- Къаллай салам берсенг, аллай джууаб алырса.
- Акъдан къара болмаз.
- Эри аманны, къатыны – аман.
- Келлик заман – къартлыкъ келтирир, кетген заман – джашлыкъ ёлтюрюр.
- Кийимни бичсенг, кенг бич, тар этген къыйын тюлдю.
- Аман къатын сабий табса, бий болур…
- Биреу къой излей, биреу той излей.
- Къыз келсе, джумуш эте келеди, къатын келсе, ушакъ эте келеди.
- Мадар болса, къадар болур.
- Ишни ахырын ойламай, аллын башлама.
- Юйлю уругъа ит чабмаз.
- Къонакъ кёб келюучю юйню, къазаны отдан тюшмез.
- Таукел тауну аудурур.
- Эл элде бирер малынг болгъандан эсе, бирер тенгинг болсун.
- Сабийликде юретмесенг, уллу болса – тюзелмез.
- Кийиминг бла танылма, адамлыкъ бла таныл.
- Ётюрюкчюню шагъаты – къатында.
- Айтылгъан сёз ызына къайтмаз.
- Тюзню ётмеги тюзде къалса да, тас болмаз.
- Ёксюзню тилеги къабыл болур.
- Ёгюзню мюйюзюнден тутадыла, адамны сёзюнден тутадыла.
- Джырына кёре эжиую.
- Ойнай билмеген, оюн бузар.
- Намыс болмагъан джерде, насыб болмаз.
- Ата – билек, ана – джюрек!
- Эшекни не къадар тюйсенг да, ат болмаз.
- Окъугъанны бети джарыкъ.
- Тас болгъан бычакъны сабы – алтын.
- Дуния малгъа сатылма, кесингден телиге къатылма.
- Игини сыйлагъан адетди.
- Джарашыу сюйген – джалынчакъ.
- Насыблы элин сюер, насыбсыз кесин сюер.
- Хар сёзню орну барды.
- Телини эшигин, махтау джабар.
- Байлыкъ адамны сокъур этер.
- Аман адам элни бир-бирине джау этер.
- Аджаллыгъа окъсуз шкок атылыр.
- Тюзлюк тас болмайды.
- Рысхы – сют юсюнде кёмюк кибикди.
- Байны къызы баймакъ болса да, юйде къалмаз!
- Джылар джаш, атасыны сакъалы бла ойнар.
- Адам сёзге тынгыла, акъыл сёзню ангыла.
- Айтхан – тынч, этген – къыйын.
- Бир абыннган – минг сюрюнюр.
- Эрине къаргъыш этген къатын, эрнин къабар.
- Чабакъгъа акъыл, табагъа тюшсе келеди.
- Тойгъандан сора, ашны сёкме.
- Уруну арты – къуру.
- Эки къатын алгъан – эки ташны ортасына башын салгъан.
- Биреуге аманлыкъ этиб, кесинге игилик табмазса.
Келигиз, тил байлыгъыбызны сакълайыкъ!
21.02.2008 19:17:56
Сюйюнчланы А
Чыгъармаларыгъызда баш орунну къайсы тема алады? |
|
|
|
21.02.2008 19:31:02
Сюйюнчланы А
Багъалы Азамат! Бусагъатда уа лирика назмула джазамысыз? |
|
|
|
21.02.2008 19:31:03
Сюйюнчланы А
Азамат, сизни назмуларыгъызгъа макъам салыб, кеб джыр этгендиле.Эм сюйген джырыгъыз къайсыды? |
|
|
|
21.02.2008 19:39:53
Сюйюнчланы А
Багъалы Азамат! Сизни чыгъармаларыгъызны ичинде сюймеклик назмула да кёбдюле. Аланы атагъан адамларыгъыз да болурла (айыб этмегиз аллай энчи сору соргъаныма). |
|
|
|
21.02.2008 19:57:01
Малкъарда шёндюгю жазыучуладан кимни жаратасыз?
|
|
|
|
21.02.2008 19:58:49
Сюйюнчланы А
Табигъатны сакълауугъа къалай къарайсыз? |
|
|
|
21.02.2008 20:00:18
SOFIKOSHKA
Сау бол, Софья, бизни аз къыйыныбызгъа уллу багъа бергенигизге. |
|
|
|
21.02.2008 20:02:00
|
|
|
|
21.02.2008 20:02:20
Сюйюнчланы А
Бир китабыгъызны бизге саугъагъа берирмисиз, ал бетинде кол салыб? |
|
|
|
21.02.2008 20:15:16
Чтец
Илхам (вдохновение) Мукъладис (магнит) |
|
|
|
21.02.2008 20:15:38
Сюйюнчланы А
Багъалы Азамат! Уялтдыгъыз тейри Сора сизны къыйыныгъызгъа аз деб айтыргъа боламыды? Сиз бизни эм бек сюйген джазыучуларыбызни бирисиз |
|
|
|
21.02.2008 20:16:27
всезнайка
Къайсы джаргъа айтханыгъыз ангылашынмай къалгъанды. Ссылкагъызны ачалмагъаныбыз себебли. |
|
|
|
|
|
|
|
|
|
|
|
|
||||
|
|
|||
Читают тему (гостей: 2)