзге тёре джокъ.
- Окъуусуз билим – джокъ, билимсиз кюнюнг – джокъ.
- Айтханы чапыракъдан ётмеген.
- Ач отунчуну ачыуу – бурнунда.
- Къайгъыны сюйген, къайгъы табар.
- Огъурлуну сёзю – суу, огъурсузну сёзю – уу.
- Эл ауузу – элия.
- Ётген ёмюр – акъгъан суу.
- Гугурук къычырмаса да, тангны атары къалмаз.
- Экеу тутушса, биреу джыгъылыр.
- Билген билмегенни юретген адетди.
Келигиз, тил байлыгъыбызны сакълайыкъ!
21.02.2008 15:55:46
ПТЮЧ
карачайча завидываю калай боллукту? Сукъланама |
|
|
|
21.02.2008 15:56:15
ПТЮЧ
Билгенликге джазаргъа сюймейди |
|
|
|
21.02.2008 15:59:50
Девушка Гор
Сукланама адамлага карачайча иги сёлеше билгенлеге ))) Тюз айтыммы? )) Къанамат Солуйса сора |
|
|
|
21.02.2008 16:05:02
ПТЮЧ
Тюз айтыммы? Айтдыгъыз! Энди къарачай-малкъар тилни юсюнден бир назму да джазсагъыз! |
|
|
|
21.02.2008 16:12:33
Девушка Гор
Айыб этмегиз соруучугъум барды, бюгюн, къарачай халкъ поэти Сюйюнчланы Азамат бла ушукъ этерик тюлмю эдик? |
|
|
|
21.02.2008 16:13:36
ПТЮЧ
Сен а солумаймыса? |
|
|
|
21.02.2008 16:25:27
кокетка
Игитда этебиз ушакъ! Бир кесекчикден! охому? |
|
|
|
21.02.2008 16:40:31
СОРУУЛАРЫМЫ ХОЗЫРЛАЙМ СОРА
|
|
|
|
21.02.2008 16:43:05
смак
Бек ариу джазылгъанды! |
|
|
|
21.02.2008 16:45:56
Айтханыбызча, бир кесекден КъЧР-ны халкъ поэти Сюйюнчланы Азамат бла ушакъ этерикбиз. Сиз сорууларыгъызны хазыр эте туругъуз, мен а уа къонакъгъа кетдим!
|
|
|
|
21.02.2008 17:04:54
Девушка Гор
Сакълайбыз |
|
|
|
21.02.2008 17:08:07
|
|
|
|
21.02.2008 18:44:19
Багъалы форумчанла! Азаматны танымагъан адамлагъа суратын салайым!
[imgs=http://www.elbrusoid.ru/cupermin/displayimag e.php?album=lastup&cat=1&pos=0][/imgs] |
|
|
|
21.02.2008 18:44:25
Азамат, джаш тёлю сорууларын хазырлагъынчы, биринчи сорууну мен берейим: мен билгенге кёре, сиз гитчелигигизден джазыучу болургъа муратлы болгъансыз?
|
|
|
|
21.02.2008 18:49:11
Девушка Гор
Мен Сюйюнчланы Азаматны былайда болгъанын билмей башха темада тургъанма. Ташкёпюр школну устазлары бла сохталарындан уллу салам береме Азаматха!!! |
|
|
|
21.02.2008 18:52:01
Алик турист
Саламыгъыз узакъ болсун. Ана тилни, ана литератураны джазыучуларыны китабларын халкъгъа джайгъан устазладыла. Ташкёпюр школну устазларына бюсюреу этеме. |
|
|
|
21.02.2008 18:52:34
Девушка Гор
Багъалы Азамат! Тил байлыгъыбызны сакълар ючюн Кърал джаны бла не мадарла этилирге керекди сиз сагъыш этгенден? |
|
|
|
Читают тему (гостей: 1)